Салігорск: Кіраўнікоў прадпрыемстваў папярэдзілі

18 лютага ў Салігорскім раённым выканаўчым камітэце сабралі прадстаўнікоў буйнейшых дзяржаўных прапрыемстваў горада. Мэта сустрэчы – прафілактычны інструктаж напярэдадні пачатку агітацыйнай кампаніі прэтэндэнтаў у мясцовыя Саветы дэпутатаў.

Намесьнік старшыні выканкама па ідэалагічнай працы Анатоль Казакевіч папярэдзіў прадстаўнікоў пра персанальную адказнасць за зьяўленне на тэрыторыі іх прапрыемстваў любых агітацыйных і іншых матэрыялаў, звязаных з выбарамі, і нагадаў пра неабходнасць сталага кантролю за гэтымі працэсамі. Непасрэдна пра форму адказнасці і законнасць такіх папярэджанняў сказана не было.

Дадзеная сустрэча ніяк не афішавалася і не праходзіла ў спісе мерапрыемтсваў выканаўчага камітэта ў межах падрыхтоўкі да выбараў. Інфармацыя пра падзею была атрымана прыватным чынам ад чалавека, які прысутнічаў на сходзе. У прыёмнай Анатоля Казакевіча інфармацыю каментаваць адмовіліся.

“Праваабаронцы за свабодныя выбары”