Праваабарончы цэнтр «ВЯСНА»

Навіны за 16 лютага 2010

16.02.2010 Новыя грубыя парушэнні журналісцкіх правоў у Мінску

Журналістам, якія асвятлялі ход вулічнай Акцыі салідарнасці ў Мінску ўвечары 16 кастрычніка, зноў перашкаджалі працаваць супрацоўнікі праваахоўных органаў.

16.02.2010 Барысаўскі раён: нарэзка акругаў з парушэннем закона

Адхіленні сярэдняй колькасці выбаршчыкаў ад усталяванага законам правіла ў Барысаўскім раёне маюць больш 10 акругаў з 34. Прычым у некаторых акругах адхіленні гэтыя вельмі значныя. Напрыклад, у акрузе №1 колькасць выбаршчыкаў менш за сярэднюю больш як на 20%.

16.02.2010 Ярмошына прызнала манаполію ўладаў на электронныя СМІ

Прызнанне кіраўніка ЦВК прагучала на семінары «Роля СМІ пры правядзенні выбарчых кампаній».

16.02.2010 Мараторый на пакаранне смерцю ў бліжэйшыя паўгода не ўвядуць

Першае паседжанне працоўнай групы па праблеме смяротнага пакарання запланаванае ў Палаце прадстаўнікоў на 22 лютага. Пра гэта БЕЛТА паведаміў кіраўнік групы старшыня Пастаяннай камісіі па заканадаўстве і судова-прававых пытаннях Палаты прадстаўнікоў Мікалай Самасейка.

16.02.2010 Віцебшчына: Мясцовыя ўлады задзейнічалі Інтэрнэт

У адрозненні ад папярэдніх выбарчых кампаній, у цяперашняй уладамі Віцебшчыны задзейнічаны магутны інфармацыйны рэсурс - афіцыйныя сайты. Гэты рэсурс складаецца з 21 сайта раённых, 4 гарадскіх і 1 абласнога выканаўчых камітэтаў.

16.02.2010 Рэзалюцыі наконт Саюза палякаў Еўрапарламент адклаў да наступнага тыдня

На наступным тыдні Еўрапарламент плануе прыняць рэзалюцыю па Беларусі. Пра гэта 15 лютага паведаміў журналістам у Варшаве старшыня парламента ЕС Ежы Бузек.

16.02.2010 Партыя "Справядлівы свет" вылучыла 21 кандыдата ў дэпутаты

У Менску ўжо пададзены заяўкі на 21 чалавека, якія будуць вылучацца шляхам збору подпісаў грамадзян. А пасля сакавіцкага пленума партыя плануе вылучыць яшчэ 10 кандыдатаў на ўладанне дэпутацкіх мандатаў. Таксама максімальна будуць скарыстаны ўсе формы агітацыі, дазволеныя ўладай.

16.02.2010 Гародня: Судовы абсурд

Гарадзенскі абласны суд сваім вызначэннем адмовіў у разглядзе скаргі Гродзенскай абласной арганізацыі партыі БСДГ. Суддзя Людміла Малючок абгрунтавала такое рашэнне тым, што суд ужо разглядаў аналагічную скаргу. Па меркаванні суду атрымліваецца, што адно рашэнне суду на канкрэтным этапе выбарчага працэсу забараняе разгляд у судовым парадку скаргаў іншага кшталту.

16.02.2010 Орша: Інфармацыю аб выбарах улады прапануюць шукаць на сайце-невідзімцы

Аказваецца, “інфармацыя пра месца і час правядзення сумеснага паседжання прэзідыўма Аршанскага раённага Савета дэпутатаў і Аршанскага раённага выканаўчага камітэта была размешчана 26 студзеня 2010 года на Інтэрнэт-сайце “Выбары-2010”. Пра тое, па якім адрасе ў інтэрнэце знаходзіцца гэты нікому дагэтуль невядомы сайт, не паведамляецца. Пакуль усе спробы пошуку такога інтэрнэт - рэсурсу поспехам не ўвянчаліся.