Праваабарончы цэнтр «ВЯСНА»

Навіны за 20 траўня 2013

20.05.2013 Чарговы смяротны прысуд. Падумайце пра гэта!

"Новы смяротны прысуд не выклікаў вялікага рэзанансу ў краіне, пра яго ўзгадалі хіба некалькі незалежных выданняў і праваабаронцы. Праваабаронцам ужо вядома прозвішча прыгаворанага – Юзэпчук. Але хто адкажа мне, у чым цяпер сэнс забойства самога Язэпчука? Як гэтае забойства паўплывае на змяншэнне ўзроўню злачынстваў супраць асобы ў краіне? Атрымліваецца, што цяпер дзяржава сыграла ў даміно з самім Юзэпчуком, толькі ў яго няма шанцаў выйграць у гэтай гульні. Такое ж бессэнсоўнае, хладнакроўнае забойства, якое не мае нічога агульнага з правасуддзем і справядлівасцю", - піша Валянцін Стэфановіч.

20.05.2013 Беларусы пішуць у ААН: трэба прымаць захады

Група беларусаў зьвярнулася ў Камітэт ААН па правах чалавека з заявай, у якой заклікае ААН прымусіць улады краіны выконваць міжнародныя абавязацельствы.

20.05.2013 Салігорск: Забарону пікету да Дня Волі абскарджваюць у абласным судзе

На пачатку траўня суд Салігорскага раёна не задаволіў скаргу актывіста на рашэнне мясцовых чыноўнікаў аб забароне пікета. Некалькі дзён назад Уладзімір Шыла атрымаў матывацыйную частку да гэтага рашэння ды адразу ўзяўся за падрыхтоўку касацыйнай скаргі.

20.05.2013 Хоцімскія актывісты “Гавары праўду” накіравалі лісты падтрымкі палітвязням

Хоцімскія актывісты “Гавары праўду” 20 траўня напісалі і адправілі лісты падтрымкі беларускім палітзняволеным Алесю Бяляцкаму, Эдуарду Лобаву, Мікалаю Статкевічу, Паўлу Севярынцу, Зміцеру Дашкевічу, Мікалаю Аўтуховічу і інш.

20.05.2013 Віцебск: Чыгуначнаму райсуду рашэнне Камітэта ААН – не аўтарытэт

Паводле рашэння Камітэту, беларускія ўлады абавязаныя выплаціць кампенсацыю. І спадарыня Піванос падала пазоў на Міністэрства фінансаў Беларусі і патрабавала кампенсаваць ёй 7 мільёнаў рублёў: вышыванку яна ацаніла ў 5 мільёнаў, яшчэ 2 мільёны - у якасці кампенсацыі маральнай шкоды ды судовых выдаткаў.

20.05.2013 У Бярозе з’явіліся ўлёткі “Свабоду Бяляцкаму” (фота)

Так адрэагавалі неабыякавыя грамадзяне на ціск на старшыню Праваабарончага цэнтра “Вясна” Алеся Бяляцкага, які знаходзіцца ў зняволенні ў калоніі №2 г.Бабруйску. Праваабаронцу да жніўня забаранілі харчовыя перадачы, яшчэ раней ён быў пазбаўлены спатканняў са сваякамі.

20.05.2013 Жыхары Баранавічаў -- за незалежныя тэлеканалы

Зварот, падпісаны 35 жыхарамі Баранавічаў, які ўтрымлівае патрабаванне вярнуць у телесетку тэлеканал “Еўраньюс”, а таксама ўвесці беларускамоўны незалежны тэлеканал Белсат, даць магчымасць глядзець тэлеканалы суседзяў: Польшчы, Расіі і Украіны без цэнзуры, накіраваны ў Адміністрацыю прэзідэнта.

20.05.2013 У Рагачове абяцаюць узнагароду за данос на аўтара графіці «Хопіць бухаць»

Рагачоўская раённая газета «Свабоднае слова» апублікавала матэрыял з абяцаннем узнагароды таму, хто дакажа на аўтара надпісаў «Хопіць бухаць».

20.05.2013 Міжнародная федэрацыя хакея рызыкуе легітымізаваць парушэнні правоў чалавека ў Беларусі

Заява прадстаўнікоў міжнароднай праваабарончай кампаніі “Не гуляйце з дыктатарам!”

20.05.2013 Магілёўскія журналісты зноў не паехалі ў Бялыніцкі РАУС

Незалежныя журналісты з Магілёва Яўген Глушкоў і Аліна Скрабунова 20 траўня зноў не з’явіліся для апытання “у якасці асобаў, супраць якіх распачаты адміністрацыйны працэс” у Бялыніцкі РАУС.

20.05.2013 Ля Мілавідаў прыбралі тэрыторыю і адрамантавалі помнікі ў гонар паўстанцаў 1863года

Ля Мілавідаў (Баранавіцкі раён) прыбралі тэрыторыю і адрамантавалі помнікі ў гонар паўстанцаў 1863г. Гэта стала вядома з ліста за подпісам в.а. старшыні Мілавідскага сельскага выканаўчага камітэта Тамары Былінскай, які атрымаў грамадскі актывіст Віктар Сырыца на калектыўны зварот грамадзян горада Баранавічы.

20.05.2013 Брэст: інваліды пазбаўлены магчымасці скарыстацца паслугамі цэнтра “Зімародак”

Галоўная прычына палягае ў тым, што рэабілітацыйна-аздараўленчая ўстанова, што мае такую назву і месціцца каля вёскі Забалацце ў Брэсцкім раёне, няма сродкаў на працяг сваёй дзейнасці. Заснавальнікам цэнтра “Зімародак” з’яўляецца рэспубліканская асацыяцыя інвалідаў-калясачнікаў.

20.05.2013 Праект закона: Незаконна асуджаным па адміністрацыйных справах будуць выплачваць кампенсацыю

Гэта вынікае з адказу на свой запыт, які жыхар Магілёва Аляксандр Хамратаў атрымаў ад дэпутата палаты прадстаўнікоў Уладзіміра Васіленкі.

20.05.2013 У львоўскай турме чыталі вершы ў падтрымку беларускіх палітвязняў

Паэзія за кратамі гучала ва ўкраінскім горадзе Львове. Мерапрыемства абылося ў рамках Міжнароднага дня музеяў і прайшло ў турме на Ланцкога. Ініцыятарамі правядзення такой імпрэзы выступілі арганізатары Дзён беларускай і шведскай літаратуры.