Праваабарончы цэнтр «ВЯСНА»

Навіны за 22 траўня 2013

22.05.2013 Магілёвец Аляксей Паўлоўскі скардзіцца на Анатоля Рубінава ў пракуратуру

Магілёвец Аляксей Паўлоўскі скардзіцца на парушэнне Закона “Аб звароце грамадзян”. Аляксей Паўлоўскі просіць прыняць меры па рэагаванню ў дачыненні да старшыні Савета Рэспублікі Анатоля Рубінава, які ужо 52 дні не дае адказу на калектыўны зварот магілёўцаў, а таксама прымусіць яго даць адказ на паступіўшы да яго зварот.

22.05.2013 Кіраўніцтва СВК “Лябядзянка” напісала калектыўную скаргу на незалежных журналістаў з Магілёва

Нагодай для гэтага стала нібыта хлуслівая інфармацыя пра ўнутраную сітуацыю ў сяльгаса-вытворчым кааператыве, якую распаўсюдзілі журналісты. Сёння, 22 траўня, незалежную журналістку Аліну Скрэбунову апыталі з гэтай нагоды ў Кастрычніцкім РАУСе Магілёва.

22.05.2013 Камітэт па замежных справах Еўрапарламента разгледзіць даклад Палецкіса па Беларусі 29 мая

29 мая камітэт па замежных справах Еўрапарламента разгледзіць у першым чытанні папярэднюю справаздачу дакладчыка па Беларусі Юстаса Палецкіса, падрыхтаваную для Еўракамісіі, Савета ЕС і Службы знешніх дзеянняў Еўракамісіі.

22.05.2013 Генеральны сакратар Савета Еўропы разлічвае, што Беларусь ратыфікуе Еўрапейскую канвенцыю па правах чалавека

Генеральны сакратар Савета Еўропы Турб`ёрн Ягланд разлічвае, што Беларусь далучыцца да СЕ і ратыфікуе Еўрапейскую канвенцыю па правах чалавека. Пра гэта ён зявіў на пашыраным пасяджэнні камітэта расійскай Дзярждумы па міжнародных справах 21 мая.

22.05.2013 У Магілёве КДБ зацікавілася блогерам

Учора, 21 траўня, невядомы патэлефанаваў на мабільны тэлефон Зміцера Ярмоленкі, прадставіўся супрацоўнікам КДБ і прапанаваў сустрэцца дзеля таго, каб паразмаўляць у нефармальнай абстаноўцы. Хлопец ад сустрэчы адмовіўся, паведаміўшы, што яна адбудзецца толькі ў тым выпадку,калі ён атрымае на рукі афіцыйную позву.

22.05.2013 Мікалай Аўтуховіч: Чаму апазіцыянеры адкідаюць галоўнае патрабаванне - аб поўнай рэабілітацыі палітвязняў?

Палітвязень у сваім лісце разважае наконт датэрміновага вызвалення з-за кратаў палітычных лідараў і грамадскіх актывістаў.

22.05.2013 Беларускія ЛГБТ-актывісты прымуць удзел у гей-прайдзе ў Кіеве

25 мая ЛГБТ-актывісты плануюць правесці ў сталіцы першы ва Украіне маштабны гей-прайд, у межах якога будуць фотавыставы, кінапаказы, дыскусіі і Марш роўнасці.

22.05.2013 У Магілёве членамі Свабоднага прафсаюзу металістаў цікавіцца КДБ

Пра гэта паведамляе мясцовы прафсаюзны лідар Галіна Лісіцына. Пытанні датычыліся дзейнасці прафсаюза, паездкам актывістаў у іншыя месцы, а таксама верагодным пераемнікам Галіны Лісіцынай на пасадзе прафсаюзнага каардынатара ў Магілёве.

22.05.2013 У Беларусь прыедзе Дунья Міятавіч

3-га чэрвеня ў Мінску адбудзецца семінар-трэнінг для беларускіх журналістаў «Інтэрнэт-СМІ: свабода, прафесіяналізм і ўстойлівае развіццё».

22.05.2013 Баранавіцкі райвыканкам другі раз забараніў Мілавідскі фэст

Баранавіцкі райвыканкам другі раз забараніў Мілавідскі фэст, прысвечаны 150-м угодкам Мілавідскай бітвы 1863 года. Раней мы паведамлялі, што культурна-асветніцкае мерапрыемства было запланавана грамадскасцю горада і раёна першапачаткова на 2 чэрвеня, але райвыканкам забараніў яго правядзенне.

22.05.2013 Хоцімскіх актывістаў вучылі адстойваць свае правы

18-19 траўня ў Хоцімску прайшоў праваабарончы семінар-вучоба, прысвечаны розным аспектам крымінальнага і адміністрацыйнага заканадаўства. Удзел у навучанні прынялі мясцовыя актывісты кампаніі “Гавары праўду” і Партыі БНФ.

22.05.2013 З актывістам незалежнага прафсаюза на прадпрыемстве “Граніт” не працягнуты кантракт

Сам экскаватаршчык Леанід Дубаносаў даведаўся пра гэта ўвечары 21 траўня, калі ўпершыню выйшаў на працу пасля адпачынку, аднак не быў дапушчаны на сваё месца для выканання службовых абавязкаў у начную змену.

22.05.2013 Дакладчык Еўрапарламента рэкамендуе прыпыніць санкцыі ЕС у дачыненні да ключавых беларускіх чыноўнікаў

Дакладчык дэлегацыі Еўрапарламента (ЕП) па Беларусі Юстас Палецкіс прапануе прыпыніць санкцыі ЕС у дачыненні да ключавых беларускіх чыноўнікаў. Такая рэкамендацыя ўтрымліваецца ў дакладзе, які еўрадэпутат падрыхтаваў для Савета ЕС, Еўракамісіі і Службы знешніх дзеянняў, аб далейшай палітыцы Еўрасаюза ў дачыненні да Беларусі.

22.05.2013 Штраф за «Пагоню» на гаўбцы — 200 тысяч

Адміністрацыйная камісія Глыбоцкага райвыканкаму аштрафавала былога настаўніка матэматыкі Мар’яна Місевіча за тое, што ён размаляваў свой гаўбец пад нацыянальны сьцяг ды прымацаваў на ім «Пагоню». У пратаколе гэта было названа «парушэньнем архітэктурнага рашэньня» будынка. Спадара Місевіча пакаралі штрафам памерам 2 базавыя велічыні — 200 тысяч рублёў.