Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс праграмы на 28 лютага:
Каментар эксперта: Карыстанне роднай мовай у судах, на палітычна-матываваных працэсах — размова з праваабаронцай "Вясны" Наталляй Сацункевіч:
"Трыгер для ўладаў і паказчык таго, што чалавек супраць дзеючага палітычнага рэжыму ў Беларусі".
Каментар: Наталля Пінчук, жонка Алеся Бяляцкага, дзеліцца думкамі пра тэрміны зняволення, што запрасіў пракурор, і судовы працэс над “вясноўцамі”:
"Хто самыя страшныя для ўлады? Праваабронцы".
Па-за межамі: Беларускія ссыльныя і сучасныя палітвязні — такія кантэксты можна прачытаць праз беларускія ручнікі. Якім чынам? Распавядае Паўліна Вітушчанка, куратарка выставы “Утканае”, якая адкрылася ў Віленскім беларускім музеі імя Луцкевіча:
"Для беларускіх ссыльных было забаронена пераязджаць у Беларусь, але не было забаронена пераязджаць у Вільню".
Асоба: Віталь Жук — былы палітычны зняволены. Яго асудзілі 1,5 года пазбаўлення волі, а пасля сканчэння тэрміну ён адразу пакінуў Беларусь.
"Самае цяжкае — гэта расстанне са сваёй сям’ёй", — кажа Віталь.
