Праваабарончы цэнтр «ВЯСНА»

У Магілёве студэнтаў БРУ, якія падпісаліся пад ініцыятывай Аляксея Паўлоўскага, выклікалі ў дэканат

Thu, 23 May 2013 17:25:40 +0300

Грамадскі актывіст збіраў подпісы за “размарозку” будоўлі лабараторнага корпуса Беларуска-Расійскага ўніверсітэта і спарткомплекса, будаўніцтва якога працягваецца ўжо 22 гады. Тады пад ініцыятывай Аляксея Паўлоўскага падпісалася 88 чалавек.

Магілёўцы скардзяцца ў Камітэт па правах чалавека ААН

Thu, 23 May 2013 16:10:25 +0300

Свае скаргі ў міжнародную інстанцыю накіравалі актывіст БНФ “Адраджэньне” Сяржук Нягацін і намеснік старшыні Свабоднага прафсаюзу Беларускага Юрый Новікаў. Актывісты просяць Камітэт па правах чалавека ААН рэкамендаваць Вярхоўнаму Суду і Ураду Рэспублікі Беларусь адмяніць накладзеныя на іх адміністрацыйныя пакаранні.

“Свабоду Алесю!” – на вуліцах Стамбула (дадаліся фота)

Thu, 23 May 2013 14:02:00 +0300

Удзельнікі 38-га Кангрэсу Міжнароднай федэрацыі за правы чалавека (FIDH), які сёння распачаўся ў Стамбуле, зладзілі шэсце з патрабаваннем вызвалення сваіх калегаў-палітвязняў – беларуса Алеся Бяляцкага, віцэ-прэзідэнта FIDH, і бахрэйнца Набіла Раджаба, намесніка генеральнага сакратара FIDH.

Сланімчане збіраюць подпісы ў падтрымку "Газеты Слонімскай"

Thu, 23 May 2013 14:00:00 +0300

Сярод жыхароў Слонімшчыны пачаўся збор подпісаў пад зваротам у розныя інстанцыі з мэтай уключэння "Газеты Слонімскай" у кіёскі "Белсаюздруку", а таксама ў каталогі "Белпошты". Пісьмовы зварот сланімчане будуць высылаць заказнымі лістамі ў розныя інстанцыі.

NRM адмовілі ў акрэдытацыі "Белсату"

Thu, 23 May 2013 12:04:57 +0300

Журналісты планавалі здымаць канцэрт для "Агляду культурных падзей". Адказ у акрэдытацыі быў матываваны тым, што гурт можа страціць адзіную пляцоўку, дзе яны могуць ладзіць падобныя канцэрты.

Валянцін Стэфановіч: «Беларускія ўлады так і не прадэманстравалі пазітыўнай дынамікі ў выкананні ўмоў ЕС»

Thu, 23 May 2013 10:58:19 +0300

Пра гэта намеснік кіраўніка Праваабарончага цэнтра "Вясна" заявіў у інтэрв'ю агенцтву "Інтэрфакс-Захад", адзначыўшы, што не падзяляе аптымізму дакладчыка Еўрапарламента па Беларусі Юстаса Палецкіса ў тым, што ў апошні час сітуацыя з правамі чалавека палепшылася.

Стамбул на тыдзень стаў праваабарончай сталіцай свету (дадаліся фота)

Thu, 23 May 2013 10:39:06 +0300

23 траўня Стамбул (Турцыя) прымае 38-ы Кангрэс Міжнароднай федэрацыі за правы чалавека (FIDH), куды з'ехаліся прадстаўнікі звыш 200 НДА з 130 краінаў. З беларускіх прадстаўнікоў у працы Кангрэсу бяруць удзел намеснік кіраўніка Праваабарончага цэнтра "Вясна" Валянцін Стэфановіч і юрыст Павел Сапелка.

Магілёвец Аляксей Паўлоўскі скардзіцца на Анатоля Рубінава ў пракуратуру

Wed, 22 May 2013 18:40:56 +0300

Магілёвец Аляксей Паўлоўскі скардзіцца на парушэнне Закона “Аб звароце грамадзян”. Аляксей Паўлоўскі просіць прыняць меры па рэагаванню ў дачыненні да старшыні Савета Рэспублікі Анатоля Рубінава, які ужо 52 дні не дае адказу на калектыўны зварот магілёўцаў, а таксама прымусіць яго даць адказ на паступіўшы да яго зварот.

Кіраўніцтва СВК “Лябядзянка” напісала калектыўную скаргу на незалежных журналістаў з Магілёва

Wed, 22 May 2013 17:20:26 +0300

Нагодай для гэтага стала нібыта хлуслівая інфармацыя пра ўнутраную сітуацыю ў сяльгаса-вытворчым кааператыве, якую распаўсюдзілі журналісты. Сёння, 22 траўня, незалежную журналістку Аліну Скрэбунову апыталі з гэтай нагоды ў Кастрычніцкім РАУСе Магілёва.

У Магілёве КДБ зацікавілася блогерам

Wed, 22 May 2013 15:50:25 +0300

Учора, 21 траўня, невядомы патэлефанаваў на мабільны тэлефон Зміцера Ярмоленкі, прадставіўся супрацоўнікам КДБ і прапанаваў сустрэцца дзеля таго, каб паразмаўляць у нефармальнай абстаноўцы. Хлопец ад сустрэчы адмовіўся, паведаміўшы, што яна адбудзецца толькі ў тым выпадку,калі ён атрымае на рукі афіцыйную позву.