Праваабарончы цэнтр «ВЯСНА»

Навіны за Чэрвень 2013

24.06.2013 У Шклоўскім раёне значна вырас узровень эканамічнай злачыннасці

Па лініі барацьбы з эканамічнымі злачынствамі за пяць месяцаў 2013 года зарэгістравана 63 злачынства, з якіх 40 фактаў хабарніцтва, 7 крадзяжоў шляхам злоўжывання службовым становішчам, 15 фактаў службовай падробкі і 1 фальшываманецтва, якое да гэтага часу застаецца нераскрытым.

24.06.2013 Салігорск: Грамадскія актывісты далучыліся да інфакампаніі салідарнасці "Тыдзень палітвязня" (фота)

Грамадскія актывісты беларускай сталіцы шахцёраў далучыліся да інфармацыйнай кампаніі салідарнасці з палітычнымі зняволенымі “Тыдзень палітвязня”. У межах кампаніі прадстаўнікі розных арганізацый і партый з Салігорску даслалі паштоўкі ды лісты беларускім палітвязням.

24.06.2013 Працаўнікі Круглянскага ільнозавода “выбіваюць” заробкі праз суд

Працаўнікі Круглянскага ільнозавода 20 чэрвеня падалі пазоў у суд Круглянскага раёна з патрабаваннем да адміністрацыі прадпрыемства выплаціць заробкі за красавік і травень, а таксама грошы на адпускныя.

21.06.2013 Жыхар Гомеля 4 гады змагаецца за аднаўленне на працы

За гэты час справа Аляксандра Транкунова ператварылася ў 11 тамоў разбіральніцтва, дзевяць разоў ён звяртаўся ў позвамі ў суд.

21.06.2013 У Магілёве арыштаваны намеснік старшыні суда Кастрычніцкага раёна

Учора, 20 чэрвеня, супрацоўнікі міліцыі затрымалі проста на працоўным месцы суддзю Магамеда Умарава. З апранутымі на рукі кайданкамі яго вывелі з будынку суда. Пра гэта паведамілі відавочцы затрымання. Падрабязнасці затрымання, а таксама афіцыйная прычына затрымання пакуль невядомыя.

21.06.2013 Лукашэнка лічыць расейскую мову роднай для беларусаў

Кіраўнік Беларусі Аляксандар Лукашэнка зноў заявіў пра тое, што «для беларуса руская мова не чужая, а родная».

21.06.2013 Пададзена скарга на забарону Мілавідскага фэсту

Актывіст грамадзянскай кампаніі “Гавары праўду” Вячаслаў Болбат 20 чэрвеня падаў скаргу ў суд Баранавіцкага раёна і г. Баранавічы на дзеянні райвыканкама, які, на думку грамадскага актывіста, двойчы незаконна забараніў адукацыйна-культурніцкае мерапрыемства “Мілавідскі фэст – памяці касінераў 1863 года”.

21.06.2013 Ханэс Свобада: Вызваленьне палітвязьняў ня можа быць прадметам дыскусіяў

Старшыня фракцыі сацыял-дэмакратаў у Эўрапарлямэнце, дэпутат з Аўстрыі Ханэс Свобада кажа, што пытаньне пра вызваленьне палітвязьняў зь беларускіх турмаў настолькі зразумелае, што яно ня можа быць прадметам нейкіх дыскусіяў ці дамоваў.

21.06.2013 Крычаўскія міліцыянеры жорстка збілі чалавека: заведзена крымінальная справа

Шэраг супрацоўнікаў Крычаўскага РАУС падазраюцца ў перавышэнні ўлады.

21.06.2013 Абследаванне: большасць беларускіх дзяцей выхоўваюцца з прымяненнем насільных метадаў

Паводле звестак абследавання хатніх гаспадарак, большасць беларускіх дзяцей выхоўваюцца з прымяненнем насільных метадаў.

21.06.2013 Дыскрымінацыя беларускамоўных у Салігорску

Пра сітуацыю з правамі беларускамоўных у Салігорскім рэгіёне распавядае старшыня Салігорскай гарадской арганізацыі ТБМ Мікалай Шаравар: "Думаю, наш рэгіён не надта розніцца ад іншых у нашай краіне. Беларускамоўны грамадзянін несумненна знаходзіцца ў дыскрымінаваным стане".

21.06.2013 Па справе аб збіцці затрыманага ў Крычаўскім РАУС праходзяць тры супрацоўнікі міліцыі

Згодна інфармацыі журналістаў “Вольнага горада”, у бліжэйшы час будзе адхілены ад пасады начальнік Крычаўскага РАУС Вадзім Кавалёў. На яго месца плануюць прызначыць падпалкоўніка міліцыі Сяргея Далжанкова, які зараз працуе першым намеснікам начальніка Чэрыкаўскага РАУС.

20.06.2013 Рок за правы чалавека: Уладзімір Пугач – супраць смяротнага пакарання ў Беларусі

Госць выпуска праваабарончага падкаста – Уладзімір Пугач, лідэр гурта J:Морс. Музыка завітаў да праваабаронцаў, каб у нязмушанай атмасферы проста пагаварыць пра важнае. І гэтым візітам ён засведчыў сваю глыбокую перакананасць у тым, што смяротнай кары няма месца ў сучасным грамадстве.

20.06.2013 У Беларусі новая “палітычная” крымінальная справа па артыкуле 193.1

У Шчучынскім раёне распачатая крымінальная справа паводле артыкулу 193.1 Крымінальнага кодэксу – дзейнасць ад імя незарэгістраванай арганізацыі.

20.06.2013 Дэпутатаў запрашаюць пагутарыць пра сьмяротнае пакараньне

На пасяджэньні камітэту па палітычных пытаньнях і дэмакратыі Парлямэнцкай асамблеі Рады Эўропы, якое пройдзе 27 чэрвеня, будзе абмеркавана сытуацыя ў Беларусі. На ім выступіць дакладчык па Беларусі Андрэс Хэркель (Эстонія).