Хоцімскія актывісты “Гавары праўду” накіравалі лісты падтрымкі палітвязням

Хоцімскія актывісты “Гавары праўду” 20 траўня напісалі і адправілі лісты падтрымкі беларускім палітзняволеным Алесю Бяляцкаму, Эдуарду Лобаву, Мікалаю Статкевічу, Паўлу Севярынцу, Зміцеру Дашкевічу, Мікалаю Аўтуховічу і інш.

“Невінаватыя людзі па незразумелых падставах апынуліся у зняволенні, - кажа грамадскі актывіст з Хоцімска Валерый Каранкевіч. – Наш абавязак штодзённа і шточасна выказваць ім сваю падтрымку. Хоцімскія актывісты салідарныя з імі і лічаць, што ўладам нельга зводзіць рахункі з гэтымі мужнымі людзьмі, трымаючы іх за кратамі. Мы пішам палітзняволеным, што будзем заўсёды падтрымліваць іх, верыць у перамогу і ў тое, што ўжо ў хуткім часе зможам сустрэць іх на волі”.