NRM адмовілі ў акрэдытацыі "Белсату"

Журналіст "Белсату" Аляксандр Любянчук адзначыў: "Здымаць планавалася для "Агляду падзеяў культуры", які не мае ніякай палітычнай афарбоўкі, якой так баяцца арганізатары, наколькі мне зразумела. Варта зазначыць, што для праграмы "Агляд падзеяў культуры" нас неаднаразова акрэдытоўвалі прадзяржаўныя канторы, ад якіх мы амаль не чакалі дазволу на здымкі".

Адказ у акрэдытацыі быў матываваны тым, што "мы можам страціць адзіную пляцоўку, дзе можам ладзіць падобныя канцэрты". 

Нагадаем, што яшчэ нядаўна гурт NRM уваходзіў у так званыя "чорныя спісы" музыкантаў, якім былі забароненыя выступы ў клубах і на канцэртных пляцоўках, а таксама гучанне на радыё і тэлебачанні.