Спіс палітычных вязняў

2015 2015-12-01T16:39:00+0300 2017-04-18T13:44:44+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Вызначэнне паняцця "палітычны вязень"

Зміцер Паліенка – сацыяльны актывіст з Мінска. Нагодай для крымінальнага пераследу стаў ягоны ўдзел у мірным сходзе “Крытычная маса”, які адбываўся 29 красавіка 2016 г. у Мінску і быў гвалтоўна спынены міліцыяй.

12 кастрычніка 2016 года судом Цэнтральнага раёна г. Мінска прызнаны вінаватым у здзяйсненні злачынства, прадугледжанага артыкулам 364 Крымінальнага кодэкса (гвалт альбо пагроза ўжывання гвалту ў дачыненні да супрацоўнікаў органаў унутраных справаў) і часткай 2 артыкула 343 КК (выраб і распаўсюд парнаграфічных матэрыялаў або прадметаў парнаграфічнага характару). Паводле прысуда, З. Паліенка быў прыгавораны да двух гадоў пазбаўлення волі з адтэрміноўкай выканання пакарання на два гады.   

7 красавіка 2017 года судом Заводскага раёна г. Мінска разгледжана прадстаўленне органа, які ажыццяўляе кантроль за паводзінамі асуджанага (хутчэй за ўсё, УУС Заводскага раёна), і адменена адтэрміноўка выканання пакарання. У сувязі з гэтым, без права на абскарджванне, актывіст падлягае накіраванню ў папраўчую калонію для адбыцця пакарання ў выглядзе пазбаўлення волі тэрмінам на 1,5 гады (з улікам часу ўтрымання пад вартай да суду ў 2016 годзе).  

Экспертнае заключэнне па крымінальным пераследзе Зміцера Паліенкі

Заява праваабарончых арганізацыяў аб прызнанні палітвязнем

Для адбыцця пакарання накіраваны ў бабруйскую папраўчую калонію №2, дзе, меркавана, да пачатку траўня будзе ўтрымлівацца ў закрытым атрадзе - "каранціне".

Адрас: ПК-2, у каранцін. 
вул. Сікорскага, 1, г. Бабруйск,
Магілёўская вобласць, 213800 


kasinerau_button.jpg

Вячаслаў Касінераў – актывіст анархісцкага руху з Мінска. 28 сакавіка 2017 года стала вядома, што яму прад’яўлена абвінавачванне ў здзяйсненні злачынства па частцы 1 артыкула 339 Крымінальнага кодэкса (хуліганства). Узяты пад варту.

Падставай для крымінальнага пераследу стала праведзеная ім 12 сакавіка 2017 г. каля будынку МУС у г. Мінску акцыя-перформанс: накінуў пятлю на статую паліцэйскага-гарадавога, усталяваную там да стагоддзя беларускай міліцыі, выказаўшы такім чынам свой пратэст супраць міліцэйскага самавольства і пераследу актывістаў анархісцкага руху за ўдзел у мірных акцыях пратэсту.

Экспертнае заключэнне па крымінальным пераследзе Вячаслава Касінерава

Заява праваабарончых арганізацыяў аб прызнанні палітвязнем

У чаканні суда ўтрымліваецца ў СІЗА №1.

Адрас: вул. Валадарскага, 2, г. Мінск, 220030


Міхаіл Жамчужны – грамадскі актывіст, асуджаны 10.07.2015 г. судом Віцебскай вобласці да 6,5 гадоў пазбаўлення волі ў папраўчай калоніі ва ўмовах строгага рэжыму і пазбаўлення права займаць пасады, звязаныя з выкананнем арганізацыйна-распараджальных абавязкаў тэрмінам на 2 гады і 8 месяцаў. 

Заява аб прызнанні палітвязнем

Біяграфія і храналогія пераследу

Адбывае пакаранне ў Навасадах.

Адрас: ПК-14, атрад 15, ст. Навасады,

Барысаўскі р-н, Мінская вобл. 222125

Апошнія навіны

Партнёрства

Сяброўства