Праваабарончы цэнтр «ВЯСНА»

Навіны за 23 лютага 2012

23.02.2012 Тацяна Равяка: “Палітвязьні – асаблівы прадмет нашай занепакоенасьці” (відэа)

Сітуацыя з беларускімі палітвязьнямі цягам апошняга часу значна пагаршаецца. Улады выкарыстоўваюць любую магчымасьць, каб паставіць на калені тых, хто не папрасіў літасьці ў служкаў рэжыму. Так, Мікалай Статкевіч,які быў асуджаны на 6 гадоў зняволення ў калоніі строгага рэжыму па артыкуле аб масавых беспарадках, у сярэдзіне студзеня быў пераведзены са шклоўскай калоніі ў магілёўскую турму, дзе рэжым утрыманьня нашмат больш жорсткі.

23.02.2012 Затрыманых у Гомелі актывістаў адпусцілі з міліцыі

Пратрымаўшы ў аддзеле каля двух з паловай гадзін, актывістаў кааліцыі «Наша альтэрнатыва» Кастуся Жукоўскага, Андрэя Папова і Зміцера Карашкова адпусцілі з Цэнтральнага РАУС Гомеля. Між тым, у іх забралі антыалкагольныя ўлёткі, каля 430 асобнікаў, каб праверыць на адпаведнасць закону.

23.02.2012 Суд не задаволіў скаргу арганізатараў гей-прайду

Мінскі гарадскі суд не задаволіў скаргу арганізатараў гей-прайду. Заяўнікі шэсця збіраюцца дайсці да Арганізацыі Аб’яднаных Нацый.

23.02.2012 23 лютага журналістаў не пусцілі ў суд над Каваленкам і перашкаджалі працаваць

Як паведамілі ГА “БАЖ” сябры арганізацыі, калі іх упусцілі ў будынак, дзверы судовай залы былі ўжо зачыненыя, а ахова заявіла, што месцаў там няма. Журналістам не дазволілі знаходзіцца і ў калідоры суда.

23.02.2012 Суд над Сяргеем Каваленкам: дзень трэці (дадаліся фоты)

Сёньня ў Віцебску працягваецца разгляд крымінальная справы Сяргея Каваленкі, якога вінавацяць у парушэньні рэжыму адбыцця «хатняй хіміі» — умоўнага пакараньня, прысуджанага за бел-чырвона-белы сьцяг, вывешаны 7 студзеня 2010 году на гарадзкой навагодняй ёлцы.

23.02.2012 Канстытуцыйны суд для Савету Міністраў не аўтарытэт

Пачынаючы ад 17 ліпеня 2009 года, рашэнне Канстытуцыйнага суда аб унясеннях зменаў і дапаўненняў у Працоўны кодэкс не зроблена. У адказе, які атрымаў Барыс Бухель, Канстытуцыйны суд пазначыў, што тэрміны для ўнясення гэтых зменаў і дапаўненняў у нарматыўныя акты заканадаўствам Рэспублікі Беларусь не ўстаноўлены.

23.02.2012 Учора ДАІ не прапусціла аршанскіх актывістаў БХД на суд над Сяргеем Каваленкам

Аўтамабіль, у якім знаходзіліся чацвёра актывістаў аршанскай арганізацыі аргкамітэта БХД, быў затрыманы ў сярэдзіне дня 22 лютага супрацоўнікамі ДАІ на выездзе з Оршы каля вёскі Андрэеўшчына. Праверка зацягнулася на доўгіх 3 гадзіны. Судовае паседжанне па справе Каваленка да таго часу ўжо скончылася.

23.02.2012 Міжнародная канфедэрацыя прафсаюзаў звярнула ўвагу на сітуацыю на “Граніце”

Генеральны сакратар Міжнароднай канфедэрацыі прафсаюзаў (МКП) Шаран Бароў звярнулася да прэзідэнта Беларусі Аляксандра Лукашэнкі ў сувязі з парушэннямі правоў незалежнага прафсаюза на РУВП "Граніт" г. Мікашэвічы.

23.02.2012 Барысаў: Праваабаронца мае намер скардзіцца ў пракуратуру

Праваабаронца Алег Мацкевіч, які звярнуўся на Барысаўскі малочны камбінат з нагоды невыканання прадпрыемствам пастаноў Саўміна, накіраваных на падтрымку сацыяльна неабароненых слаёў насельніцтва, мае намер падаць скаргу ў пракуратуру - адказу ва ўстаноўленыя тэрміны ён так і не атрымаў.

23.02.2012 Аргкамітэт Дня Волі патрабуе вызваліць палітвязняў да 25 сакавіка

Гэта магло б стаць "крокам да грамадскага прымірэння". Пасля гэтага прапануецца пачаць перамовы ўлады і прадстаўнікоў апазіцыі наконт правядення дэмакратычных прэзідэнцкіх і парламенцкіх выбараў. Пра гэта было заяўлена ў чацвер на прэс-канферэнцыі ў Мінску.

23.02.2012 У Гомелі спецназ затрымаў дэмакратычных актывістаў, якія віншавалі мінакоў з Днём абаронцы Айчыны

23 лютага ў абедзенны час тры дэмакратычныя актывісты Гомеля выйшлі да цэнтральнага ўнівермагу горада, каб павіншаваць мінакоў з Днём абаронцы Айчыны. Кастусь Жукоўскі, Андрэй Папоў і Зміцер Карашкоў раздавалі паштоўкі з пажаданнямі: «Хопіць піць - час сям'ю карміць і краіну бараніць».

23.02.2012 Лявон Вольскі: Неабходна вярнуць усе рэчы на сваё законнае месца

Намеснік міністра культуры Беларусі Тадэуш Стружэцкі ў чарговы раз заявіў – ніякіх “чорных спісаў” дзеячоў культуры няма. Больш за тое, выказаўся, што з выпадкамі забароны неабходна разбірацца. Як насамрэч выглядае сітуацыя з правядзеннем канцэртаў беларускамоўнага гурта, карэспандэнт Euramost.org даведаўся ў лідэра “Крамбамбулі” Лявона ВОЛЬСКАГА.

23.02.2012 Салігорская моладзь падтрымала зняволенага Івана Шылу (фота)

Арыштавнага напярэдадні ўручэння маладафронтаўскай прэміі “Люблю Беларусь” і зняволеннага на 22 дні арганізатара мерапрыемства Івана Шылу падтрымалі паплечнікі з Салігорска. 22 лютага па ўсім горадзе з’явіліся плакаты з інфармацыяй аб арышце маладзёна і патрабаваннем яго вызвалення.

23.02.2012 Брэсцкія ўлады праігнаравалі патрабаванне жыхароў горада ліквідаваць прычыны смуроду (дакумент)

Прадстаўнікі дэмакратычнай супольнасці, што арганізавалі ў абласным цэнтры збор подпісаў наконт праблемы дрэнных пахаў, якая турбуе жыхароў многіх мікрараёнаў Брэста, атрымалі 22 лютага адказ ад гарадскіх уладаў на свой калектыўны зварот.

23.02.2012 Асудзілі да арышту завочна

22 лютага пасьля 15 гадзін суд Віцебскага раёну разгледзеў адміністратыўныя справы затрыманых напярэдадні “маладафронтаўцаў” Рамана Васільева, Міхаіла Мускага, Зьмітра Крэмянецкага і Уладзіміра Яроменкі, а таксама сябра БАЖу Паўла Сітніка, якія ехалі на суд да Сяргея Каваленкі. Іх абвінавацілі ў дробным хуліганстве.