Праваабарончы цэнтр «ВЯСНА»

Навіны за 23 траўня 2013

23.05.2013 Amnesty International апублікавала штогадовы даклад

23 траўня праваабарончая арганізацыя Amnesty International апублікавала штогадовы даклад пра становішча з правамі чалавека ў свеце. У дакладзе канстатуецца, што ў Беларусі зменаў у лепшы бок не адбылося.

23.05.2013 Менгарсуд разгледзіць скаргі на прысуды журналістам Беларускага Радыё Рацыя

Менскі гарадскі суд прызначыў на 31 траўня разгляд скаргаў на прысуды, вынесеныя журналістам Радыё Рацыя Генадзю Барбарычу і Аляксандру Ярашэвічу. У скаргах журналісты звяртаюць увагу на шматлікія разыходжанні ў паказаннях сведак з ліку супрацоўнікаў міліцыі, а таксама на тое, што сведак з боку абароны наагул не выслухалі ў судзе.

23.05.2013 У Магілёве студэнтаў БРУ, якія падпісаліся пад ініцыятывай Аляксея Паўлоўскага, выклікалі ў дэканат

Грамадскі актывіст збіраў подпісы за “размарозку” будоўлі лабараторнага корпуса Беларуска-Расійскага ўніверсітэта і спарткомплекса, будаўніцтва якога працягваецца ўжо 22 гады. Тады пад ініцыятывай Аляксея Паўлоўскага падпісалася 88 чалавек.

23.05.2013 Магілёўцы скардзяцца ў Камітэт па правах чалавека ААН

Свае скаргі ў міжнародную інстанцыю накіравалі актывіст БНФ “Адраджэньне” Сяржук Нягацін і намеснік старшыні Свабоднага прафсаюзу Беларускага Юрый Новікаў. Актывісты просяць Камітэт па правах чалавека ААН рэкамендаваць Вярхоўнаму Суду і Ураду Рэспублікі Беларусь адмяніць накладзеныя на іх адміністрацыйныя пакаранні.

23.05.2013 “Свабоду Алесю!” – на вуліцах Стамбула (дадаліся фота)

Удзельнікі 38-га Кангрэсу Міжнароднай федэрацыі за правы чалавека (FIDH), які сёння распачаўся ў Стамбуле, зладзілі шэсце з патрабаваннем вызвалення сваіх калегаў-палітвязняў – беларуса Алеся Бяляцкага, віцэ-прэзідэнта FIDH, і бахрэйнца Набіла Раджаба, намесніка генеральнага сакратара FIDH.

23.05.2013 Сланімчане збіраюць подпісы ў падтрымку "Газеты Слонімскай"

Сярод жыхароў Слонімшчыны пачаўся збор подпісаў пад зваротам у розныя інстанцыі з мэтай уключэння "Газеты Слонімскай" у кіёскі "Белсаюздруку", а таксама ў каталогі "Белпошты". Пісьмовы зварот сланімчане будуць высылаць заказнымі лістамі ў розныя інстанцыі.

23.05.2013 Крымінальную справу на групу гомельскіх чыноўнікаў перадалі ў пракуратуру

Следчы камітэт завяршыў папярэдняе расследаванне ў адносінах некалькіх службовых асобаў Гомельскага гарвыканкама, якія скралі ў людзей кватэры.

23.05.2013 Беларусы Бельгіі пікетавалі шведскае консульства

Свабода не там, дзе гуляюць у хакей, а там, дзе паважаюць правы чалавека!” – з такім лозунгам беларусы, якія жывуць ў Бельгіі, пікетавалі консульства Швецыі ў Бруселі.

23.05.2013 Яцэк Сарыюш Вольскі: "Меркаванне Палецкіса - гэта не пазіцыя Еўрапейскага парламента

Дакладчык Еўрапейскага парламента па Беларусі, дэпутат ад Літвы Юстас Палецкіс падрыхтаваў праект сваёй справаздачы. Ён рэкамендуе змяніць палітыку Еўразвяза ў дачыненні да афіцыйнага Мінску.

23.05.2013 NRM адмовілі ў акрэдытацыі "Белсату"

Журналісты планавалі здымаць канцэрт для "Агляду культурных падзей". Адказ у акрэдытацыі быў матываваны тым, што гурт можа страціць адзіную пляцоўку, дзе яны могуць ладзіць падобныя канцэрты.

23.05.2013 Валянцін Стэфановіч: «Беларускія ўлады так і не прадэманстравалі пазітыўнай дынамікі ў выкананні ўмоў ЕС»

Пра гэта намеснік кіраўніка Праваабарончага цэнтра "Вясна" заявіў у інтэрв'ю агенцтву "Інтэрфакс-Захад", адзначыўшы, што не падзяляе аптымізму дакладчыка Еўрапарламента па Беларусі Юстаса Палецкіса ў тым, што ў апошні час сітуацыя з правамі чалавека палепшылася.

23.05.2013 Стамбул на тыдзень стаў праваабарончай сталіцай свету (дадаліся фота)

23 траўня Стамбул (Турцыя) прымае 38-ы Кангрэс Міжнароднай федэрацыі за правы чалавека (FIDH), куды з'ехаліся прадстаўнікі звыш 200 НДА з 130 краінаў. З беларускіх прадстаўнікоў у працы Кангрэсу бяруць удзел намеснік кіраўніка Праваабарончага цэнтра "Вясна" Валянцін Стэфановіч і юрыст Павел Сапелка.