БАЖ патрабуе ад уладаў спыніць блакаванне сайтаў СМІ і ціск на прэсу
БАЖ патрабуе разблакаваць сайты, спыніць ціск на прэсу, забяспечыць выпуск выданняў, паведамляе прэс-служба ГА "Беларуская асацыяцыя журналістаў".
У пятніцу ўвечары стала вядома, што Міністэрства інфармацыі абмежавала доступ карыстальнікаў Беларусі да вялікага шэрагу сайтаў медыя і палітычных рухаў. Сярод самых вядомых "Радыё Свабода", тэлеканал "Белсат", "Еўрарадыё", газета «Салідарнасць», Udf.by, The Village, By.tribuna.com, Віцебскі кур'ер, Народныя навіны Віцебска, Masheka.by, сайт закрытага ўладамі праваабарончага цэнтра "Вясна", - гаворыцца ў заяве арганізацыі.
Таксама з 9 жніўня і па цяперашні час адсутнічае доступ да сайта ГА "Беларуская асацыяцыя журналістаў". Журналісцкай арганізацыі, члену міжнароднай і Еўрапейскай федэрацыі журналістаў.
У пятніцу пад падставай выхаду з ладу друкаванага станка дзяржаўнае прадпрыемства «Выдавецтва «Беларускі Дом друку» сарвала выпуск чарговых нумароў газет «Народная Воля» і «Камсамольская праўда ў Беларусі». У выпадку з "Камсамолкай" гэта ўжо трэці выпадак зрыву выхаду газеты.
ГА " Беларуская асацыяцыя журналістаў»:
- звязвае блакаванне інтэрнэт-рэсурсаў і зрыў выхаду друкаваных выданняў са спробай уладаў блакаваць інфармацыю аб поствыбарных пратэстах у краіне і жорсткім гвалце супраць іх удзельнікаў;
- лічыць такія дзеянні ўскоснай цэнзурай і перашкодай законнай дзейнасці медыя ў Беларусі;
- заяўляе, што ў выніку гэтых дзеянняў не толькі парушаюцца правы журналістаў і СМІ, але і абмяжоўваецца канстытуцыйнае права грамадзян краіны на атрыманне поўнай, дакладнай і своечасовай інфармацыі;
- патрабуе ад уладаў краіны неадкладна спыніць ціск на прэсу, забяспечыць бесперабойны выпуск друкаваных выданняў, разблакаваць доступ да заблакаваных сайтаў;
- заклікае беларускія і міжнародныя арганізацыі падтрымаць гэтую заяву.
ГА "Беларуская асацыяцыя журналістаў», 22 жніўня 2020 года
