Навіны за Сьнежань 2007

28.12.2007 Бабруйскі гарвыканкам адмовіў у акрэдытацыі журналістам недзяржаўнай газеты «Бобруйский курьер»

Бабруйскі гарвыканкам адмовіў у акрэдытацыі карэспандэнтам недзяржаўнай газеты «Бобруйский курьер» з прычыны «нематазгоднасці». Пра гэта гаворыцца ў лісце намесніка старшыні гарвыканкама Міхаіла Кавалевіча ад 5 снежня.

27.12.2007 Затрыманыя актывісты «Джынс – за свабоду» вызваленыя

Актывісты грамадзянскай кампаніі «Джынс – за Свабоду!», затрыманыя ўчора падчас пікетавання Дэпартамента выканання пакаранняў, былі вызваленыя з Ленінскага РУУС без складання пратаколаў. Маладых людзей знялі на відэакамеру і прымусілі прайсці дактыласкапічную экспертызу.

24.12.2007 Моладзь пачала кампанію за вызваленьне Фінькевіча

Актывісты арганізацыі “Малады фронт” распачалі кампанію за вызваленьне свайго паплечніка Артура Фінькевіча, якога магілёўскі суд асудзіў да 1,5 гадоў зьняволеньня. Сёньня на тым месцы, дзе калісьці Артур Фінькевіч зрабіў графіці – ён напісаў падчас прэзыдэнцкай кампаніі “Дастаў!” і “Мы хочам новага!” –і дзе яго тады затрымалі, моладзевыя актывісты намалявалі яго партрэт і напісалі “Свабоду”.

24.12.2007 Пратэсты працягнуцца на Кастрычніцкай плошчы

Прадпрымальнікі рыхтуюцца да новых пратэстаў супраць ўказу Лукашэнкі №760. Пра гэта заявілі лідэры прадпрымальніцкіх аб’яднаньняў і рухаў. Сябра Каардынацыйнай Рады прадпрымальнікаў Алесь Макаеў заявіў ў інтэрвію "Радыё Свабода", што 10-11 студзеня прадпрымальнікі плянуюць правесьці сход на Кастрычніцкай плошчы ў Менску. “Указ №760 вынішчае бальшыню прадпрымальнікаў. У нас заўтра няма будучыні. Мы гэта разумеем”, - кажа адзін з лідэраў прадпрымальніцкага руху.

24.12.2007 Сьвятар Рэчыцкага касьцёлу змушаны быў пакінуць Беларусь

23 сьнежня грамадзянін Польшчы ксёндз Гжэгаж Худэк быў вымушаны пакінуць Беларусь. На пачатку лістапада мясцовыя ўлады без тлумачэньня прычынаў адмовілі ксяндзу Худэку ў далейшай рэгістрацыі. Паводле неафіцыйнай вэрсіі, прычынай былі выказваньні сьвятара наконт сацыяльных праблемаў у Рэчыцы, апублікаваныя ў газэце "Tygodnik wsсhodni".

21.12.2007 Чаму Зьміцера Кіселя адлучылі ад алімпіяды па гісторыі?

30 лістапада 2007 года Зьміцер Кісель, сябра Рады Моладзі БНФ (Старшыня гістарычнага кірунку), заняў другое месца на алімпіядзе па гісторыі ў г.Пінску. Па правілах Зьміцер павінен з 3 па 6 студзеня 2008 года браць удзел у абласной алімпіядзе па гісторыі. Яго ўнесьлі ў сьпіс удзельнікаў Абласной алімпіады, а настаўніку па гісторыі Яромічу Віктару загадалі прадстаўляць маладых гісторыкаў Пінска ў Берасьці.

21.12.2007 Яшчэ адзін суд над незалежнай газэтай

Сёньня ў Крычаве будзе абвешчаны прысуд па судовай справе паміж незалежнай газэтай "Вольны Горад" і галоўнай рэдактаркай крычаўскай раёнкі “Ленінскі кліч” Тацянай Іўкінай.  Афіцыйная раёнка падала ў суд на намесьніка галоўнага рэдактара газэты “Вольны Горад”, кіраўніка крычаўскай суполкі Партыі БНФ Уладзіміра Кудраўцова.

Жорсткі прысуд Артуру Фінькевічу: "Гэта ламаньне моцнай натуры"

21.12.2007 Жорсткі прысуд Артуру Фінькевічу: "Гэта ламаньне моцнай натуры"

Кастрычніцкі суд Магілёва пакараў палітычнага вязьня, актывіста “Маладога фронту” Артура Фінькевіча адным годам і шасьцю месяцамі зьняволеньня. Судзьдзя Натальля Крашкіна прызнала Артура Фінькевіча вінаватым у парушэньні артыкулу крымінальнага кодэксу “Ўхіленьне ад адбываньня пакараньня”. Паводле прысуду, пачаткам адбыцьця пакараньня лічыцца 26 кастрычніка.

