Праваабарончы цэнтр «ВЯСНА»

Навіны за 20 кастрычніка 2017

20.10.2017 "Адно зло без пакарання спараджае іншае". Вынікі першага дня паралельных мерапрыемстваў

Праваабаронцы падвялі вынікі першага дня паралельных мерапрыемстваў IV Беларускага праваабарончага форуму, які адбываецца 20 і 21 кастрычніка ў Вільні.

20.10.2017 Праблем шмат, але спыняцца нельга. Абмеркавалі выклікі для адукацыі ў сферы правоў чалавека

Падчас дыскусіі “Адукацыя ў сферы правоў чалавека: становішча, тэндэнцыі, выклікі” каардынатары беларускіх асветніцкіх праграм у галіне правоў чалавека абмяркоўвалі эфекты, якія маюць такія праграмы, праблемы і выклікі, з якімі часцей за ўсё прыходзіцца сутыкацца арганізатарам.

20.10.2017 Жанна Літвіна пра правы чалавека ў Беларусі: улада ішла на саступкі, але ціснула на журналістаў

На адкрыцці ІV Беларускага праваабарончага форуму прадстаўніца Беларускай асацыяцыі журналістаў Жанна Літвіна выказала на форуме прагноз, што ў хуткім часе беларуская ўлада не адмовіцца ад кантролю за ўсім грамадзтвам, піша Свабода.

20.10.2017 Журналістку «Белсату» Валерыю Уласік пакаралі штрафам 690 рублёў

Супраць яе распачалі справу за «незаконны выраб і распаўсюд прадукцыі медыяў». Справа вядзецца пра сюжэт пра пратэсты супраць ушчыльнення Ленінскага раёну, які выйшаў на нашым тэлеканале 24 жніўня.

20.10.2017 “Рэпрэсіі у Беларусі застаюцца нашай рэальнасцю”. У Вільні пачаў працу IV Беларускі праваабарончы форум

20 кастрычніка ў Вільні распачаўся IV Беларускі праваабарончы форум. Яго ўдзельнікі сабраліся, каб абмеркаваць актуальны парадак дня, вызначыць прыярытэты для далейшай працы па паляпшэнні сітуацыі з правамі чалавека і развіцці праваабарончага сектару і краіны.

20.10.2017 У Мінск запрасілі дакладчыка ПАСЕ для абмеркавання праблемы смяротнага пакарання

Дакладчык Парламенцкай асамблеі Савета Еўропы (ПАСЕ) па сітуацыі ў Беларусі Андрэа Рыгоні запрошаны наведаць Менск у лістападзе.

20.10.2017 Смаргонь: праваабаронца праз зварот у КПЧ ААН дамагаецца адмены Дэкрэта №3

Смаргонскі праваабаронца Алесь Дзергачоў звярнуўся ў Камітэт ААН па правах чалавека з паведамленнем, у якім просіць праверыць адпаведнасць Дэкрэта №3 «Аб папярэджанні сацыяльнага ўтрыманства» Міжнароднаму Пакту аб грамадзянскіх і палітычных правах.

20.10.2017 Гомель: За салідарнасць з незалежнай журналісткай садзяць на "суткі"

У Чыгуначным судзе Гомеля 19 кастрычніка адбыліся ажно чатыры адміністрацыйныя суды — за ініцыятыву салідарнасці гамельчукоў з незалежнай журналісткай-фрылансэркай Ларысай Шчыраковай, якую пры канцы верасня судзілі ў Гомельскім раённым судзе за супрацоўніцтва з тэлеканалам «Белсат».