Маладафронтавец Андрусь Цянюта, які служыць у віцебскай вайсковай частцы, сёньня выйшаў на сувязь. Юнак паведаміў, што кіраўніцтва часткі перашкодзіла яму зарэгістравацца у якасьці кандыдата ў дэпутаты. Андрусь будзе падаваць скаргу ў вайсковую пракуратуру.
Заявы аб рэгістрацыі ў акруговыя камісіі па выбарах дэпутатаў мясцовых саветаў падалі 16 873 ініцыятыўныя групы па вылучэнню кандыдатаў. Аб гэтым карэспандэнту БЕЛТА паведаміў сакратар Цэнтральнай камісіі па выбарах і правядзенню рэспубліканскіх рэферэндумаў Мікалай Лазавік.
18 лютага ў Салігорскім раённым выканаўчым камітэце сабралі прадстаўнікоў буйнейшых дзяржаўных прапрыемстваў горада. Мэта сустрэчы – прафілактычны інструктаж напярэдадні пачатку агітацыйнай кампаніі прэтэндэнтаў у мясцовыя Саветы дэпутатаў.
Бабруйскага сябра ініцыятыўнай групы па стварэнні партыі БХД Вячаслава Шэлега, які збіраецца ісці на выбары, выклікалі ў аддзел гандлю гарвыканкама. Пад час размовы чыноўніца паставіла Вячаслава Шэлега перад выбарам: ідзеш на выбары, ці працуеш.
У Андрэя Пачобута, які знаходзіцца пад арыштам, нарадзіўся сын Яраслаў. Бацька актывіста Саюзу палякаў Станіслаў Пачобут наведаў Кастрычніцкі РАУС Горадні і напісаў заяву, каб Андрэя выпусьцілі са спэцпрыёмніка, і ён змог бы забраць жонку Аксану з сынам Яраславам з радзільнага дому. Аднак міліцыянты заяву не задаволілі.
Сябра Беларускай асацыяцыі журналістаў Віктара Парфёненку 17 лютага не пусцьцілі на на прэс-канферэнцыю ў Гарадзенскі аблвыканкам. У гэты дзень у аблвыканкаме праходзіла штоквартальная прэс-канферэнцыя прысвечаная развіццю рэгіёна. Гэта была першая прэс-канферэнцыя выконваючага абавязкі старшыні аблвыканкаму Івана Жука. Журналісту адмовіў Павал Скрабко, першы намеснік начальніка ўпраўлення па ідэалагічнай працы, да якога звярнуўся журналіст з адпаведнай просьбай.
![Кніга Наша Вясна. Гісторыя ў асобах [PDF, 57.05 Mb]](http://static.spring96.org/banner/za_prava_na_vybar.jpg)
![Кніга Наша Вясна. Гісторыя ў асобах [PDF, 57.05 Mb]](http://static.spring96.org/banner/nasha_viasna.png)
 |
|
 |