Праваабарончы цэнтр «ВЯСНА»

У Шклоўскай калоніі № 17 уведзены ў эксплуатацыю яшчэ адзін будынак для ўтрымання асуджаных. Пра гэту падзею ў матэрыяле “Яркое событие для ИК-17» распавяла шклоўская раённая газета “Ударны фронт”. У газетным артыкуле пішацца, што “это событие войдёт в историю ИК-17 как наиболее яркое и долгожданное».

У папраўчай калоніі №5 у Івацэвічах адзін з вязняў N ня можа чытаць выпісаную на ягонае імя газету “Наша ніва”. Супрацоўнікі калоніі не перадаюць выданьне арыштанту, у бібліятэцы ня могуць дапамагчы, бо вязень ня мае на руках квітанцыі аб падпісцы.

Былы палітзьняволены Алесь Кіркевіч, памілаваны ўказам прэзідэнта 1 верасьня мінулага года, скардзіцца на суровую цэнзуру ў калёніі №15 у Магілёве. Тут адбывае пакараньне анархіст Мікалай Дзядок, з якім ён вядзе перапіску.

Салігорскія карыстальнікі паслугаў перадачы дадзеных аператара сотавай сувязі ТАА СП “БелСел” (гандлёвая марка DIALLOG™) заяўляюць пра незаконную блакіроўку правайдэрам незалежных сайтаў. Варта адзначыць, што фільтраванне інтэрнэт-сайтаў для фізічных асоб можа ажыццяўляцца выключна па асабістай просьбе самога карыстальніка.

Начальнік аддзела ідэалагічнай работы Зэльвенскага райвыканкама Юрый Кулікоў забараніў журналістам зэльвенскай раённай газеты “Праца” публікаваць матэрыял пра творчую сустрэчу настаўнікаў і вучняў зэльвенскіх школ з паэтам і публіцыстам Міхасём Скоблам. Такое на Зэльвешчыне здарылася ўпершыню.

Салігорскі грамадскі актывіст Мікалай Шаравар западозрыў Белпошту ў цэнзураванні лістоў дасылаемых у незалежную газету “Народная Воля”.

Усяго ў гэтым спісе значыцца 13 сайтаў і інтэрнэт-старонак выданняў, якія забараняецца адкрываць падчас працоўнага дня супрацоўнікам дзяржустановаў. Таксама дадзены пералік выданняў, якім “рэкамендавана” не даваць каментароў.