Праваабарончы цэнтр «ВЯСНА»

Касацыйная скарга Алеся Бяляцкага на прысуд суда Першамайскага раёна будзе разглядацца калегіяй суддзяў вышэйстаячай інстанцыі 24 студзеня. Пачатак – а 10-ай гадзіне. Менскі гарадскі суд знаходзіцца па адрасе: вул. Дуніна-Марцінкевіча, д. 1/3 (ст. м. "Спартыўная").

Бешанковіцкі райсуд прысудзіў рэдактару і выдаўцу самвыдатаўскай газеты штраф памерам 1 400 000 рублёў за нібыта незаконны яе распаўсюд. Георгі Станкевіч падаў касацыйную скаргу ў Віцебскі абласны суд, дзе згадаў парушэнні падчас судовага працэсу.

На прайшоўшым у мінулую нядзелю справаздачна-выбарным сходзе сябры Барысаўскай гарадской арганізацыі Аб'яднанай грамадзянскай партыі вырашылі арганізаваць назіранне за парламенцкімі выбарамі і далучыцца да байкоту.

У снежні, напярэдадні Дня правоў чалавека, салігорскія праваабаронцы звярнуліся ў мясцовыя дзяржаўныя і недзяржаўныя медыі з прапановай стварэння адмысловых праваабарончых рубрык. Ініцыятыву большасць рэгіянальных СМІ Салігоршчыны праігнаравалі.

Аршанскі гарадскі камітэт партыі левых «Справядлівы свет» падаў 4 заяўкі на правядзенне пікетаў у Оршы 28 студзеня. Як растлумачыў першы сакратар Аршанскага гаркама Мікалай Дзямідаў, мэтай пікетаў з'яўляецца пратэст супраць пагаршэння эканамічнага становішча насельніцтва, росту беднасці і галечы, які бачны няўзброеным вокам у апошнія месяцы.

23 студзеня спецыялісты Асамблеі НДА ды Цэнтру прававой трансфармацыі прэзентавалі маніторынг прававога стану няўрадавых арганізацыяў і свабоды асацыяцыі ў Беларусі за 2011 год. Пра вынікі маніторынгу распавялі юрыст Выканаўчага бюро Асамблеі НДА Юрый Чавусаў і дырэктар Цэнтру прававой трансфармацыі Вольга Смалянка.

Заяўнікі звяртаюць увагу, што норма закону адносна правапарушэння, «за якое ў якасці спагнання прадугледжаны адміністрацыйны арышт ці дэпартацыя», не можа прымяняцца ў некаторых канкрэтных выпадках, паколькі санкцыі артыкулу 23.34 КаАП прадугледжваюць альтэрнатыўныя спагнанні, у дадзеным выпадку – штраф.

Так, згодна інфармацыі Калінкавіцкага райвыканкама, у раёне дзейнічаюць 28 тэрытарыяльных інфармацыйна-прапагандысцкіх груп (235 чалавек), а таксама 28 галіновых ІПГ (153 чалавекі). Акрамя таго, дзейнічае і моладзевая ІПГ. Карацей, не менш за 388 чалавек уцягнуты ў працу па інфармаванню і прапагандзе насельніцтва.

Вязняў Куплінскай камендатуры на Пружаншчыне папярэдзілі, што за студзень яны павінны будуць заплаціць камунальныя памерам 340 тысяч рублёў, у той час як у снежні кошт пражывання быў 160, а ў лістападзе – 40 тысяч рублёў. Гэта плата за месца ў пакойчыку 12 метраў на траіх і адсутнасць гарачай вады.