Праваабарончы цэнтр «ВЯСНА»

Навіны за 6 чэрвеня 2013

06.06.2013 Ці працягнуць мандат спэцдакладчыку ААН па Беларусі?

6 чэрвеня ў Жэнэве павінна было адбыцца галасаваньне краін, якія ўваходзяць у Раду ААН па правах чалавека, па пытаньні працягненьня альбо спыненьня мандату спэцдакладчыка Арганізацыі Аб'яднаных Нацыяў Міклаша Харасьці аб сытуацыі з правамі чалавека ў Беларусі. Аднак учора ўвечары было вырашана перанесьці галасаваньне на тыдзень – на 13 чэрвеня.

06.06.2013 Лукашэнка зрабіў кадравыя перастаноўкі ў судзейскім корпусе

Як паведамляе прэс-служба кіраўніка дзяржавы, суддзямі Вярхоўнага суда з наступным узгадненнем гэтых прызначэнняў з Саветам Рэспублікі Нацыянальнага сходу прызначаны Аляксандр Паўтаў і Уладзімір Пуціла. Яны вызвалены ад ранейшых пасадаў адпаведна намесніка старшыні і суддзі Беларускага ваеннага суда і старшыні і суддзі Мінскага гарадскога суда.

06.06.2013 У Лондане - флэшмоб супраць смяротнага пакарання

6 чэрвеня з 8-й раніцы беларусы Лондана ладзяць флэшмоб супраць смяротнай кары. Яны нагадваюць пра тое, што ў Беларусі цела расстралянага паводле судовага прысуду не выдаецца сваякам і хаваецца ў невядомым месцы.

06.06.2013 Студэнты пратэстуюць: сцэну для ўніверсітэта культуры не могуць дабудаваць ужо 6 гадоў

Так склалася, што Беларускі дзяржаўны ўніверсітэт культуры і мастацтваў ад часоў свайго заснавання не мае ніводнай уласнай сцэны, дзе студэнты, якія ў тым ліку рыхтуюцца і да працы ў тэатры, маглі б паказаць сваё майстэрства ці проста парэпетаваць. Cтудэнтка Факультэта традыцыйнай беларускай культуры і сучаснага мастацтва БДУКМ наважылася выправіць сітуацыю і звярнулася па публічную падтрымку да ўсіх неабыякавых. І ўжо дамаглася пэўнага поспеху.

06.06.2013 Бялынічы: за адстойванне інтарэсаў шматдзетных сем’яў абазвалі “пятай калонай”

Па словах старшыні бялыніцкага ЖБК “Дванаццаць” для шматдзетных сем’яў Пятра Шымбалёва, прадстаўніком “пятай калоны” абазваў яго падчас асабістай сустрэчы ў Бялыніцкім райвыканкаме намеснік старшыні райвыканкама Андрэй Ерашэнка.

06.06.2013 Крычаўскую незалежную газету вінавацяць у распаўсюдзе недакладных звестак

5 чэрвеня ў судзе Крычаўскага раёна пачаўся разгляд адміністрацыйнай справы па пазову “Аб абароне дзелавой рэпутацыі” супраць незалежнай газеты “Вольны горад”. Падставай для пазову ў суд стаў невялікі артыкул “Прыгонныя” , у якім адміністрацыя ПМК № 280 убачыла мэту “дыскрэдытаваць кіруючае звяно “Чэрыкаўскага ПМК-280” і раённую вертыкаль улады”.

06.06.2013 Актывіста "Гавары праўду!" раптоўна забіраюць у войска

Вядома, што час прызыву ва ўзброеныя сілы Рэспублікі Беларусь скончаны. Аднак Арцёма Свіршчыка прызываюць пазапланава. Тыдзень таму ён адмовіўся ад супрацоўніцтва з КДБ.

06.06.2013 Брэст: ад “нічыйнай” дарогі гарадскім уладам адмахнуцца не ўдалося

З другой спробы жыхары брэсцкага мікрараёна Паўдневы, што сабралі больш за 1100 подпісаў з патрабаваннем рамонту і добраўпарадкавання дарог у месцы свайго пражывання, дамагліся ад уладаў выканання неабходных работ.

06.06.2013 Журналісты каментуюць гучныя заявы высокіх чыноўнікаў перад Дуньяй Міятавіч

“Я атрымала ад афіцыйнага Мінска наўпроставыя знакі таго, што беларускія ўлады гатовыя на лібералізацыю ў сферы СМІ. Гэта мне абяцалі ўсе афіцыйныя асобы, з якімі я мела сустрэчы”, - заявіла падчас брыфінгу па выніках візіту ў Мінск прадстаўніца АБСЕ ў пытаннях свабоды СМІ Дунья Міятавіч.

06.06.2013 Пяць сутак арышту за ўлёткі супраць прызыўнога рабства

4 чэрвеня позна ўвечары, падчас правядзення кампаніі супраць прызыўнога рабства быў затрыманы член аргкамітэта па стварэнні Нацыянал-бальшавіцкай партыі Зміцер Паліенка. Пасля затрымання ён быў дастаўлены ў РАУС Маскоўскага раёна, дзе быў падвергнуты зьбіцьцю з боку супрацоўнікаў праваахоўных органаў.

06.06.2013 Рагачоў: Дзянісу Дашкевічу не вяртаюць пнеўматычны пісталет, канфіскаваны КДБ

Грамадскаму актывісту, каардынатару аргкамітэта па стварэнні партыі БХД (Рагачоў) Дзянісу Дашкевічу ўжо амаль два з паловай гады не вяртаюць пнеўматычны пісталет, канфіскаваны супрацоўнікамі рагачоўскага КДБ падчас апошняй прэзідэнцкай кампаніі.

06.06.2013 Cемінар для студэнтаў-юрыстаў і ўсіх зацікаўленых абаронай правоў студэнтаў

Якія правы ёсць у студэнтаў і якія парушаюцца часцей за ўсё? Як абараняць іх паспяхова? На семінары мы пазнаёмімся з лепшымі практыкамі і эфектыўнымі механізмамі абароны правоў студэнта, а таксама кейсамі з юрыдычнай кансультацыі «Студэнцкай Рады». Прыходзьце на семінар 15 чэрвеня! Дэдлайн 13 чэрвеня.

06.06.2013 Новы ўказ Лукашэнкі: на правядзеньне канцэртаў неабходны дазвол ідэолягаў

Аляксандар Лукашэнка падпісаў указ N257, у адпаведнасьці зь якім у краіне ўводзіцца неабходнасьць атрыманьня дазволу ідэолягаў на правядзеньне культурна-відовішчных мерапрыемстваў.