Праваабарончы цэнтр «ВЯСНА»

Навіны за Сакавік 2013

26.03.2013 Суд над Сяргеем Каваленкам перанесены на 29 сакавіка (абноўлена)

У судзе Першамайскага раёну Віцебска 26 сакавіка разглядаецца адміністрацыйная справа актывіста КХП-БНФ Сяргей Каваленкі. Яго вінавацяць у дробным хуліганстве (арт. 17.1 КаАП РБ). За пераход вуліцы ў неналежным месцы накладзены штраф памерам 450 тысяч рублёў.

26.03.2013 Гомельская міліцыя перапісвае ромаў, пытаючыся пра іх мянушкі

Супрацоўнікі Савецкага РАУС Гомеля абыходзяць дамы і кватэры ромаў (цыганоў) і перапісваюць іх дадзеныя. Міліцыянты пытаюцца пра асабістыя прыкметы кожнага чалавека, а для анкеты патрабуюць назваць не толькі імя і прозвішча, але і мянушку.

26.03.2013 Праваабаронца Раман Кісляк звярнуўся да Генеральнага пракурора

Юрыст-праваабаронца Раман Кісляк просіць праверыць працу міліцыі ў Віцебскай вобласці ў сувязі з тым, што затрыманыя за адміністрацыйныя правапарушэнні Леанід Аўтухоў і Канстанцін Смолікаў утрымліваліся пад вартай да суда больш за 48 гадзін.

26.03.2013 У Магілёве спецыяльным дыпломам адзначылі інтэрнат, куды не пускалі зборшчыкаў подпісаў

У дадзеным інтэрнаце пры зборы подпісаў за праўладнага кандыдата ў дэпутаты, пракурора па Магілёўскай вобласці Эдуарда Сянкевіча, выкарыстоўваўся адміністрацыйны рэсурс. Першы раз подпісы ў яго падтрымку збіралі камендантка інтэрната і выхавальніца. Другі раз іх ужо збіралі рэальныя члены ініцыятыўнай групы.

26.03.2013 Збіты міліцыянтамі вартаўнік Сарочык знаёміцца з матэрыяламі крымінальнай справы

Збіты вартаўнік менскай аўтастаянкі Васіль Сарочык пачаў знаёміцца з матэрыяламі крымінальнай справы, якія на працягу доўгага часу знаходзіліся на праверцы ў органах пракуратуры і Следчым камітэце Беларусі.

26.03.2013 Ілюстрацыі да Усеагульнай Дэкларацыі правоў чалавека прэзентавалі на адкрыцці Тыдня беларускай культуры ў Вільні

Аўтар работ - мастачка Вольга Бабурына з Маладзечна. Імпрэза адбылася ў віленскай гарадской Ратушы.

26.03.2013 Алесь Бяляцкі. З чаго пачалася мая беларускасьць. Частка 1

"Захапленьне беларушчынай у савецкія часы непазьбежна і аб’ектыўна падводзіла людзей да крытычнага асэнсаваньня рэчаіснасьці. А нязгода і пратэст штурхалі да дзеяньня. Гэтым шляхам прайшоў багата хто з актывістаў беларускага нацыянальна-дэмакратычнага руху ў 80-я гады..."

26.03.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня” прысвечаная святкаванню Дня Волі, якое прайшло пад знакам 95-годдзя з дня абвяшчэння Беларускай народнай рэспублікі і пераследу ўдзельнікаў масавых мерапрыемстваў. Госць рубрыкі "Асоба. Дзяржава. Грамадства" – трэнер адмысловай навучальнай праграмы “Правы чалавека на пальцах” Наста Лойка.

26.03.2013 Сілавікі Беларусі цікавіліся ў Microsoft 35 акаўнтамі ў Skype

Пра гэта гаворыцца ў справаздачы за 2012 год, якую абнародавала кампанія Microsoft.

26.03.2013 Затрыманне Сяргея Каваленкі

Сяргей Каваленка быў затрыманы ўвечары 25 сакавіка на Маскоўскім праспэкце Віцебску напачатку дзявятай вечара, калі вяртаўся дадому пасьля сустрэчы з аднапартыйцамі.

26.03.2013 Затрыманне за бел-чырвона-белы сцяг

Увечары 25 сакавіка пенсіянерка Ніна Багінская ўзняла бел-чырвона-белы сцяг ля Чырвонага касцёла. Яе адвезлі ў РАУС, потым адпусцілі.

26.03.2013 Салігорскі тэлеканал адмовіўся віншаваць гараджан з Днём Волі

Спроба сябра АГП Віктара Малочкі павіншаваць жыхароў гораду з Днём Волі праз віншавальны сэрвіс Салігорскага тэлеканала пацярпела фіяска. Яшчэ ў чацвер, 22 сакавіка, спадар Малочка прыйшоў у офіс тэлеканала, каб замовіць святочнае віншаванне.

26.03.2013 Дзень Волі ў Віцебску: затрыманні, суды, "суткі", штрафы

Увесь дзень 25 сакавіка працягваўся суд над Кастусём Смолікавым і Леанідам Аўтуховым. Рашэнне суддзя Іна Грабоўская выносіла ўжо пасля сканчэння працоўнага дня, каля 21 гадзін вечара: яна пастанавіла пакараць абодвух актывістаў на 5 сутак арышту. Па дарозе ў суд былі затрыманы чацьвёра актывістаў БХД і кіраўнік гарадской суполкі Партыі БНФ Аляксандр Кузняцоў.

26.03.2013 Улады абвінавацілі салігорскую арганізацыю ТБМ у пазастатутнай дзейнасці

Спробу Салігорскай гарадской арганізацыі ТБМ адзначыць Дзень Волі мясцовыя ўлады ацанілі як пазастатутную дзейнасць.З адказу галоўнага чыноўніка раёну вынікае, што гэта не з’яўляецца “культурна-асветніцкай дзейнасцю ў сферы захавання, адраджэння і папулярызацыі беларускай мовы і беларускай нацыянальнай культуры”.

25.03.2013 У Магілёве Дзень Волі прайшоў пад пільным наглядам міліцыі (фота)

Сёння, 25 сакавіка, каля двух дзясяткаў актывістаў грамадскіх арганізацый і палітычных партый горада сабраліся, каб ускласці кветкі каля будынка, дзе ў далёкім 1918 годзе адбыўся прадстаўнічы сход, на якім гараджане прызналі ўладу ўраду Беларускай Народнай Рэспублікі.