Праваабарончы цэнтр «ВЯСНА»

Навіны за 4 лістапада 2010

04.11.2010 Гомель: ЦВК не знайшла парушэнняў заканадаўства ініцыятыўнай групай Лукашэнкі

З Цэнтральнай выбарчай камісіі гомельскаму праваабаронцу Анатолю Паплаўнаму прыйшоў адказ на яго скаргу аб парушэнні заканадаўства ініцыятыўнай групай Аляксандра Лукашэнкі. Праваабаронца стаў сведкам таго, як на прадпрыемстве “Віпра” ГА “Беларускае таварыства глухіх” сябра ініцыятыўнай групы Вікторыя Сёміна ў працоўны час збірала подпісы за дзеючага прэзідэнта.

04.11.2010 Украінскія міліцыянты ламаюць дзверы ў кватэру беларускага апазіцыянера

У Кіеве праваахоўнікі праваахоўнікі спрабуць узламаць уваходныя дзверы ў кватэру беларускага апазіцыянера Аляксандра Цынкевіча, які з'яўляецца акрэдытаваным журналістам газеты "Народная Воля". Пра гэта паведамляе ўкраінскі сайт proUA.

04.11.2010 Барысаў: Працэдура праверкі подпісаў - без назіральнікаў

Мінская абласная выбарчая камісія прызнала забарону на назіранне за працэсам праверкі сапраўднасці подпісаў выбаршчыкаў, аддадзеных за патэнцыйных кандыдатаў у прэзідэнты, правамернай.

04.11.2010 У Міёрах людзей прымушаюць адмовіцца ад подпісу за Рымашэўскага

Міёрская раённая выбарчая камісія, правяраючы сабраныя подпісы, схіляе выбаршчыкаў ад іх адмовіцца. Паводле Тацяны Севярынец, каардынатара па зборы подпісаў за вылучэнне Віталя Рымашэўскага ў Віцебскай вобласці, вядома як мінімум пра тры выпадкі, калі жыхары Міёраў пад ціскам напісалі адмовы ад подпісаў.

04.11.2010 Жабінка: Ва ўчастковых камісіях прадстаўнікоў палітычных партый не будзе

Ні адной заяўкі ад прадстаўнікоў палітычных партый не паступала. У выбаркамах будуць шырока прадстаўлены вылучэнцы грамадскіх аб'яднанняў - Федэрацыі прафсаюзаў Беларусі, ГА “Беларускі рэспубліканскі саюз моладзі”, РГА “Белая Русь”, ГА “Беларускі саюз афіцэраў”, Беларускага грамадскага аб'яднання ветэранаў - дэлегавалі 94 чалавекі (38%).

04.11.2010 У Свіслачы кандыдатуры дэмакратаў разглядаць не захацелі

Паседжанне адміністрацыі Свіслацкага раёну, што на Гродзеншчыне, прайшло ў горшых савецкіх традыцыях. Кандыдатуры 5-ці вылучэнцаў ад партыі БСДГ чыноўнікі публічна разглядаць не захацелі і праігнаравалі. Яшчэ 2 грамадска-палітычныя актывісты вылучаліся ў горадзе шляхам збору подпісаў і падачы адпаведнай заявы. Дакладна невядома, ці прайшлі яны ў склад участковых камісій, паколькі склады камісій на паседжанні выканкаму так і не былі агучаны.

04.11.2010 Бабруйск: Ні аднаго з 30 сябраў АГП не ўключылі ў камісіі

"Я пайшоў на паседжанне ў адміністрацыю Першамайскага раёна, а мой намеснік у Ленінскі, - распавядае Віктар Бузінаеў. - У кожным з гэтых раёнаў мы вылучалі па 15 сябраў у склад участковых камісій, але нікога з іх не ўключылі. Нікаго з 30 чалавек!" Супрацоўнікі адміністрацый патлумачылі неўключэнне сябраў АГП іх нявопытнасцю.

04.11.2010 Мазыр: Склад выбарчых камісій вызначалі таямнічыя “працоўныя группы”

Праваабаронца Уладзімір Целяпун накіраваў на імя старшыні Мазырскага выканаўчага камітэта заяву, у якой просіць прадаставіць рашэнне аб ўтварэнні “працоўнай группы”, якая разглядала кандыдатуры на ўключэнне ў склад участковых выбарчых камісій.

04.11.2010 Газета “Вечерний Гродно” вызначылася чарговым ляпам

У нумары ад 3 лістапада журналістка Іна Грышук паведамляе чытачам, што з 3 па 5 лістапада ў вобласці будуць фармавацца ўчастковыя выбарчыя камісіі. Між тым, паводле заканадаўства, гэта фармаванне завершана ўжо 3 лістапада.

04.11.2010 Жодзіна: З 12 вылучэнцаў апазіцыйных партый у склад УВК прайшоў 1

З 12 прэтэндэнтаў, вылучаных у склад участковых камісій у Жодзіне ад абласных арганізацыяў Беларускай партыі левых "Справядлівы свет" (3 чалавекі) і АГП (9 чалавек) прайшоў Ігар Васілеўскі, працоўны “БелАЗ”, вылучаны ад АГП.

04.11.2010 Справу былога эксперта з Брэста будзе разглядаць Камітэт па правах чалавека

Паўла Казлова беларускія суды прызналі вінаватым у паклёпе. Цяпер яго справу зарэгістравалі і будуць рыхтаваць да разгляду ў Камітэце па правах чалавека ААН. Пра гэта распавёў Еўрарадыё праваабаронца Раман Кісляк:

04.11.2010 Паведамленне для журналістаў

“Праваабаронцы за свабодныя выбары” запрашаюць на прэс-канферэнцыю, прысвечаную вынікам фармавання ўчастковых камісій па выбарах Прэзідэнта Рэспублікі Беларусь, падчас якой будзе прэзентавана этапная справаздача, падрыхтаваная аналітыкамі кампаніі.

04.11.2010 Гомельская вобласць: На сайтах выканкамаў няма нават прозвішчаў прэтэндэнтаў у прэзідэнты. Акрамя Лукашэнкі

На сайтах выканкамаў амаль нічога не пішацца пра бягучы момант кампаніі па выбарах прэзідэнта альбо інфармацыя на іх даўно не абнаўлялася. Прачытаць на сайтах выканкамаў прозвішчы тых, хто вылучаецца кандыдатамі ў прэзідэнты Беларусі, поўную інфармацыю пра іх, пабачыць здымкі – немагчыма.

04.11.2010 Арцёма Дубскага затрымалі ва Ўкраіне

Супрацоўнікі Жытомірскай міліцыі ўварваліся ў кватэру, якую арандуюць фігурант «справы 14-ці» Арцём Дубскі, былы грамадзянін Беларусі Ігар Коктыш разам з жонкай Ірынай, грамадзянін Беларусі Віталь Тышчанка разам з жонкай Тацянай і грамадзянін Украіны Закшэўскі.

04.11.2010 Салігорск: Паседжанне выканкаму ў рэжыме сакрэтнасці

"Час паседжання нам не хацелі казаць. Да абеду ў прыёмнай выканкаму сцвярджалі, што аніякіх паседжанняў не запланавана. Пасля абеду паведамілі што яно ўжо адбылося зранку, - кажа прадстаўнік партыі "Справядлівы свет" Казімір Кавецкі.