Праваабарончы цэнтр «ВЯСНА»

Вярхоўны суд пачне разглядаць скаргу ГА «Беларуская асацыяцыя журналістаў» на папярэджанне Міністэрства юстыцыі 17 сакавіка ў 10.00. Дату пачатку слуханняў прызначылі на першай сустрэчы бакоў у судзе 25 лютага. Справу вядзе суддзя Вярхоўнага Суда Анатоль Церах.

Работа выбарчых камісій абсалютна празрыстая. Аб гэтым сказала старшыня Цэнтральнай камісіі па выбарах і правядзенню рэспубліканскіх рэферэндумаў Лідзія Ярмошына ў інтэрв'ю часопісу "Беларуская думка".

Газета «Борисовские новости» ўганараваная прэміяй імя Герда Буцэрыюса «Свабодная прэса Ўсходняй Еўропы». Памер прэміі складае 15 000 еўра.

Дырэктара Дома польскага ў Івянцы Тэрэсу Собаль і бухгалтарку Рамуальду Мірон 24 лютага дапыталі ў Валожыне. Нагодай для гэтага стала справа 2004 года, паводле якой актывістка непрызнанага беларускімі ўладамі Саюза палякаў на Беларусі «злоўжывала службовым палажэннем».

Якімі сродкамі дзяржава мусіць змагацца з п’янствам? Як уплывае алькаголь на генэтыку? Ці магчыма вылечыць алькагалізм? На гэтыя ды іншыя вашы пытаньні адказвае Андрэй Капытоў, загадчык аддзелу наркалёгіі РНПЦ (Рэспубліканскага навукова-практычнага цэнтру) псыхічнага здароўя, дацэнт катэдры псыхіятрыі БДМУ (Беларускага дзяржаўнага мэдычнага ўнівэрсытэту).

Кіраўніцтва Барысаўскага райвыканкама не бачыць парушэння заканадаўства ў дзеяннях службовых асобаў, якія адмовіліся даць інфармацыю мясцовай недзяржаўнай газеце «Борисовские новости».

Штраф у памеры 175 тысяч рублёў прысудзіла 24 лютага актывістцы аргкамітэта па стварэнні партыі "БХД" Ірыне Губскай адміністрацыйная камісія Фрунзенскага раёна Мінску.