Праваабарончы цэнтр «ВЯСНА»

Навіны за 10 лістапада 2010

10.11.2010 Віцебшчына: Па колькасці прызнаных подпісаў у лідэрах Лукашэнка, Някляеў і Статкевіч

Усе подпісы, сабраныя за Уладзіміра Правальскага, прызналі несапраўднымі. Найменшая колькасць подпісаў, прызнаных сапраўднымі, -- за вылучэнне Андрэя Саннікава.

10.11.2010 Талачын: Практычна ўсе подпісы прызнаныя сапраўднымі

Якіх-небудзь непрыемных нечаканасцяў для патэнцыйных кандыдатаў у прэзідэнты не здарылася. Практычна ўсе подпісы, якія падлягалі праверцы, прызнаныя сапраўднымі. Колькасць несапраўдных подпісаў не перавышае 10 ні ў аднаго з прэтэндэнтаў.

10.11.2010 Віцебск: Міліцыя праводзіць праверку па факце падробкі падпісных лістоў ініцыятыўнай групай Правальскага

Выбарчая камісія Першамайскага раёна Віцебска, куды былі здадзены больш за 100 тысяч подпісаў, накіравала падпісныя лісты на крыміналістычную экспертызу. Спецыялісты пацвердзілі, што гэта – ксеракопіі. І цяпер, паводле распараджэння пракуратуры, Першамайскі РАУС праводзіць праверку фактаў падробкі.

10.11.2010 Гродна: гарадскія суды “адфутболілі” скаргі партый БСДГ і БНФ

Прадказальна скончыўся разгляд скаргаў партый БСДГ і БНФ на неўключэнне іх прадстаўнікоў у склад участковых камісій у судах Ленінскага і Кастрычніцкага раёнаў г. Гродна.

10.11.2010 Віцебшчына: Спісы ўчастковых камісій з’явіліся не паўсюль

Паводле выбарчага заканадаўства, спісы ўчастковых камісій мусілі быць апублікаваныя не пазней як на 7-мы дзень пасля зацвярджэння. Якраз тыдзень мінуў з 3 лістапада – гэта быў апошні тэрмін фармавання ўчастковых камісій, але на афіцыйных сайтах Дубровенскага, Сенненскага, Талачынскага і Вушацкага райвыканкамаў належная інфармацыя так і не з’явілася.

10.11.2010 Полацк: Подпісы залічылі

У Полацку тэрытарыяльная выбарчая камісія прыняла рашэнне прыняць як сапраўдныя подпісы, здадзеныя сябрамі ініцыятыўных груп, якім былі выдадзены пасведчанні з памылкамі ў напісанні прозвішча ці імя.

10.11.2010 Віцебскі праваабаронца аспрэчвае склад участковай камісіі №35

Павел Левінаў у камісію не трапіў. Але ён перакананы, што туды не павінны былі ўключыць і Андрэя Маркоўскага, які не меў 10 належных па законе рэкамендацыйных подпісаў грамадзян. Двое з іх напісалі пісьмовыя заявы пра тое, што па подпісы ад А.Маркоўскага да іх не звярталіся. П.Левінаў накіраваў гэтыя дакументы ў ЦВК.

10.11.2010 Полацк: спіс месцаў для агітацыі пашыраны

Змяненні закранулі толькі пералік месцаў для правядзення мітынгаў і пікетаў з мэтай агітацыі. Упершыню ў гэты спіс патрапіла пляцоўка перад Домам гандлю – фактычна гандлёвы цэнтр горада, дзе і ў будні, і выходныя дні бывае мноства людзей.

10.11.2010 Дрыбінская раённая камісія звестак не выдае

Карэспандэнт абласной агульнапалітычнай газеты “Узгорак” Галіна Будная ўжо які дзень запар спрабуе атрымаць звесткі аб колькасці пададзеных подпісаў за прэтэндэнтаў на пасаду прэзідэнта, а таксама аб выніках праверкі подпісаў, але кожны раз натыкаецца на непрабіўную сцяну – ніхто ёй не дае ніякай інфармацыі.

10.11.2010 Слуцк: Раёнка пачала пісаць пра выбары

З пачатку выбарчай кампаніі раённая газета "Слуцкі край" упершыню размясціла на сваім сайце матэрыял перадвыбарнай тэматыкі.

10.11.2010 "Рух наперад" ліквідавалі хутка, каб зняць Някляева з прэзідэнцкай гонкі?

Апеляцыйныя калегія Мінскага гаспадарчага суда адхіліла скаргу на папярэдняе рашэнне ліквідаваць даследча-асветніцкую ўстанову "Рух наперад". Такое рашэнне калегія прыняла 10 лістапада.

10.11.2010 Слонім: Газета мясцовай улады ведае вынікі выбараў?

Друкаваны орган мясцовага райвыканкама газета “Слонімскі веснік” не напісала ніводнага радка пра тое, як ішоў збор подпісаў за вылучэнне кандыдатаў на пасаду Прэзідэнта Рэспублікі Беларусь. І раптам сёння, 10 лістапада, на першай старонцы “раёнкі” з’явіліся тры інфармацыі пад рубрыкай “Вабары-2010”.

10.11.2010 Мікалай Дзядок не губляе аптымізму

Сьледства па крымінальнай справе, узбуджанай па частцы 2 арт.339 КК у дачыненьні да студэнта паліталогіі ЕГУ Мікалая Дзядка працягнутае да 6 месяцаў. Сцверджаньні некаторых СМІ, якія называюць дату 3 сакавіка – толькі мяркуемы тэрмін завяршэньня следства. Акрамя таго тэрмін утрыманьня пад вартай Дзядка працягнуты да 5 месяцаў. Раней называўся тэрмін тры месяцы.

10.11.2010 Някляеў аднавіў актывіста “Гавары праўду!” у ВНУ

Актывіста кампаніі “Гавары праўду!” Ўладзіміра Кумца паабяцалі зноў зрабіць студэнтам 5-га курса Міжнароднага гуманітарнага эканамічнага ўніверсітэта. Пра гэта Еўрарадыё распавёў Уладзімір Някляеў, які сёння хадзіў да кіраўніка гэтай ВНУ.

10.11.2010 Шклоў: Да назіральніка завіталі міліцыянеры

Раніцай 9 лістапада ў кватэру да назіральніка пры Шклоўскай раённай камісіі па выбарах Прэзідэнта Рэспублікі Беларусь Міхаіла Кучарэнкі завіталі супрацоўнікі міліцыі. Яны спрабавалі высветліць, чаму летам гэтага года Міхаіл Кучарэнка і іншыя грамадскія актывісты са Шклоўскага раёна збіралі подпісы супраць перадачы мясцовых вадаёмаў у арэнду прыватным прадпрымальнікам.