Праваабарончы цэнтр «ВЯСНА»

“Усяго мы развесілі раніцай 20-га траўня ў шматлюдных месцах некалькі дзясяткаў улётак, - распавяла бабруйская актывістка кампаніі “Гавары праўду”. – Улёткі вывешвалі на дошках аб’яў, слупах, прыпынках грамадскага транспарту і г. д. Некалькі ўлётак нават здолелі размясціць на сценах ПК № 2, дзе і адбывае пакаранне Алесь Бяляцкі".

Гэтая ўзнагарода адзначае асобаў і няўрадавыя арганізацыі, якія дэманструюць надзвычайную мужнасць і лідарскія якасці ў абароне правоў чалавека і дэмакратыі ва ўмовах рэпрэсій з боку ўрада.

Прэзідэнт Міжнароднай Федэрацыі за правы чалавека (FIDH) Суэр Белхасэн у сваім выступе на ўрачыстым мітынгу 11 траўня ў Парыжы падкрэсліла, што сёння лёс віцэ-прэзідэнта FIDH і кіраўніка ПЦ "Вясна" Алеся Бяляцкага шмат у чым залежыць ад міжнароднай грамадскасці, падтрымка якой павінна быць «безумоўнай, моцнай і, галоўнае, яднанай».

Пра гэта гаворыцца ў паведамленні на сайце французскага МЗСу з нагоды ўдзелу Пасла Францыі па правах чалавека Франсуа Зімерэ ў мерапрыемстве, арганізаваным у падтрымку Алеся Бяляцкага мэрыяй Парыжа 11 траўня.

Партрэт Алеся Бяляцкага, віцэ-прэзідэнта Міжнароднай Федэрацыі за правы чалавека (FIDH) і старшыні Праваабарончага цэнтра "Вясна", быў усталяваны перад мэрыяй 11-й акругі г. Парыжа ў пятніцу 11 траўня. Такім сімвалічным чынам французская сталіца далучыла свой голас да кампаніі за вызваленне знакамітага беларускага праваабаронцы.

11 траўня ў Парыж на мітынг за вызваленне Алеся Бяляцкага прыбудуць паслы па правах чалавека з Швецыі, Аўстрыі, Венгрыі, Францыі. Пра гэта паведамляе міжнародны сакратарыят Міжнароднай Федэрацыі за правы чалавека (FIDH), віцэ-прэзідэнтам якой з'яўляецца Алесь Бяляцкі. Урачыстае мерапрыемства пачнецца ў 18:30 па менскім часе.

У пятніцу, на фасадзе будынка мэрыі 11-й акругі Парыжа, у рамках акцыі "Парыж за Алеся Бяляцкага!" будзе ўрачыста вывешаны гіганцкі партрэт віцэ-прэзідэнта FIDH і кіраўніка ПЦ "Вясна" з заклікам да яго неадкладнага вызвалення. Аб маючым адбыцца мерапрыемстве паведамляюць парыжская прэса і сайт гарадской мэрыі.

У сярэдзіне красавіка праваабаронца Наста Лойка адправіла старшыні Праваабарончага цэнтру “Вясна” Алесю Бяляцкаму два лісты фарматам А4. У капэртах змяшчаліся паштоўкі, чыстыя капэрты, маркі, а таксама крымінальна-выканаўчы кодэкс Рэспублікі Беларусь. Пазней cтала вядома, што лісты Алесь Бяляцкі так і не атрымаў.