Улёткі з пытаннямі, якія кампанія "Гавары праўду" збірала падчас грамадскага абмеркавання, можна ўбачыць у самых людных месцах райцэнтру. Каля крамы, да прыкладу, вывешаны аркушык з пытаннем №35 "Калі спыніцца рост коштаў?", а каля фанернай фігуры міліцыянта "дзядзі Сцёпы" – пытанне № 28 "Калі выпусцяць палітзняволеных?"
Сёння ў памяшканні суда Слонімскага раёна павінна было адбыцца судовае паседжанне па скарзе лідэра мясцовай суполкі Партыі БНФ Івана Шэгі на дзеянні Слонімскага райвыканкаму. Суддзя Наталля Радзіонік суд прызначыла на 19 студзеня, матывуючы гэта тым, што яна павінна дасканала вывучыць справу.
Праваабаронца Барыс Бухель адзначае, што гэта першы суд на ягонай памяці, калі закраналася пытанне ўзроставай дыскрыміцыі ў краіне. Па выніках суда выявіўся цэлы шэраг нестыковак у Працоўным кодэксе і Законе “Аб занятасці”.
У Першамайскім райсудзе Віцебску завяршыўся разгляд адміністрацыйнай справы апазіцыйнага актывіста, якога прызналі вінаватым у хуліганстве. Суддзя Вольга Іванова аштрафавала Сяргея Каваленку за нібыта нецэнзурную лаянку на адрас супрацоўнікаў інспекцыі па выкананні пакаранняў.
12 студзеня суддзя Цэнтральнага раёна Гомеля Сяргей Шыцікаў пакінуў без задавальнення скаргу гомельскіх праваабаронцаў Леаніда Судаленкі і Анатоля Паплаўнага на рашэнне гарвыканкама аб забароне пікету. Масавае мерапрыемства грамадзяне планавалі правесці на плошчы Паўстання Гомеля 10 снежня, да Міжнароднага дня правоў чалавека.
Каля Цэнтральнага рынку Гомеля прыблізна ў 15.50 былі затрыманы старшыня абласной арганізацыі АГП Васіль Палякоў і актывіст партыі Уладзімір Няпомняшчых. Апазіцыянеры распаўсюджвалі партыйны бюлетэнь «Голас розуму». Раптам да іх падышлі супрацоўнікі спецназу, і нічога не тлумачачы, прапанавалі праехаць у Цэнтральны РАУС.
Начальнік упраўлення ідэалагічнай работы Магілёўскага аблвыканкама Андрэй Кунцэвіч прапанаваў раённым газетам Магілёўскай вобласці перайсці на штотыднёвы выпуск. Аб якой аб’ектыўнасці і непрадузятасці рэгіянальнай прэсы на Магілёўшчыне можна казаць, калі ёй без усялякага сораму “кіруюць” ідэолагі…
 |
|
 |