Праваабарончы цэнтр «ВЯСНА»

Судовы працэс па касацыйнай скарзе Міколы Чарнавуса адбудзецца 29 лютага

Wed, 22 Feb 2012 18:22:10 +0300

Мікола Чарнавус абскарджвае рашэнне суда горада Баранавічы, згодна з якім ён быў пакараны штрафам у дзве базавыя велічыні нібыта за самаўпраўства пры стварэнні грамадскага аб’яднання. Правапарушэннем было прызнана тое, што свае заявы ў гарвыканкам ён падпісваў як старшыня арганізацыі.

Юбілей Асамблеі НДА: 15 год на варце інтарэсаў грамадзянскай супольнасьці

Wed, 22 Feb 2012 16:42:18 +0300

22 лютага Асамблея няўрадавых дэмакратычных арганізацыяў Беларусі, найбуйнейшае згуртаваньне айчынных грамадзкіх аб’яднаньняў, адзначае сваё пятнаццацігоддзе. У лютым 1997 году ва ўстаноўчым кангрэсе Асамблеі ўзялі ўдзел 250 арганізацыяў, яднаныя агульнымі каштоўнасьцямі і бачаньнем супольных інтарэсаў. На сёньняшні дзень сябрамі Асамблеі НДА зьяўляюцца больш за 300 арганізацыяў.

Мінюст працягвае пазбаўляць адвакатуру незалежнасці

Wed, 22 Feb 2012 15:58:03 +0300

Пасля прыняцця ў новай рэдакцыі Закона Рэспублікі Беларусь “Аб адвакатуры і адвакацкай дзейнасці” Міністэрства юстыцыі Рэспублікі Беларусь распрацавала новыя Правілы прафесійнай этыкі адвакатаў.

Абвяшчаецца конкурс на ўдзел у паглыбленым тэматычным курсе па правах чалавека

Wed, 22 Feb 2012 15:38:49 +0300

Мэтай праграмы з’яўляецца пашырэнне і развіццё праваабарончай адукацыі як фактару, які ўплывае на агульнае выкананне правоў чалавека ў краіне.

Абсерваторыя па абароне праваабаронцаў асуджае рашэнне Менгарсуда па скарзе Валянціна Стэфановіча

Wed, 22 Feb 2012 14:43:14 +0300

Абсерваторыя рашуча асуджае пацверджанне прысуду ў дачыненні да сп. Валянціна Стэфановіча і няспынны судовы пераслед супраць яго, якія, як падаецца, скіраваныя на спыненне яго дзейнасці ў галіне правоў чалавека і дзейнасці ПЦ “Вясна”, і асуджае працяглыя парушэнні нормаў справядлівага судовага разбіральніцтва ў гэтай справе.

Суд над Сяргеем Каваленкам: дзень другі (дадаліся фоты)

Wed, 22 Feb 2012 13:42:22 +0300

Сёньня, 22 лютага ў судзе Першамайскага раёну Віцебску працягваецца працэс над сябрам КХП-БНФ Сяргеем Каваленкам.

З’явілася версія сайта “Вясны” для мабільных прыладаў

Wed, 22 Feb 2012 12:06:15 +0300

Цяпер наведвальнікі са звычайнымі мабільнымі тэлефонамі могуць карыстацца аблегчанай версіяй сайта Праваабарончага цэнтра “Вясна” - амаль без графікі і скрыптоў, якія звычайна робяць загрузку больш працяглай па часе і “з’ядаюць” трафік. Яна амаль цалкам захоўвае ўвесь функцыянал сайта, уключаючы паўнавартасны пошук.

Паўлу Вінаградаву - 10 сутак арышту, на чарзе - Арцыбашаў

Wed, 22 Feb 2012 11:39:29 +0300

У судзе Маскоўскага раёна Менска судзілі актывіста грамадзянскай кампаніі “Гавары праўду” Паўла Вінаградава. Яго вінавацяць па артыкуле 23.34 КаАП РБ (Парушэньне парадку арганізацыі правядзеньня масавага мерапрыемства ці пікетаваньня) за акцыю «Игрушко митингуэ» каля Менгарвыканкама. Вядома, што Павал Вінаградаў абвесціў галадоўку. Суддзя Матыль Тацяна пакарала яго арыштам на 10 сутак.

Наваполацк: Ператрусам справа не скончылася (копіі пратаколаў вымання)

Wed, 22 Feb 2012 10:22:00 +0300

Падчас допыту Дзмітрыю Рыжычэнка была прад'яўлена флэшка, канфіскаваная работнікамі органаў пры ператрусе, але не занесеная ў пратакол. На флэшцы следчы прадэманстраваў файлы з назвамі «азбука терроризма», «изготовление взрывчатых веществ» і мноства іншых падобнай скіраванасці.

У Брэсце плануецца пікет у падтрымку Бяляцкага

Wed, 22 Feb 2012 10:06:56 +0300

Заяўка на правядзенне такой акцыі 8 сакавіка ў парку воінаў-інтэрнацыяналістаў, які вызначаны ўладамі для арганізацыі масавых мерапрыемстваў, пададзена ў Брэсцкі гарвыканкам правабаронцам Уладзімірам Вялічкіным.