Праваабарончы цэнтр «ВЯСНА»

Паводле прадстаўнікоў дэмакратычных партый, у розных раёнах Гомельскай вобласці іх прадстаўнікі вылучаюцца ў розных выбарчых акругах і не супернічаюць паміж сабой.

У Баранавіцкай дзяржаўнай газеце “Наш край” інфармацыя па выніках бягучых этапаў, важная для ўдзельнікаў выбарчага працэсу, з’яўляецца са спазненнямі – мясцовыя ўлады ігнаруюць патрабаванні заканадаўства ў гэтай галіне. А сябры ініцыятыўных групаў па вылучэнні кандыдатаў пазбаўлены магчымасці набыць у гарадскіх кнігарнях Выбарчы кодэкс са зменамі і дапаўненнямі, неабходны ім для нармальнай працы з выбаршчыкамі.

24 лютага Гомельская абласная выбарчая камісія на сваім паседжанні разгледзела скаргу каардынатара Руху «За Свабоду» Пятра Кузняцова аб адмове ў рэгістрацыі яго ініцыятыўнай группы, пакінуўшы яе без задавальнення.

Сёння, 24 лютага, праваабаронца Алег Мацкевіч накіраваў скаргу ў Цэнтральную выбарчую камісію на дзеянні старшыні Барысаўскай раённай тэрытарыяльнай выбарчай камісіі, намесніка начальніка аддзела адукацыі Барысаўскага райвыканкама, Мікалая Зелянкевіча.

Па 14-й акрузе ў горадзе Брэсце былі зарэгістраваныя ініцыятыўныя групы кандыдатаў у дэпутаты, у тым ліку Вольгі Шутавай і Ларысы Дабрадомавай. Шутава Вольга – пенсіянерка, былая супрацоўніца абласнога тэлебачання, зараз сябра незалежнага Прафсаюза радыёэлетроннай прамысловасьці (РЭП). Яе апанентам па гэтай жа акрузе выступала Дабрадомава Ларыса, дырэктар Тэлерадыёкампаніі “Брэст”. Праз некаторы час пасля рэгістрацыі ініцыятыўных групаў кандыдатаў стала вядома, што Ларыса Дабрадомава зняла сваю кандыдатуру.

На цяперашні момант у Віцебскую гарадскую выбарчую камісію пададзены 9 заяваў на рэгістрацыю кандыдатаў у дэпутаты, якія вылучаюцца шляхам збору подпісаў выбаршчыкаў.

Пракурор Брэсцкай вобласці, як і пракурор горада Баранавічы, не ўбачыў парушэння закону, пра якія заяўляў назіральнік ад ТБМ Сяргей Гоўша.

Пра падрыхтоўку выбараў на Гомельшчыне інфармуе шэраг незалежных навінных рэсурсаў у Інтэрнеце. Рэгіянальныя і мясцовыя сайты змяшчаюць як навіны, узятыя з агульнабеларускіх крыніцаў, так і ўласныя публікацыі. Аднак рэгулярнай увагі гэтай тэме не надаецца, што, верагодна, з'яўляецца адлюстраваннем увогуле нізкага інтарэсу да мясцовых выбараў у грамадстве.