Праваабарончы цэнтр «ВЯСНА»

Навіны за Студзень 2017

15.01.2017 “Каб законы выконваліся, а правы шанаваліся”. Алесь Бяляцкі заклікаў да новага непалітычнага аб’яднання

На вечарыне памяці Вацлава Гавела ў Мінску 14 студзеня праваабаронца нагадаў пра асноўныя задачы ўдзельнікаў “Хартыі 77” і заклікаў “светлыя галовы” Беларусі да аб’яднання ў аналагічны рух.

13.01.2017 Суд Ленінскага раёну Гародні апраўдаў Сяргея Верамеенку

Cправа расцягнулася ажно на тры судовыя паседжанні, урэшце суддзя Наталля Козел апраўдала Верамеенку, не знайшоўшы ў яго дзеяннях складу адміністрацыйнага правапарушэння.

13.01.2017 Нuman Rights Watch аб сітуацыі з правамі чалавека ў Беларусі: станоўчая рыторыка не падмацоўвалася рэальным паляпшэннем

Міжнародная праваабарончая арганізацыя «Нuman rights watch" апублікавала штогадовы Сусветны даклад аб сітуацыі з правамі чалавека за 2016 год. Частка дакладу прысвечаная парушэнням правоў чалавека ў Беларусі.

13.01.2017 Пракуратура ўзбудзіла крымінальную справу па факце збіцця Дзмітрыя Серады

Урач-педыятр Дмітрый Серада атрымаў пастанову аб узбуджэнні пракуратурай горада Мінска крымінальнай справы ў адносінах да супрацоўніка ўпраўлення ўнутранных спраў па ч.1 арт. 426 Крымінальнага кодэкса.

13.01.2017 Скарга журналісткі Ларысы Шчыраковай зарэгістравана ў ААН

Індывідуальная скарга журналісткі-фрылансера Ларысы Шчыраковай аб парушэнні права на атрыманне і распаўсюд інфармацыі зарэгістравана ў Камітэце ААН па правах чалавека

13.01.2017 Судовае пасяджэнне па касацыйнай скарзе актывіста з Кобрына

12 снежня ў Брэсцкім абласным судзе адбылося судовае пасяджэнне па касацыйнай скарзе грамадскага актывіста з Кобрына Аляксандра Меха.

12.01.2017 Андрэю Бандарэнку прад’яўлена канчатковае абвінавачванне па артыкуле 411 КК

Як стала вядома праваабаронцам “Вясны”, 11 студзеня Андрэю Бандарэнка было прад’яўлена канчатковае абвінавачванне па ч.2 арт 411 УК – “Злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі, здзейсненае асобай, асуджанай за цяжкае або асабліва цяжкае злачынства”. Яму пагражае пазбаўленне волі на тэрмін да двух гадоў.

12.01.2017 Міхаіла Жамчужнага аднеслі да асобаў, схільных да экстрэмізму і іншай дэструктыўнай дзейнасці

Як паведамляюць naviny.by, 12 студзеня на пасяджэнні пад старшынствам Анатоля Карповіча судовая калегія па грамадзянскіх справах Мінскага абласнога суда разгледзела касацыйную скаргу праваабаронцы Міхаіла Жамчужнага на неправамернае, з яго пункту гледжання, спагнанне з боку адміністрацыі калоніі і пастанавіла суду Барысаўскага раёна дадаткова апытаць Жамчужнага і сведак абставінаў.

12.01.2017 Маладафронтаўцы каментуюць дзеянні міліцыі пры сваім затрыманні ў Навагоднюю ноч

Актывісты “Маладога фронту” Павел Пракаповіч і Арцём Леўчанка каментуюць сваё жорсткае затрыманне супрацоўнікамі міліцыі ў Навагоднюю ноч на праспекце Незалежнасці ў Мінску.

12.01.2017 Справа Барбашынскага: ці знойдуць следчыя вінаватых у ягонай смерці?

Маці памёрлага ў Жодзінскай турме Ігара Барбашынскага жыхарка Слуцка Галіна Шаравар 11 студзеня была запрошана ў упраўленне Следчага камітэту па Мінскай вобласці, куды з Жодзінскага СК перадалі крымінальную справу па факце смерці ў турэмнай лякарні яе сына.

12.01.2017 Давераная асоба кандыдата ў дэпутаты звярнуўся ў Брэсцкі абласны суд

11 студзеня 2017 года Рыгор Грык, давераная асоба кандыдата ў дэпутаты Палаты Прадстаўнікоў Нацыянальнага Сходу РБ Міколы Чарнавуса, падаў другую скаргу ў Брэсцкі абласны суд. Пра гэта паведамляе “Берасцейская Вясна”.

11.01.2017 Навагодняе затрыманне ў Мінску

11 студзеня на onliner.by з’явілася инфармацыя і фота пра затрыманне двух юнакоў на праспекце Незалежнасці ў навагоднюю ноч, 31 снежня. Па каментар карэспандэнт інфармацыйнага парталу звярнуўся ў ГУУС Мінгарвыканкама. Там не адмаўляюць, што на фота трапіў момант затрымання.

10.01.2017 Беларускія актывісты пераймаюць досвед развіцця акадэмічных свабодаў ва Украіне

Актывісты беларускіх праваабарончых арганізацыяў і студэнцкіх ініцыятываў азнаёміліся з практыкай украінскіх калегаў па рэфармаванні галіны вышэйшай адукацыі, развіцці самакіравання і акадэмічных свабодаў.

10.01.2017 Павел Пракаповіч аштрафаваны на 1150 рублёў за акцыю ў падтрымку Белсата

Суддзя суда Ленінскага раёна Мінска Святлана Мятлянок прысудзіла каардынатару БХД па Мінскай вобласці Паўлу Пракаповічу выплаціць штраф у памеры 50 базавых велічынь (1150 рублёў) за ўдзел у акцыі “Выключыць НТВ, уключыць Белсат” 20 снежня.

10.01.2017 Праваабарончая праграма “Вясна” на Беларускім Радыё Рацыя

Кіраўнік Незалежнага прафсаюзу радыёэлектроннай прамысловасці Генадзь Фядыніч распавядае пра адно з найбольш вострых пытанняў, якое з новай сілай ўстала перад праваабаронцамі і прафсаюзнымі актывістамі ў мінулым годзе, - пра прымусовую працу.