20.12.2007 Суд задаволіў зыск М. Чаргінца амаль поўнасцю

50 мільёнаў рублёў з выдаўцоў «Новага часу» і 1 млн. – з журналіста Аляксандра Тамковіча пастанавіў спагнаць суд Першамайскага раёна на карысць Мікалая Чаргінца.

20.12.2007 Судзяць Артура Фінькевіча

Сёньня ў 10-30 ў Кастрычніцкім судзе Магілёву пачаўся судовы працэс над маладафронтаўскім лідэрам Артурам Фінькевічам, якога абвінавачваюць ва ухіленьні ад адбыцьця пакараньня ў выглядзе абмежаваньня волі - арт.415 КК РБ, паводле якога прадугледжана зьняволеньне ад году да трох. Падтрымаць палітвязьня прыехалі ягоныя сябры і паплечнікі, грамадзка-палітычныя дзеячы. Нягледзячы на тое, што судовае паседжаньне праходзіць у адкрытым рэжыме, ня ўсе жадаючыя трапілі ў судовую залу, бо напачатку запусьцілі студэнтаў інстытуту правазнаўства.

20.12.2007 "Я зычу Беларусі эфэктыўнага выбару", - Амбасадар Генрык Літвін

11 сьнежня бягучага году Надзвычайны й Паўнамоцны Амбасадар Рэспублікі Польшча ў Рэспубліцы Беларусь Генрык Літвін уручыў вярыцельныя граматы Прэзыдэнту Рэспублікі Беларусь Аляксандру Лукашэнку. Пасьля больш чым двухгадовага перапынку Амбасадар Польшчы зноўку пачаў працу ў Менску. Пра польска-беларускія адносіны ў розных сфэрах і пэрспэктывы іх разьвіцьця ў інтэрвію Беларускай службе Польскага радыё распавядае Амбасадар Генрык Літвін.

20.12.2007 Беларуская мова можа зьнікнуць з ВНУ

Кіраўніцтва ГА «Таварыства беларускай мовы імя Францішка Скарыны» (ТБМ) выступае супраць мяркуемага вываду курса прафесійнай лексікі беларускай мовы з навучальных праграм ВНУ і мае намер гэтаму супрацьстаяць.

20.12.2007 Міліцыя адмовілася дапамагаць кантралёрам, і тыя не могуць чапаць зайцоў

Як стала вядома Еўрарадыё, Мінсктранс не працягнуў кантракт з міліцыяй. Цяпер кантралёр можа толькі папрасіць “зайца” пакінуць транспарт або скласці на яго пратакол, калі безбілетнік пагодзіцца. Спецыяльных аўтобусаў з міліцыяй і кантралёрамі на прыпынках больш не будзе.

20-га сьнежня а 10:30 у Кастрычніцкім судзе Магілёву пачнецца судовае паседжаньне па справе Артура Фінькевіча

19.12.2007 20-га сьнежня а 10:30 у Кастрычніцкім судзе Магілёву пачнецца судовае паседжаньне па справе Артура Фінькевіча

Моладзевы актывіст Артур Фінькевіч быў асуджаны 10 траўня 2006 года да двух гадоў абмежаваньня волі ("хіміі") за нанясеньне напярэдадні прэзідэнцкіх выбараў палітычных графіці "Мы хочам новага!" і "Дастаў!". Новая крымінальная справа супраць палітвязьня ўзбуджана па арт. 415 КК ("ухіленьне ад адбыцьця пакараньня ў выглядзе абмежаваньня волі), па якой яму пагражае да трох гадоў пазбаўленьня волі.

19.12.2007 Сёння разглядаецца зыск да «Вольнага горада»

У Чавускім раённым судзе слухаецца справа па зыску галоўнай рэдактаркі дзяржаўнай газеты «Ленинский клич» (г. Крычаў, Магілёўская вобласць) Таццяны Іўкінай да заснавальніка недзяржаўнага выдання «Вольны горад» Уладзіміра Кудраўцава і былога супрацоўніка «Ленинского клича» Валерыя Бысава. Спн. Іўкіна хоча спагнаць з адказчыкаў 10 млн. рублёў.

2017: Травень Красавік Сакавік Люты Студзень

2016: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2015: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2014: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2013: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2012: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2011: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2010: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2009: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2008: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2007: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2006: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2005: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2004: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2003: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2002: Сьнежань Лістапад Кастрычнік Верасень

Партнёрства

Сяброўства