Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс праграмы на 7 сакавіка:
Падзея: прысуд палітзняволеным “вясноўцам” і акцыі салідарнасці з імі:
- “Нам балюча — і я разумею, наколькі цяжка ім там знаходзіцца”.
- “Ягоны ўнёсак несуразмерны з нашай сітуацыяй. Ён проста неверагодны чалавек”.
- “Мы сабраліся каля амбасады бандыцкага стварэння”.
Асоба: апошнія словы вясноўцаў у судзе і тонкае пачуццё гумару Алеся Бяляцкага падчас працэсу:
“А мы, калі былі студэнтамі ў 80-я гады, ездзілі ў Вільню, каб раніцай папіць кавы. Таму гэтыя аднадзённыя паездкі для вас, каму выезд за мяжу Рэспублікі Беларусь забаронены ў несяброўскія краіны, можа здацца чымсьці дзіўным. А для нармальных грамадзян, для беларусаў, гэта нармальная гістарычная традыцыя".
Па-за межамі: выдавецкая дзейнасць “Вясны”: прэзентацыя ў Беластоку двух кніг — “Зэкамерон” палітзняволенага Максіма Знака і “Культура і супраціў” Таццяны Астроўскай:
“Гэта серыя беларускай турэмнай літаратуры. Чаму: Турма і ўся пенітэнцыярная сістэма ў Беларусі надзвычай закрытая”.
Каментар: віншаванні палітвязням напісалі ў Варшаве:
"Няхай гэта будзе апошняя вясна ў зняволенні".
