Праваабарончы цэнтр “Вясна” з разуменнем ставіцца да напісання палітычнымі вязнямі заяваў аб памілаванні, тым больш калі яны напісаныя пад пагрозай ужывання катаванняў у дачыннені да іх саміх ці членаў іх сям’і. Мы падтрымліваем любыя захады, скіраваныя на найхутчэйшае іх вызваленне.
Што ж, застаецца толькі парадавацца за шматпакутную сям’ю Хітрыкавых, але адразу ж узнікае шэраг пытанняў. У прыватнасці, чаму ў Бялынічах пытанні сходаў і пандусаў для інваліднай каляскі даводзіцца вырашаць на ўзроўні намесніка прэм’ер-міністра?
25 студзеня ў Страсбургу (Францыя) генеральны сакратар Савета Еўропы Торб’ерн Ягланд заклікаў беларускія ўлады не прыводзіць у выкананне смяротныя прысуды ў адносінах да абвінавачаных у здзяйсненні тэракту ў мінскім метро Дзмітрыя Канавалава і Уладзіслава Кавалёва.
Абсерваторыя па абароне праваабаронцаў (сумесная праграма Міжнароднай федэрацыі правоў чалавека (FIDH) і Сусветнай арганізацыі супраць катаванняў (OMCT)) рашуча асуджае рашэнне, згодна з якім прысуд пра турэмнае зняволенне старшыні Праваабарончага цэнтра “Вясна” і віцэ-прэзідэнта FIDH сп. Алеся Бяляцкага быў пакінуты без зменаў.
24 студзеня следчыя дзеянні па справе віцебскага сябра КХП БНФ былі скончаныя. Пра гэта жонцы Алене Каваленка паведаміў адвакат зняволенага ў СІЗА актывіста, які з 19 снежня трымае галадоўку пратэсту супраць несправядлівага, на яго меркаванне, абвінавачання.
 |
|
 |