Жыхары Баранавічаў -- за незалежныя тэлеканалы

Зварот, падпісаны 35 жыхарамі Баранавічаў, які ўтрымлівае патрабаванне вярнуць у телесетку тэлеканал “Еўраньюс”, а таксама ўвесці беларускамоўны незалежны тэлеканал Белсат, даць магчымасць глядзець тэлеканалы суседзяў: Польшчы, Расіі і Украіны без цэнзуры, накіраваны ў Адміністрацыю прэзідэнта. Арганізатар звароту – мясцовы актывіст Рыгор Грык.

Гэта ўжо трэці зварот у розныя інстанцыі, але вынікаў да гэтага часу няма. Р.Грык выказвае спадзяванне, што Адміністрацыя прэзідэнта зробіць крокі для выканання арт. 33 і 34 Канстытуцыі РБ, згодна з якімі грамадзянам гарантуецца права атрымліваць праўдзівую і аб’ектыўную інфармацыю.