Праваабарончы цэнтр «ВЯСНА»

Навіны за 13 сакавіка 2013

13.03.2013 МЗС Беларусі "занепакоены парушэннямі правоў чалавека ў краінах ЕС"

Такую думку падчас 22-й сесіі Савета па правах чалавека ААН выказаў прадстаўнік Беларусі пры міжнародных арганізацыях Міхаіл Хвастоў.

13.03.2013 Год пасля выканання прысудаў Канавалаву і Кавалёву: праваабаронцы ставяць новыя пытанні

Гэтымі днямі адзначаецца гадавіна расстрэлу Уладзіслава Кавалёва і Дзмітрыя Канавалава, асуджаных да смяротнай кары паводле абвінавачвання ў тэрарызме. На жаль, дакладная дата прывядзення прысуду ў выкананне невядомая: можна меркаваць, што гэта здарылася ў перыяд з 11 да 15 сакавіка.

13.03.2013 Моладзь БХД ладзіць вечарыну памяці зніклых палітыкаў

Вечарына адбудзецца 16 сакавіка. Удзел у ёй возьмуць Гары Паганяйла, Андрэй Клімаў, Юры Хашчавацкі, Віталь Рымашэўскі ды іншыя.

13.03.2013 У Зэльве забаранілі прэзентацыю гісторыка-краязнаўчай кнігі

Сёння з Зэльвы Сяргею Чыгрыну патэлефанавала дырэктар Зэльвенскай раённай бібліятэчнай сістэма Святлана Жамойціна і сказала, што “прэзентацыі кнігі не будзе з-за таго, што ў кнізе шмат напісана пра Ларысу і Янку Геніюшаў, пра прэзідэнта БНР Васіля Захарку, пра тое, як са званіцы Сынковіцкай царквы вылівалі званы для Хатыні".

13.03.2013 Бабруйчане збіраюць подпісы за пашырэнне ўжывання беларускай мовы (фота)

Бабруйскія сябры БХД збіраюць подпісы за пашырэнне ўжыванння беларускай мовы ў газеце гарвыканкама “Бабруйскае жыццё”. Суцэльная рускамоўнасць пануе ва ўсіх бабруйскіх афіцыйных сродках масавай інфармацыі. Сайты гарвыканкама і райвыканкама зробленыя толькі ў двух версіях – рускамоўнай і ангельскамоўнай.

13.03.2013 Фэйс-кантроль - узаконеная дыскрымінацыя

Шматразовую чэмпіёнку паралімпійскіх гульняў Людмілу Валчок не пусцілі ў начны клуб з-за таго, што яна перасоўваецца на інваліднай калясцы.

13.03.2013 Прыгавор у дачыненні да былога намесніка міністра ўнутраных спраў Полудня будзе абвешчаны 25 сакавіка

Пра гэта паведамілі ў Вярхоўным судзе. Працэс па справе былога высокага чыноўніка МУС праходзіць у Беларускім ваенным судзе ў закрытым рэжыме.

13.03.2013 Музыкантаў гурту Litesound затрымалі «памылкова»

Музыканты гурту Litesound Уладзімір і Дзмітрый Каракіны вызвалены са Ждановіцкага аддзела міліцыі, паведаміў вечарам 12 сакавіка іх бацька і дырэктар Юрый Каракін.

13.03.2013 Людзі падтрымліваюць Любоў Кавалёву паштоўкамі і лістамі

У сярэдзіне сакавіка спаўняецца год, як былі расстраляныя Уладзіслаў Кавалёў і Дзмітрый Канавалаў, якім была прысуджана вышэйшая мера пакарання паводле абвінавачвання ў тэрарызме. Любоў Кавалёва гэтымі днямі атрымала шмат лістоў і паштовак ад тых людзей, хто, як і яна, не вераць у вінаватасць яе сына.

13.03.2013 Брэст: грамадскі актывіст Віталь Коўш асуджаны на чатыры гады

Паводле выраку, які зачытаў 12 сакавіка суддзя Брэсцкага раённага суда Мікалай Сянько, пакаранне Віталь Коўш будзе адбываць у калоніі ўзмоцненага рэжыму і ў яго будзе канфіскавана маёмасць.У судзе ён не прызнаў сваёй віны, а пракурор патрабаваў для грамадскага актывіста 5 гадоў турмы.