Праваабарончы цэнтр «ВЯСНА»

Навіны за 8 лістапада 2010

08.11.2010 Віцебск: Кіраўніцтва тэрытарыяльнай камісіі дэлегавана на Усебеларускі сход

На паседжанні выбарчай камісіі прагучала віншаванне ў дачыненні да трох сябраў камісіі: старшыні, намесніка старшыні і сакратара, якія ў ліку 110 прадстаўнікоў Віцебскай вобласці выбраны дэлегатамі на 4-ы Усебеларускі сход.

08.11.2010 Бяроза: Найбольш несапраўдных подпісаў -- за Лукашэнку

У 6 прэтэндэнтаў у кандыдаты на прэзідэнтскую пасаду: Андрэя Саннікава, Віктара Цярэшчанкі, Віталя Рымашэўскага, Рыгора Кастусёва, Яраслава Раманчука і Алеся Міхалевіча, якія набралі няшмат подпісаў, не было выяўлена ніводнага несапраўднага подпісу.

08.11.2010 Жодзіна: Подпісы за Кастусёва і Статкевіча прызнаны несапраўднымі

Подпісы за Р.Кастусёва і М.Статкевіча цалкам прызнаныя несапраўднымі Жодзінскай гарадской камісіяй. Зусім не было выяўлена несапраўдных подпісаў у А.Саннікава і В.Рымашэўскага.

08.11.2010 За інтэрвью з патэнцыйным кандыдатам – у пастарунак

Сёння, 8 лістапада, каля 14.30 у Віцебску затрымалі журналіста Уладзіслава Стараверава, які браў інтэрвью ва Ўладзіміра Правальскага. У Чыгуначным РАУС хлопца дапыталі, адкуль у яго відэакамера, і навошта ён здымае размову з патэнцыйным кандыдатам.

08.11.2010 Подпісы за Правальскага ў Віцебску забракавалі

Уладзімер Правальскі гаворыць, што каментаваць сітуацыю пакуль ня можа – чакае афіцыйнага рашэння ЦВК. Прычым рашэння аргументаванага – калі яго не зарэгіструюць кандыдатам, У.Правальскі гатовы звярнуцца ў суд, каб аспрэчыць задакументаваныя аргументы Цэнтрвыбаркаму.

08.11.2010 Прэтэндэнты ў кандыдаты не панеслі сур'ёзных страт пасля праверкі падпісных лістоў у Аршанскіх камісіях

Адзіны казус меў месца быць з подпісамі ў падтрымку Змітра Уса. Гарадская камісія не далічылася больш за 600 подпісаў аршанцаў за яго кандыдатуру. Аднак пасля таго як па патрабаванню сябраў ініцыятыўнай групы З. Уса подпісы былі пералічаныя, камісія прызнала сваю памылку.

08.11.2010 Аршанскі суд адхіліў скаргі на фармаванне ўчастковых камісій

Прадстаўнікам партыі "Справядлівы свет" не ўдалося дабіцца адмены рашэнняў гарадскога і раённага выканкамаў аб фармаванні ўчастковых камісій.

08.11.2010 Глуск: Сябра БХК Ігар Кірын накіраваў скаргу ў ЦВК

Жыхар Глуска, сябра Беларускага Хельсінкскага камітэта Ігар Кірын скардзіцца ў Цэнтральную камісію з нагоды таго, што старшыня раённага выбаркама А.Бельскі адмаўляецца рэгістраваць яго назіральнікам пры гэтай камісіі.

08.11.2010 Мастоўскі раён: Прадстаўнік БСДГ спрабаваў узначаліць участковую камісію - безвынікова

На пачатку паседжання старшыня мясцовага сельсавету Ніна Воран зачытала артыкул 44 Выбарчага кодэксу пра паўнамоцтвы ўчастковай камісіі і адразу паведаміла, што паводле рэкамендацыі Мастоўскага райвыканкаму і Мастоўскага Савету дэпутатаў, а таксама асабіста яго старшыні Валерыя Табалы прапаноўваецца абраць старшынёй камісіі Віктара Чэрніка, дырэктара мясцовай сярэдняй школы.

08.11.2010 П.Сапелка: Нельга забываць пра справу Аўтуховіча-Асіпенкі

Адвакат Павел Сапелка лічыць, што вызваленне Асіпенкі надае аптымізму і адносна магчымасцяў датэрміновага вызвалення Мікалая Аўтуховіча.

08.11.2010 Гродна: Дэмакратычныя партыі абскарджваюць у судах неўключэнне сваіх прадстаўнікоў ва ўчастковыя камісіі

Гродзенскія партыйныя структуры падалі ў суды скаргі, у якіх аспрэчваюць рашэнні адміністрацый, паводле якіх іх прадстаўнікі не былі ўключаныя ў склад участковых выбарчых камісій.

08.11.2010 Уладзімір Асіпенка: У СІЗА ўмовы былі нашмат горшымі, чым у турме

Палітвязень Уладзімір Асіпенка 5 лістапада выйшаў на волю з калоніі «Воўчыя норы» ў Івацэвічах. Сёння былы вайсковец ужо ў Ваўкавыску.

08.11.2010 Карэспандэнту «Голоса России» ў Беларусі не працягнулі акрэдытацыі

Беларускі грамадзянін, сябра ГА «БАЖ» Яўген Агурцоў працуе карэспандэнтам радыёстанцыі «Голос России» ўжо больш як 7 гадоў. Увесь гэты час ён без праблем штогод працягваў акрэдытацыю. Сёлета тэрмін акрэдытацыі меў скончыцца 1 верасня, і маскоўская рэдакцыя загадзя выслала стандартны зварот у МЗС з просьбай працягнуць акрэдытацыю свайму карэспандэнту.

08.11.2010 Адказнасць за знявагу прэзідэнта ў Беларусі

Толькі ў Беларусі існуюць артыкулы Крымінальнага Кодэксу, якія прадугледжваюць адказнасць за паклёп або знявагу прэзідэнта ці чыноўнікаў.

08.11.2010 Барысаў: У складзе УВК - мінімальныя змены

У больш чым палове ўчастковых камісій (у 63 з 112) на 80-100% склад сябраў застаўся тым жа, што і на мясцовых выбарах. Толькі ў адной ўчастковай камісіі - у вёсцы Іканы Барысаўскага раёна - склад змяніўся цалкам.