Палітзняволеных "нашаніўцаў" Андрэя Скурко і Ягора Марціновіча асудзілі на 2,5 гады калоніі кожнага
15 сакавіка 2022 года ў судзе Заводзкага раёна Мінска вынесеныя прысуды галоўнаму рэдактару «Нашай нівы» Ягора Марціновіча і кіраўніку аддзелу маркетынгу і рэкламы Андрэю Скурко. Суддзя Анжэла Касцюкевіч прызнала іх вінаватымі паводле ч. 2 арт. 216 Крымінальнага кодэксу і прысудзіла кожнаму па 2,5 гады пазбаўлення волі ў калоніі агульнага рэжыму. Менавіта столькі прасіў прызначыць пракурор Мікалай Дзяцел.
Паводле версіі абвінавачвання, "Скурко і Марціновіч, з'яўляючыся службовымі асобамі выдавецкага прадпрыемства, а Марціновіч — яшчэ і ўласнікам прыватнага ўнітарнага прадпрыемства, з траўня 2017 года да чэрвеня 2021 года размясцілі ў кватэры, якая належыць Скурко, офісы гэтых арганізацый для ажыццяўлення прадпрымальніцкай дзейнасці". Пры гэтым яны працягвалі плаціць за камунальныя паслугі па тарыфах для фізічных асоб, а неабходна было плаціць па тарыфах для юрыдычных.
"Мінскводаканал" і "Мінскэнерга" не мелі прэтэнзій да абвінавачаных паводле грамадзянскага пазову, таму што яны цалкам кампенсавалі шкоду.
У апошнім слове нашанішўцы казалі пра сваіх сваякоў, для якіх зняволенне стала вялікім ударам, а таксама перадавалі словы падтрымкі тым, хто быў з імі разам.
Як сёння праходзяць суды над трыма палітзняволенымі журналістамі?
На дадзены момант за кратамі знаходзяцца 32 прадстаўнікі беларускіх медыя.
Пачаўся суд над палітзняволенымі рэдактарамі «Нашай Нівы» Ягорам Марціновічам і Андрэем Скурко
