Паводле звестак афіцыйнага сайту, летась цягам 10 месяцаў на Віцебшчыне зарэгістравана 311 карупцыйных злачынстваў, што на 5,4% больш, чым у 2010 годзе. Да крымінальнай адказнасці прыцягнулі 175 чалавек, а гэта ўжо на 10,1% больш у параўнанні з мінулым годам.
Чарговая скарга з Беларусі накіравана 10 студзеня ў Камітэт ААН па правах чалавека. Але ўпершыню беларус скардзіцца на прымусовую дактыласкапію. Старшыня Гомельскай абласной арганізацыі АГП Васіль Палякоў палічыў, што, прымушаючы яго да здачы адбіткаў пальцаў, дзяржава парушае Міжнародны пакт аб грамадзянскіх і палітычных правах.
Пракуратура Брэсцкай вобласці адмовіла ва ўзбуджэнні крымінальнай справы па фактах жорсткага абыходжання з Мікалаем Аўтуховічам, паколькі падчас праверкі выявіць факты сістэматычнай знявагі яго асабістай годнасці ці схілення яго да самагубства з боку адміністрацыі калоніі “не прадставілася магчымым”.
Стваральнікі “Бярозавага веніка” такім чынам вырашылі зрабіць больш публічнай інфармацыю пра дзейнасць Праваабарончага цэнтру “Вясна” і рэпрэсіўныя дзеянні ўлады, якая супрацьдзейнічае намаганням па абароне грамадзян, правы якіх парушаюцца.
Цягам тыдня кіраўніка віцебскай суполкі “Моладзі БНФ” Аляксандра Кузняцова выклікалі на допыт ва ўправу па барацьбе з арганізаванай злачыннасцю – спачатку па тэлефоне без позвы, потым з позвай, але без належных запісаў. Урэшце допыт, прызначаны на 9 студзеня, быў перанесены на 10, але так і не адбыўся.
Пра тое, што прыхільнікаў стварэння партыі "Беларуская Хрысціянская дэмакратыя" прымушаюць адклікаць свае подпісы, паведаміў жыхар Мёраў, мясцовы каардынатар аргкамітэту БХД Багуслаў Мацук. Паводле ягоных словаў, ціск быў аказаны на 5 чалавек.
Мікалай Чарнавус паведаміў, што з Баранавіцкага гарвыканкама ў пракуратуру быў накіраваны ліст, у якім сказана, што актывіст парушае заканадаўства пры стварэнні грамадскага аб’яднання ўкраінскай дыяспары “Кабзар”. Таксама Мікалая Чарнавуса вінавацяць у абразе мясцовай улады.
 |
|
 |