Праваабарончы цэнтр «ВЯСНА»

Пасля таго, як прадстаўнікоў апазіцыі не ўключылі ў тэрытарыяльныя камісіі ў Оршы і Аршанскім раёне, лідэры палітычных партый Аршаншчыны - аддзяленняў БСДП, Партыі БНФ, "Справядлівы свет" і АГП накіравалі зварот у органы ўлады, а таксама рэкамендавалі патэнцыйным кандыдатам у дэпутаты ад дэмакратычных сіл, незалежным кандыдатам устрымацца ад удзелу ў выбарах.

4-га лютага ў Гарадзенскім абласным судзе адбудзецца разгляд скаргі абласной арганізацыі БСДГ у сувязі з неўключэннем сябра партыі Віктара Сазонава ў склад Гарадзенскай абласной выбарчай камісіі.

Бабруйскія чыноўнікі заняліся падборам будучых сябраў участковых камісіяў. Ужо сёння вядомыя выпадкі, калі працоўных на прадпрыемствах і ў дзяржаўных установах ставяць перад фактам, што яны мусяць увайсці ў гэтыя камісіі.

2 лютага суддзя суда Цэнтральнага раена Гомеля Сяргей Шыцікаў прыняў рашэнне адмовіць Гомельскай гарадской арганізацыі АГП у задавальненні скаргі на рашэнне прэзідыума гарсавета дэпутатаў і гарвыканкама аб утварэнні гарадской выбарчай камісіі. Рашэнне суда з'яўляецца канчатковым.

Мясцовыя ўлады дакладна выканалі патрабаванне выбарчага закона адносна прадстаўніцтва ў выбарчых камісіях сяброў палітычных партый і грамадскіх аб'яднанняў. Гэта, як гаворыцца, колькасны бок. Калі звярнуць увагу на якасць, то карціна бачыцца ў іншым святле.

Амаль палова сябраў Баранавіцкай гарадской тэрытарыяльнай выбарчай камісіі – пенсіянеры, аднаму з іх – Дзегілевічу Івану -- 83 гады.