Праваабарончы цэнтр «ВЯСНА»

Навіны за 20 лютага 2012

20.02.2012 Алег Стахаевіч сваё звальненне будзе абскарджваць у судзе

Толькі 20 лютага кіраўнік суполкі незалежнага прафсаюзу на «Граніце» Алег Стахаевіч азнаёміўся з загадам адміністрацыі прадпрыемства аб сваім звальненні з працы, датаваным 16 лютага. На наступны дзень не дапусціць актывіста да працы дапамагала не толькі ахова заводу, але і супрацоўнікі аховы мясцовага РАУС.

20.02.2012 Для напісання дыктоўкі па-беларуску ў Баранавічах не знайшлося памяшкання (дакумент)

Старшыня суполкі Таварыства беларускай мовы Віктар Сырыца звярнуўся да начальніка аддзела культуры Генадзя Чарняўскага з просьбай выдзеліць памяшканне адной з бібліятэк горада з мэтай напісання дыктоўкі па беларускай мове 16 сакавіка бягучага года.

20.02.2012 Праваабаронца патрабуе змяніць меру стрымання для Сяргея Каваленкі

Напярэдадні суду над Сяргеем Каваленкам, прызначанага на 21 лютага, віцебскі праваабаронца Павел Левінаў наведаў Першамайскі райсуд, дзе будуць разглядаць крымінальную справу сябра КХП БНФ. Праваабаронца падаў на імя суддзі Алены Жук пісьмовае патрабаванне замяніць зняволенне на больш мяккую меру стрымання для Сяргея Каваленкі.

20.02.2012 Гарадзенец Руслан Пяцько абскарджвае штраф за адмову ад дактыласкапіі

Руслан Пяцько быў аштрафаваны за тое, што адмовіўся прайсці дактыласкапію, якую яго супрацоўнікі міліцыі хацелі прымусіць зрабіць проста на яго працоўным месцы яшчэ 27-га снежня 2011 года, што для Руслана было нечаканасцю.

20.02.2012 Бабруйск: Арцём Мархасёў накіраваў скаргу ў Вярхоўны суд

Асуджаны за запаленыя на Дзяды свечкі Арцём Мархасёў вырашыў дабівацца праўды да канца і на днях накіраваў скаргу ў Вярхоўны суд. Нагадаем, што ён, а таксама Алена і Дзмітрый Тоўсцікі, Марына Іванова па рашэнні бабруйскай суддзі Таццяны Тарабуевай атрымалі па 700 тысячаў штрафу кожны.

20.02.2012 У Хоцімску нагадалі пра палітвязняў (фота)

У гарадскім пасёлку Хоцімск 18 лютага з’явіліся ўлёткі з пытаннямі “Калі адпусцяць палітвязняў?” і “Калі нашы суды стануць незалежнымі?”. Акцыю ў межах кампаніі “100 пытанняў да ўлады” правялі мясцовыя актывісты “Гавары праўду”.

20.02.2012 Рабочыя «Граніту» рыхтуюцца да страйку

Члены Беларускага незалежнага прафсаюза РУВП "Граніт" у Мікашэвічах не маюць намеру мірыцца з учыненай адміністрацыяй прадпрыемства расправай над лідэрам арганізацыі Алегам Стахаевічам. Яны патрабуюць аднавіць яго на працы, а калі гэта не будзе зроблена – правесці папераджальны страйк.

20.02.2012 Статкевіча-старэйшага падтрымаў Лонданскі ПЭН-клуб

Ліст маральнай падтрымкі даслалі прадстаўнікі Лонданскага ПЭН-клуба. У ім гаворыцца, што прадстаўнікі лонданскай інтэлігенцыі выказваюць Віктару Паўлавічу Статкевічу сваю падтрымку ў цяжкі для яго час, калі ён несправядліва разлучаны з сынам. Аўтары захапляюцца яго мужнасцю, стойкасцю і шлюць яму не толькі цяпло сваіх сэрцаў, але і моляцца за яго.

20.02.2012 Бацьку Насты Палажанкі помсцяць за дзейнасьць дачкі

17 лютага бацька намесьніцы старшыні “Маладога Фронту” Насты Палажанка спадар Уладзімір атрымаў позву ў Інспекцыю па падатках і зборах МНС Першамайскага раёна Менска.

20.02.2012 На Аршанскім філіале электрычных сетак каля 50 чалавек выйшлі з афіцыйнага прафсаюзу

Прычынай гэтага стала скасаванне дадатковых выплат па шкоднасці. Каля двух тыдняў таму рабочыя атрымалі разліковыя квіткі за студзень 2011 года. У іх адсутнічалі налічэнні за шкодныя ўмовы працы. У выніку кожны з работнікаў не далічыўся каля 100 тысяч рублёў.

20.02.2012 Салігорскі выканкам у чарговы раз забараніў масавыя акцыі

Замест таго каб гарантаваць грамадзянам свабоду сходаў, салігорскія чыноўнікі вынаходзяць новыя спосабы не даць дазволу на правядзенне масавых мерапрыемстваў. Пікеты і мітынгі ў Салігорску, запланаваныя на 17-га, 18-га і 19-га лютага, забаронены старшынём Салігорскага раённага выканаўчага камітэту Аляксандрам Рымашэўскім.

20.02.2012 Брэсцкія праваабаронцы зладзілі інфармацыйную акцыю

У мінулыя выходныя брэсцкія актывісты РГА “Беларускі Хельсінкскі камітэт” правялі інфармацыйную акцыю, каб звярнуць увагу грамадскасці на факты парушэння правоў чалавека ў рэгіёне. Дзеля гэтага на рынку “Лагуна” сябры арганізацыі распаўсюдзілі каля 200 асобнікаў інфармацыйнага бюлетэня “Брэсцкае права”.

20.02.2012 У Брэсцкім раёне ўлады забаранілі ўсе пікеты супраць збяднення насельніцтва

Ладзіць тры падобныя акцыі ў вёсках Страдзеч, Знаменка і гарадскім пасёлку Дамачава збіраліся мясцовыя актывісты Беларускай партыі левых “Справядлівы свет”, аднак пад рознымі падставамі ўлады не далі дазвол на іх правядзенне.

20.02.2012 У Баранавіцкай гарадской бальніцы пачаліся пошукі вінаватых

Начальнікі бальніцы пачалі шукаць вінаватых ў агалошванні праблемы. Імі аказаліся не адміністрацыя і тэхнічныя службы бальніцы, якія трымалі тэмпературу паветра на ўзроўні ўсяго +9 градусаў, а санітарка, якая пусціла журналістаў у пакой № 314 без ведама ідэалагічнага аддзела гарвыканкама.

20.02.2012 Адміністрацыя прэзідэнта адказала на зварот маці асуджанага да смерці Кавалёва

У Адміністрацыі прэзідэнта лічаць мэтазгодным правядзенне прававога аналізу заканадаўства паводле зварота маці асуджанага да смяротнага пакарання Уладзіслава Кавалёва.