Праваабарончы цэнтр «ВЯСНА»

Навіны за 21 лютага 2012

21.02.2012 Журналіста Віктара Парфёненку не акрэдытоўваюць, але папярэджваюць

Журналіст з Гародні Віктар Парфёненка, які тройчы цягам трох гадоў падаваў паперы на афіцыйную рэгістрацыю ў якасці журналіста Беларускага Радыё Рацыя, 21 лютага быў выкліканы ў Гарадзенскую абласную пракуратуру для абвешчання афіцыйнага папярэджанне за працу без акрэдытацыі.

21.02.2012 Замежных журналістаў ўзнагародзілі за артыкулы пра Беларусь

Шэсьць міжнародных журналістаў сталі пераможцамі конкурсу “Беларусь у фокусе сьвету”. Арганізатарам конкурсусу быў Інфармарцыйны офіс салідарнасьці з Беларусьсю ў Варшаве. Яго мэта – заахвоціць замежных журналістаў беларускай тэматыкай і прыцягнуць увагу міжнароднай грамадзкасьці да надзённых праблемаў Беларусі. На сустрэчы з пераможцамі пабываў карэспандэнт Аляксандар Папко.

21.02.2012 Па-беларуску вучыцца толькі 0,9% студэнтаў ВНУ

Хоць роднай назвалі беларускую мову 60% насельніцтва.

21.02.2012 Беларуская мова паводле экспертаў ЮНЭСКА знаходзіцца ў небяспецы

Facebook і Vkontakte могуць выратаваць рэдкія мовы, якім пагражае знікненне. Да такой высновы прыйшлі брытанскія навукоўцы. З прыкладна 7000 моў, якія зарэгістраваныя ў свеце на сённяшні дзень, палова можа знікнуць да канца стагоддзя, лічаць лінгвісты.

21.02.2012 Адзін з найбольш рэпрэсіўных рэжымаў Эўропы ў дачыненьні да СМІ

21 лютага была абнародаваная штогадовая справаздача Камітэту абароны журналістаў – міжнароднай праваабарончай арганізацыі са штаб-кватэрай у Нью-Ёрку.

21.02.2012 Гарадзенская пракуратура папярэдзіла журналіста Алеся Дзянісава

Гарадзенская абласная пракуратура вынесла сёння, 21 студзеня, афіцыйнае папярэджанне незалежнаму журналісту Алесю Дзянісаву. Гутарку з Дзянісавым вёў намеснік начальніка аддзелу пракуратуры Гарадзенскай вобласці Валеры Павядайка.

21.02.2012 Журналістку БелаПАН Алену Германовіч не дапусцілі на семінар па пытаннях узаемадзеяння ўлады і бізнесу

21 лютага ў Гомелі праходзіць семінар па пытаннях ажыццяўлення прадпрымальніцкай дзейнасці з удзелам старшыні Камітэту дзяржаўнага кантролю Аляксандра Якабсона, Генеральнага пракурора Аляксандра Канюка, старшыні аблвыканкама Уладзіміра Дворніка, прадстаўнікоў структур улады і бізнесу.

21.02.2012 У Віцебску пачаўся суд па справе Сяргея Каваленкі

Сёньня ў 10:30 у судзе Першамайскага раёну Віцебска распачнецца судовы працэс над сябрам КХП-БНФ Сяргеем Каваленкам, якога вінавацяць паводле артыкулу 415 Крымінальнага Кодэксу "ухіленьне ад адбыцьця пакараньня".

21.02.2012 Сёння – Міжнародны дзень роднай мовы

У трынаццаты раз сёлета адзначаецца Міжнародны дзень роднай мовы, абвешчаны Генеральнай канферэнцыяй Арганізацыі Аб'яднаных Нацыяў па пытаннях адукацыі, навукі і культуры ў лістападзе 1999-га году. Упершыню ён святкаваўся 21 лютага 2000-га ў штаб-кватэры ЮНЕСКА ў Парыжы. Гісторыя гэтага Міжнароднага дня мае трагічны пачатак.

21.02.2012 Праваабарончая праграма “Людзьмі звацца!” на Радыё Рацыя

У рубрыцы “Падзея тыдня” – рэзалюцыя Еўрапейскага парламента, прынятая на мінулым тыдні па пытаньні сьмяротнага пакараньня ў Беларусі. Госцем рубрыкі “Асоба. Дзяржава. Грамадства”, стаў актывіст грамадзянскай кампаніі “Еўрапейская Беларусь” Алесь Салдаценка.У “Праваабарончым календары” – Міжнародны дзень роднай мовы, які прыпадае на 21 лютага.

21.02.2012 Пабачыць камеру смяротнікаў можна ў музеі (відэа)

Андрэй Палуда, каардынатар кампаніі "Праваабаронцы супраць смяротнага пакарання" распавядае пра той жах, які перажывае чалавек у камеры смяротнікаў. Здымкі адбываліся ў Музее ахвяраў генацыду жыхароў Літвы (Вільня, Літва) у рэальнай камеры смяротнікаў, праз якую прайшли тысячы ахвяр савецкага рэжыму.

21.02.2012 У Міжнародны дзень роднай мовы – пра набалелае

Палітыка дзяржаўнага двухмоўя паступова прыводзіць да выцяснення беларускага з усіх сфер жыцця. Што гэта – заканамерная з’ява ці мэтанакіраванае знішчэнне ўсяго нацыянальнага? Адказ шукае “Заўтра тваёй краіны”.

21.02.2012 Яшчэ 20-га Алесь Бяляцкі быў на Валадарцы

Пра гэта сябры Праваабарончага цэнтру “Вясна” даведаліся з паштоўкі, атрыманай сёння ад Алеся з менскага СІЗА-1. “Добры дзень! Праездам апынуўся на сваім старым мейсцы ў родных мурах Валадаркі. Адчуваю, хутка паеду (павязуць) далей. Адчуваю вашыя флюіды…” На паштовым штампе прастаўлена дата – 20.02.12.

21.02.2012 Ці адпавядае беларускі ПВКаАП міжнародна-прававым актам?

Заключэння Канстытуцыйнага Суда па гэтым пытанні спрабуе дамагчыся праваабаронца Сяргей Усцінаў. Да думкі аб неабходнасці разгляду адпаведнасці палажэнняў ПВКоАП РБ нормам Міжнароднага пакта аб грамадзянскіх і палітычных правах, ратыфікаванага Беларуссю, ён прыйшоў, назіраючы за адміністратыўнымі працэсамі ў раённых судах Менска і касацыйнай інстанцыі - Менскім гарадскім судзе.

21.02.2012 Затрыманні перад працэсам Сяргея Каваленкі

На пад’ездзе да віцебску супрацоўнікі ДАІ спыняюць машыны з актывістамі, якія едуць на працэс актывіста КХП-БНФ Сяргея Каваленкі. ДПС затрымала Хрыстафора Жаляпава, правяраюць ягоную машыну і дакументы.