Праваабарончы цэнтр «ВЯСНА»

Навіны за Кастрычнік 2017

16.10.2017 Новы тыдзень пачынаецца прадказальна - з судоў, арыштаў, штрафаў

У панядзелак суды разглядаюць адміністратыўныя справы "Моладзі БНФ", якія ўдзельнічалі ў раздачы стужачак з нацыянальным арнаментам у Мінску 25 верасня, а таксама ўдзельнікаў акцыі 1 верасня ў Слуцку, якая была прымеркаваная да Дня ведаў.

14.10.2017 У Мінску АМАП уварваўся на хардкор-канцэрт. Усіх прысутных затрымалі

У Мінску 14 кастрычніка прыблізна ў 18.10 у прастору «210 METROV» уварваліся супрацоўнікі АПАПу. У гэты момант у памяшканні праходзіў канцэрт "Minsk edge day 2017". Каля 50 чалавек, якія на той момант прысутнічалі на канцэрце, пасадзілі ў аўтобусы і павезлі ў бок РУУС Партызанскага раёну.

13.10.2017 У ІЧУ Магілёва парушаюць умовы ўтрымання сядзельцаў

Намеснік начальніка Упраўлення ўнутраных спраў Магілёўскага аблвыканкама УладзімірРыжанкоў паведаміў актывісту Станіславу Паўлінковічу, што праверка па ягонай скарзе выявіла недахопы ў працы ІЧУ.

13.10.2017 Наталлю Гарачка арыштавалі на 10 сутак за фота ў судзе

На Наталлю Гарачку аформілі пратакол па арт. 17.1 КаАП (дробнае хуліганства) і адвезлі ў суд Фрунзенскага раёна. Пастанова - арышт тэрмінам на 10 сутак.

13.10.2017 Маніторынг: Права на працу не дастаткова абаронена і няма ўмоў для яго рэалізацыі

Валанцёр ПЦ "Вясна" Васіль Коўтун праманіторыў вакансіі, размешчаныя на сайтах аб працаўладкаванні, і выявіў факты дыскрымінацыі асобных катэгорый грамадзян пры прыёме на працу.

13.10.2017 Барысаўскі праваабаронца падаў заяўку на пікет за адстаўку Міністра абароны

Праваабаронца з Барысава Алег Мацкевіч накіраваў у гарвыканкам заяўку на правядзенне 30 кастрычніка пікету на насупраць будынку Паўночна-заходняга аператыўнага камандавання. Нагодай стала трагічная гібель салдата ў Пячах.

13.10.2017 Затрыманы Максім Вінярскі, суд - сёння

У Мінску раніцай супрацоўнікі міліцыі знянацку затрымалі актывіста “Еўрапейскай Беларусі” Максіма Вінярскага.

13.10.2017 У Мінску пачынае працу юрыдычная прыёмная для замежнікаў

Праваабарончая арганізацыя Human Constanta адкрывае бясплатную юрыдычную прыёмную для кансультацый замежных грамадзянаў, у тым ліку мігрантаў, бежанцаў і асоб без грамадзянства.

12.10.2017 Паўла Севярынца забралі на суткі

Сустаршыню Беларускай хрысціянскай дэмакратыі Паўла Севярынца 11 кастрычніка забралі пад арышт на 15 сутак.

12.10.2017 Суд паверыў экспертам: канфіскаваная літаратура ў Баранавічах прызнаная экстрэмісцкай

Суд Баранавічскага раёна і г. Баранавічы 12 кастрычніка прызнаў канфіскаваныя падчас налёту на сустрэчу з былым расійскім палітвязнем Аляксеем Сутугай друкаваныя выданні матэрыяламі, якія ўтрымліваюць прыкметы экстрэмізма.

12.10.2017 Каму – Дзень вайсковай славы, а каму – звычайны бізнэс: вынікі акцыі 8 верасня

Праваабаронцы прааналізавалі вынікі разгляду адміністратыўных спраў у судах. Малюнак атрымаўся зусім не аптымістычны. 6 удзельнікаў атрымалі аррышты, 16 – буйныя штрафы

12.10.2017 Міліцыянт склаў пратакол на актывістку РЭП прама ў бальніцы

11 кастрычніка ў Бабруйску кіраўнік аддзелу аховы правапарадку падпалкоўнік Сяргей Рудзько прыйшоў у дзіцячае аддзяленьне гарадзкой інфэкцыйнай бальніцы, каб скласьці пратакол на актывістку прафсаюзу радыёэлектроннай прамысловасьці (РЭП) Галіну Лазараву, якая ляжыць там з малым дзіцём.