Праваабарончы цэнтр «ВЯСНА»

Навіны за 15 лютага 2012

15.02.2012 Журналіста Радыё Рацыя 2,5 гадзіны пратрымалі ў міліцыі

Журналіста Радыё Рацыя Аляксандра Ярашэвіча затрыманага барысаўскай міліцыяй, адпусцілі з міліцэйскага пастарунка.

15.02.2012 Барысаў: пратэстная акцыя спынена, працоўныя чакаюць сакавіцкай зарплаты

Працоўным Барысаўскага завода аўтатрактарнага электраабсталявання, якія 13 лютага спынілі працу з-за нізкага студзеньскага заробку, абяцаюць павысіць заробак ужо ў лютым. Іх праінфармавалі пра тое, што заработная плата ў лютым будзе павышана на 20 працэнтаў.

15.02.2012 Больш за год Наталля Ладуцька дамагалася, каб КДБ вярнуў ёй сканфіскаваныя грошы

Наталлі Ладуцька, маці былога каардынатара выбарчага штабу Някляева Алега Ладуцькі, прыйшоў пісьмовы адказ з упраўленьня Камітэта дзяржаўнай бяспекі па Менску і Менскай вобласці, у якім паведамляецца, што жанчына можа забраць грошы і рэчы, сканфіскаваныя ў сям’і пад час ператрусу.

15.02.2012 Мінюст адмовіў БХД у рэгістрацыі

Міністэрства юстыцыі адмовіла ў дзяржаўнай рэгістрацыі партыі «Беларуская хрысціянская дэмакратыя» (БХД).

15.02.2012 Алег Мінкін: “Такіх людзей, як Алесь, ні духова, ні фізычна зламаць немагчыма”

“Самотны”… Верш з такой назвай паэт Алег Мінкін яшчэ на пачатку 80-ых прысьвяціў Алесю Бяляцкаму. Беларускі пісьменнік, перакладчык паэзіі і выдавец, які родам з Магілёўшчыны, ужо каля двух дзесяцігоддзяў стала жыве ў Вільні. Магчыма, яго зьдзівіў е-mail з роспытамі пра прыроду самоты Алеся Бяляцкага, якую ён адчуў шмат год таму…

15.02.2012 Гарадзенскія праваабаронцы будуць пікетаваць супраць катаванняў

Асаблівую занепакоенасць у праваабаронцаў выклікалі агучаныя ў прэсе і на старонках інтэрнэту факты жудасных умоў утрымання вязняў у месцах пазбаўлення волі. Яны збіраюцца падаць заяўку ў Гарадзенскі гарвыканкам, каб правесці пікет супраць катаванняў за кратамі, каб прыцягнуць увагу насельніцтва рэгіёну да гэтай праблемы.

15.02.2012 Да Андрэя Саннікава не пусцілі яго адваката

Пра гэта Еўрарадыё паведаміла жонка экс-кандыдата ў прэзідэнты Ірына Халіп.

15.02.2012 Праваабаронцы Філіпін выступілі ў падтрымку Алеся Бяляцкага

Праваабаронцы з Філіпін параўналі пераслед старшыні Праваабарончага цэнтру "Вясна" Алеся Бяляцкага з часамі дыктатуры Фердынанда Маркаса, які кіраваў краінай у 1965-1986 гадах. Старшыня Філіпінскага Альянсу Праваабаронцаў Макс дэ Меса адзначыў, што "любая апазіцыя рэпрэсіўнаму рэжыму ці ўладзе будзе заклеймаваная, як злачынства, у тым ліку – прасоўванне і абарона правоў чалавека".

15.02.2012 Уладзімір Няпомняшчых дабіваецца, каб суд прызнаў, што ён не лаяўся матам

Суд прыняў пастанову: спыніць адміністрацыйную справу ў дачыненні Уладзіміра Няпомняшчых за «брудную лаянку» ў сувязі з недаказанасцю яго віны. Разам з тым, актывіст даводзіць, што не здзяйдсняў правапарушэнне, і таму фармуліроўка суда павінна была гучаць як «з-за адсутнасці ў дзеяннях складу правапарушэння».

15.02.2012 Участковы інспектар: “З’язджайце ў сваю Расію”

Марына Дукмасава – адна з тых, хто быў затрыманы ў Менску пад час “маўклівай” акцыі 6 ліпеня 2011 года. На другі дзень суд Маскоўскага раёна абвінаваціў яе ў дробным хуліганстве і пакараў грашовым штрафам. Марына абскардзіла свой прысуд ў Менскім гарадскім судзе, а затым і ў Вярхоўным судзе. Як і ў многіх іншых падобных выпадках, прысуд быў пакінуты без зменаў.

15.02.2012 Старшыня Еўрапарламента заклікаў вызваліць Каваленку

Старшыня Еўрапейскага парламента Марцін Шульц заклікаў вызваліць актывіста Кансерватыўна-Хрысціянскай Партыі БНФ Сяргея Каваленку, які трымае галадоўку.

15.02.2012 Лісты ў абарону палітвязняў

Былы палітвязень Сяргей Казакоў і нядаўна выключаны з універсітэта студэнт Аляксандр Вялітчанка накіравалі 14 лютага лісты ў Адміністрацыю прэзідэнта з патрабаваннямі тэрміновага вызвалення палітычных зняволеных Андрэя Саннікава, Змітра Бандарэнкі, Алеся Бяляцкага, Міколы Статкевіча і іншых.

15.02.2012 Івана Шылу пакідаюць на тры тыдні ў ізалятары

Адзін з лідэраў «Маладога фронту» Іван Шыла, затрыманы спецназаўцамі міліцыі напярэдадні ўручэньня «маладафронтаўскай» прэміі «Люблю Беларусь», знаходзіцца ў Цэнтра ўтрыманьня правапарушальнікаў на вуліцы Акрэсьціна. Як паведамілі бацькам апазыцыянэра, тут Іван застанецца на бліжэйшыя тры тыдні.

15.02.2012 Дэпутаты апраўдваюцца за папраўкі у Закон аб масавых мерапрыемствах

Ці не галоўнае пытанне, якое ставілася брэсцкімі актывістамі Беларускай партыі левых “Справядлівы свет” на сустрэчы з дэпутатамі Палаты прадстаўнікоў Ганнай Анішчук і Ларысай Багдановіч, тычылася прынятых беларускім парламентам паправак у Закон аб масавых мерапрыемствах.

15.02.2012 За адмову “адкатваць пальцы” на працоўным месцы -- штраф

Штраф 700 000 беларускіх рублёў вынесла 10-га лютага суддзя Ленінскага раённага суда Гародні Пятрова Алена Аляксандраўна жыхару Гародні Руслану Пецько, да якога яшчэ 27-га снежня 2011 году на працоўнае месца прыйшлі супрацоўнікі міліцыі з патрабаваннем “адкатаць пальцы”.