Праваабарончы цэнтр «ВЯСНА»

Сям'я Сяргея Каваленкі апынулася ў складаным матэрыяльным становішчы пасля яго арышту. Жонка актывіста цяпер у адпачынку па доглядзе за малодшай дачкой, якой толькі паўгода. Старэйшы сын – першакласнік. Маці Сяргея – пенсіянерка.

Дэпутат Валынскай абласной рады Ігар Гузь падтрымаў украінскую дыяспару ў Баранавічах і яе кіраўніка Міколу Чарнавуса. Ён накіраваў дэпутацкі запыт ў Міністэрства замежных спраў Украіны, амбасадару Украіны ў Рэспубліцы Беларусь і Генеральнаму консулу Украіны ў Брэсце.

Прыблізна адна тысяча подпісаў сабраная пад зваротам брэсцкіх студэнтаў да мясцовых уладаў, у якім гучыць патрабаванне вырашыць пытанне з кампенсацыяй за жыллё тым, каму не хапіла месца ў інтэрнатах.

Сёння, 19 студзеня, у памяшканні суда Слонімскага раёна адбылося судовае паседжанне па скарзе лідэра мясцовай суполкі Партыі БНФ Івана Шэгі на дзеянні Слонімскага райвыканкаму, які паслядоўна забараніў усе заяўленыя акцыі салідарнасці з праваабаронцам Алесем Бяляцкім.

Паводле ініцыятывы Брэсцкага аблвыканкама была арганізавана паездка журналістаў рэгіянальных і абласных газет на прадпрыемства “Граніт” у Мікашэвічах, дзе напрыканцы мінулага года больш за две сотні працоўных вырашылі пакінуць афіцыйны прафсаюз і стварыць незалежную суполку.

Алена Тоўсцік, асуджаная за запаленыя свечкі на Дзяды, распавяла бабруйскім праваабаронцам пра псіхалагічны ціск, які аказвае на яе мясцовы аддзел адукацыі. Праблемы з інтэрнатам пачаліся ў сям’і Тоўсцікаў пасля арышту: першае судовае паседжанне па высяленні адбылося 15 снежня мінулага года, другое – 9 студзеня бягучага.

Нягледзячы на тое, што дырэкцыя прадпрыемства абяцала не пераследаваць сябраў незалежнага прафасюза, кантракт з Алегам Аксёнавым ад 17 лютага працягнуты не будзе. Пра гэта паведаміла каардынатарка Свабоднага прафсаюза металістаў па Магілёўскай вобласці Галіна Лісіцына.

Вядомы расейскі праваабаронца Андрэй Юраў, кіраўнік Міжнароднай назіральнай місіі Камітэту міжнароднага кантролю за сітуацыяй з правамі чалавека ў Беларусі напісаў кароткі артыкул, у якім падвёў асноўныя вынікі 2011 года і адзначыў важныя тэндэнцыі на будучыню праваабарончага руху на постсавецкай прасторы.