Суд прызнаў салігорскага актывіста мацяршчыннікам, але не парушальнікам закону

2015 2015-02-14T17:16:01+0300 2015-02-14T17:16:01+0300 be http://spring96.org/files/images/sources/lemesh1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Лемеш.

Уладзімір Лемеш.

Мясцовым праваабаронцам сталі вядомыя новыя падрабязнасці па справе актывіста “Еўрапейскай Беларусі” Уладзіміра Лемеша. Раней суд Салігорскага раёна прызнаў яго вінаватым у парушэнні артыкула 17.1 КаАП ды аштрафаваў на дзве базавыя велічыні, але падчас паўторнага разгляду справы ў студзені справа была спынена “за недаказанасцю вінаватасці”.

Па словах салігорскага прадстаўніка БХК Леаніда Мархоткі, у апошняй судовай пастанове казалася пра невінаватасць актывіста, але не было зразумела, на падставе якіх менавіта аргументаў суд Салігорскага раёна ўпершыню ў гісторыі наважыўся апраўдаць апазіцыйнага актывіста.

- Праз вучобу за мяжой Уладзімір толькі цяпер змог атрымаць матывіровачную частку да пастановы. Выявілася, што ацэньваючы паказанні сведкаў-міліцыянтаў, суддзя Пракаповіч усё ж палічыў факт нецэнзурнай лаянкі з боку моладзевага актывіста ў грамадскім месцы ўстаноўленым, - кажа праваабаронца. - Разам з тым, з матывіровачнай часткі вынікае, што доказаў нецэнзурнай лаянкі з боку Уладзіміра Лемеша менавіта з хуліганскіх памкненняў прадстаўлена не было.

“З тлумачэнняў міліцыянтаў Жыгімонта і Лахвіча выкнікае, што матыў дзеянняў Лемеша імі не высвятляўся, іншых доказаў, якія б з пэўнасцю ўказвалі, што дзеянні Лемеша былі скіраваныя на праяву непавагі да грамадства, выказванне зняважлівых адносін да навакольных не маецца,” - гаворыцца ў рашэнні суда.

Сам Уладзімір Лемеш катэгарычна адхіляе факт лаянкі са свайго боку, але вітае рашэнне суда аб прызнанні яго невінаватасці і спыненні справы. Цяпр моладзевы актывіст намераны вярнуць грошы за ўжо сплачаны ім штраф і атрымаць кампенсацыю за незаконнае ўтрыманне ў ізалятары.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international