Праваабарончы цэнтр «ВЯСНА»

Навіны за 24 лютага 2012

24.02.2012 Прысуд Сяргею Каваленку – 2 гады і 1 месяц агульнага рэжыму

Суддзя суду Першамайскага раёну Віцебска Алена Жук прызнала Сяргея Каваленку вінаватым ва ўхіленні ад адбыцця пакарання і асудзіла яго па артыкуле 415 Крымінальнага кодэксу да 2 гадоў і 1 месяца калоніі ва ўмовах агульнага рэжыму.

24.02.2012 Магілёўскі вернік скардзіцца ў пракуратуру

Пакуль Ленінскі РАУС па ініцыятыве суддзі Станіслава Шандаровіча дапрацоўвае матэрыялы справы, праваслаўны вернік Максім Алямоўскі скардзіцца ў пракуратуру з нагоды сфабрыкаванай супраць яго адміністрацыйнай справы за адмову ад дакталаскапіі. Сваю адмову ад дакталаскапіі ён тлумачыць рэлігійнымі перакананнямі.

24.02.2012 Ідэолагі Смаргоншчыны рыхтуюцца да выбараў

Сваёй асноўнай задачай на гэты год смаргонскія ідэалагічныя працаўнікі абвесцілі “забеспячэнне выбараў” як важнейшай грамадска-палітычнай падзеі года. На думку смаргонскага праваабаронцы Алеся Дзергачова, сёлета, пры ўмове маштабнай апазіцыйнай кампаніі байкоту, ідэолагі будуць працаваць менавіта на забеспячэнне выбарчай яўкі.

24.02.2012 Мікалай Статкевіч узнагароджаны прэміяй "З адкрытым забралам"

Былы кандыдат у прэзідэнты Мікалай Статкевіч узнагароджаны прэміяй імя Юрыя Захаранкі "З адкрытым забралам". "За мужнасць, за гонар, за самаахвярнасць".

24.02.2012 Яшчэ адна вестка ад Алеся Бяляцкага – з Валадаркі

24 лютага сябры “Вясны” атрымалі паштоўку ад Алеся Бяляцкага, на якой ён пазначыў: “22.02.2012, Валадарка”.

24.02.2012 Акцыя супраць смяротнага пакарання ў Салігорску (фота)

У межах акцыі жыхары гораду змаглі азнаёміцца з ўлёткамі ды інфармацыйнымі буклетамі агульнанацыянальнай кампаніі “Праваабаронцы супраць смяротнага пакарання”. У буклетах, між іншым, апублікавана інтэрв’ю з маці Андрэя Жука з Салігоршчыны, расстралянага ў 2010 годзе.

24.02.2012 Пытанне адмены смяротнай кары — унутраная справа Беларусі, заяўляюць у Палаце прадстаўнікоў

Пытанне аб адмене смяротнай кары з'яўляецца ўнутранай справай Беларусі. Прыняцце рашэння па ім магчыма "толькі з улікам меркавання беларускага грамадства", гаворыцца ў сумесным прэс-рэлізе камісіі па міжнародных справах і сувязях з СНД і камісіі па заканадаўстве і судова-прававых пытаннях Палаты прадстаўнікоў Нацыянальнага сходу.

24.02.2012 Швецкія цацкі зладзілі акцыю салідарнасці з беларускімі сябрамі (фота)

Яны вышлі з плакатамі: “Трымайцеся, сябры! Швецкія цацкі з вамі!” і “Швецкія цацкі за свабоду сходаў у Беларусі!” і патрабавалі вызвалення Паўла Вінаградава і Аляксандра Арцыбашава, асуджаных да 10 сутак адміністратыўнага арышту. Арганізатарам акцыі з'яўлялася цацачнае крыло швецкай праваабарончай арганізацыі Östgruppen.

24.02.2012 Затрыманы за антыалкагольную акцыю актывіст звярнуўся з адкрытым лістом да Лукашэнкі

Кастусь Жукоўскі патрабуе спыніць пераслед людзей, якія папулярызуюць цвярозы здаровы лад жыцця, пакараць вінаватых – ад таго, хто аддаваў загад, і да тых, хто затрымліваў актывістаў, кампенсаваць кошт канфіскаваных буклетаў і абавязаць вінаватых прынесці афіцыйныя выбачэнні.

24.02.2012 У калоніі ціск на Аляксандра Францкевіча спыніўся

Супрацоўнікі міліцыі наведалі ў калоніі “Воўчыя норы” палітвязня Аляксандра Францкевіча з мэтай даведацца, ці аказвае адміністрацыя папраўчай установы на яго ціск.

24.02.2012 Брэсцкім студэнтам паабяцалі вырашыць іх праблемы ў наступным годзе

Кіраўніцтва Брэсцкага дзяржаўнага ўніверсітэта імя Пушкіна адказала на калектыўны зварот студэнтаў, якія прасілі разабрацца з сітуацыяй па выплаце кампенсацыі за наймальнае жыллё тым, каму не хапае месца ў інтэрнатах.