Праваабарончы цэнтр «ВЯСНА»

Навіны за 5 лістапада 2010

05.11.2010 Участковыя камісіі: “Каэфіцыент дыскрымінацыі” апазіцыі не змяніўся

Вылучаным ва ўчастковыя камісіі прадстаўнікам апазіцыйных структур адмаўлялі ў пяць разоў часцей, чым прадстаўнікам лаяльных да ўлады арганізацый. “Каэфіцыент праходнасці” апазіцыі ў выбарчыя камісіі, альбо, як выказаўся А.Гулак, “каэфіцыент дыскрымінацыі”, у параўнанні з мінулымі выбарамі не змяніўся.

05.11.2010 Цэнтрвыбаркам пагадзіўся зняць абмежаванні ў працы назіральнікаў

5 лістапада адбылося паседжанне Цэнтральнай камісіі, дзе разглядалася прапанова праваабаронцаў аб унясенні паправак у пастанову ЦВК № 49 ад 15 верасня 2010 г. Беларускі Хельсінкскі камітэт прапанаваў адмяніць новаўвядзенні ў накіраванні назіральнікаў на ўчасткі і ў камісіі. Як паведаміў старшыня БХК Алег Гулак, які прысутнічаў на паседжанні, Цэнтрвыбаркам заслухаў яго аргументацыю па звароце і прыняў прапанову праваабаронцаў практычна без абмеркаванняў.

05.11.2010 Брагін: Участковыя камісіі быццам і не распускаліся з мінулых выбараў

Амаль у нязменным стане застаўся склад участковых выбарчых камісій ў Брагінскім раёне з мінулых выбараў у мясцовыя саветы, якія адбыліся ў красавіку 2010 года.

05.11.2010 Бабруйск: Старшыня гарвыканкама хоча разнастаіць выбары відовішчамі і шоў

“Неяк у нас прынята, што, скажам, флаеры раздаюць толькі фірмы на сваіх мерапрыемствах, а не аддзел моладзі і гаркам БРСМ. А чаму б і ў перадвыбарчай кампаніі не наладзіць нейкія відовішчныя акцыі, шоў для моладзі? Бо прайшлі тыя часы, калі абыходзіліся палітінфармацыяй, гармонікам і буфетам на выбарчым участку”, - цытуе словы старшыні гарвыканкама газета “Бабруйскае жыццё”.

05.11.2010 Барысаў: Назіраць за "працоўнымі момантамі" не дазваляецца

Назіральнік Алег Мацкевіч выпадкова ўбачыў, што сябры камісіі ў поўным складзе сядзелі ў памяшканні Барысаўскай ТВК і слухалі выступ сакратара. Але назіральнік на такое паседжанне дапушчаны не быў, паколькі сакратар камісіі назвала гэты сход "працоўным момантам".

05.11.2010 Жлобін: абскарджваецца неўключэнне ва ўчастковыя камісіі

6 скаргаў аб неўключэнні ва ўчастковыя выбарчыя камісіі пададзены ў суд Жлобінскага раёна. З 21 прадстаўніка, якія былі вылучаны незалежна ад улады, мясцовы райвыканкам уключыў у камісіі толькі чатырох.

05.11.2010 Баранавічы: Рашэнне аб утварэнні ўчастковых камісій абскарджваецца ў судзе

Віктар Сырыца лічыць рашэнне выканкаму ў адносінах да прадстаўнікоў арганізацыі дыскрымінацыйным, звязаным з прынцыповай і крытычнай пазіцыяй ТБМ і сяброў аб’яднання адносна дзеючай улады.

05.11.2010 Бабруйск: Апазіцыянера нават шукалі, каб паведаміць пра ўключэнне ў камісію

Бабруйскі сябра партыі “Справядлівы свет” Альберт Секяржыцкі даведаўся, што яго ўключылі ў склад участковай камісіі №89, якая знаходзіцца Ў Першамайскім раёне. Аднак у горадзе пакуль нідзе не з’явілася інфармацыя са спісамі сябраў сфармаваных участковых камісій.

05.11.2010 Міёры: Зборшчыцы подпісаў пагражалі па тэлефоне

Ірына Вальтэр расказала, што 4 лістапада ёй патэлефанаваў невядомы мужчына. Ён заявіў, што жанчыне трэба неадкладна забраць з раённай выбарчай камісіі лісты з подпісамі, здадзенымі ў падтрымку Віталя Рымашэўскага.

05.11.2010 На мяжы зноў асабістыя дагляды

У ноч з 4 на 5 лістапада на гарадзенскай мытні чыгуначнага вакзалу, падчас пашпартнага кантролю, апаратура памежнікаў зрэагавала на дакументы праваабаронцаў Віктара Сазонава і Уладзіміра Хільмановіча. Праваабаронцы звязваюць такую ўвагу да іх з боку памежных службаў з сваёй дзейнасцю падчас прэзідэнцкіх выбараў.

05.11.2010 Ад незалежнай газеты «УзГорак» утойваюць выбарчую інфармацыю

Рэдактару незалежнага выданьня не ўдалося даведацца, колькі подпісаў за кожнага з кандыдатаў у прэзідэнты сабралі іх ініцыятыўныя групы ў раёнах, дзе распаўсюджваецца «УзГорак».

05.11.2010 Мазыр: Праваабаронца просіць пракурора і ЦВК праверыць законнасць рашэння райвыканкама аб стварэнні “працоўнай групы”

Праваабаронца Уладзімір Целяпун лічыць, што “працоўная група”, створаная пры Мазырскім райвыканкаме, бярэ на сябе функцыі Цэнтральнай выбарчай і раённай камісій, і просіць міжрайпракурора Мазырскага раёна і ЦВК праверыць законнасць адпаведнага рашэння райвыканкама.

05.11.2010 Барысаў: 112 участкаў - за 12 хвілін

У Барысаўскім раёне створана найбольшая колькасць участковых выбарчых камісій у Мінскай вобласці. "Засталося таямніцай, ці ўвайшлі ў склад участковых камісій апазіцыянеры, - распавядае прадстаўнік прафсаюзу РЭП Марына Статкевіч. - Было толькі сказана, што з іх складам можна будзе азнаёміцца праз выканкамаўскую газету "Адзiнства"на працягу сямі дзён з моманту прыняцця рашэння".

05.11.2010 Светлагорск: Склад УВК не змяніўся з выбараў у мясцовыя саветы

Як высветлілася, ва ўчастковых камісіях па выбарах прэзідэнта працуюць тыя ж самыя людзі, што і на сёлетніх мясцовых выбарах. Пра гэта сведчыць аналіз 15 "наноў утвораных" камісій. І рашэнні выканкама аб утварэнні камісій - на мясцовых выбарах і цяперашніх прэзідэнцкіх - практычна ідэнтычныя.

05.11.2010 Жодзіна: Дадаткова будуць правярацца подпісы па вылучэнні Статкевіча, Кастусёва і Цярэшчанкі

4 лістапада адбылося паседжаньне Жодзінскай гарадской выбарчай камісіі па праверцы подпісаў, здадзеных ініцыятыўнымі групамі 9 прэтэндэнтаў. Нязначны працэнт несапраўдных подпісаў быў выяўлены практычна за кожнага з прэтэндэнтаў, акрамя А. Лукашэнкі, А.Саннікава, Я.Раманчука, В.Рымашэўскага.