Глыбокае: "Калі выпусцяць палітзняволеных?” (фота)

Улёткі з пытаннямі, якія кампанія "Гавары праўду" збірала падчас грамадскага абмеркавання, можна ўбачыць у самых людных месцах райцэнтру. Каля крамы, да прыкладу, вывешаны аркушык з пытаннем №35 "Калі спыніцца рост коштаў?", а каля фанернай фігуры міліцыянта "дзядзі Сцёпы" – пытанне № 28 "Калі выпусцяць палітзняволеных?"

Пытанні на ўлётках дужа актуальныя для жыхароў сучаснай Беларусі. У Глыбокім такія ўлёткі з’яўляюцца ўжо не ўпершыню. Але, як паказвае практыка, яны вельмі хутка знікаюць з тых месцаў, дзе  былі вывешаны. Мабыць, таму, што на гэтыя пытанні ва ўладаў  адказу няма.