Праваабарончы цэнтр «ВЯСНА»

Навіны за 26 красавіка 2012

26.04.2012 Затрыманні ў Менску (дапаўняецца)

Па інфармацыі праваабаронцаў, у Савецкім РУУСе Менска - каля 30-ці затрыманых, сярод іх маладафронтаўцы Міхась Мускі і Раман Васільеў. З Цэнтральнага РУУСа выпусцілі затрыманых каля «Макдональдса» паблізу пл. Бангалор - 8 хлопцаў-расейцаў і 2 дзяўчат-беларусак. Мікола Дземідзенка пасля затрымання таксама дастаўлены ў Савецкі РУУС.

26.04.2012 Алег Алкаеў: Я супраць смяротнага пакарання (відэа)

У Менску, недзе ў сутарэньнях сьледчага ізалятару на вуліцы Валадарскага, у былым Пішчалаўскім замку, ёсьць камэра, у якой ужо больш за сто гадоў выконваюць сьмяротныя прысуды. Калісьці такія прысуды абвяшчалі імем расейскага імпэратара, потым — імем савецкай улады. Якія апошнія словы чуе ў сваім жыцьці прысуджаны да сьмерці ў сучаснай Беларусі? Што адчувае беларускі сьмяротнік у апошнія хвіліны свайго жыцьця?

26.04.2012 Астравец. Ператрус у кватэрах актывістаў АГП

У Івана Крука канфіскавалі 283 экзэмпляры газэты «Голос разума». Ператрус прайшоў і ў доме Міколы Ўласевіча ў вёсцы Варняны Астравецкага раёну, але гаспадара дома не было.

26.04.2012 Вярхоўны камісар ААН па правах чалавека занепакоена абмежаваннем свабоды беларускіх НДА

Вярхоўны камісар ААН па правах чалавека Наві Пілэй выказала 25 красавіка ў Жэневе сур'ёзную занепакоенасць мерамі па абмежаванні свабоды няўрадавых арганізацый (НДА) у шэрагу краін, у тым ліку ў Беларусі.

26.04.2012 Чарнобыльскі Шлях-2012 (+відэа)

26 красавіка ў Менску прайшло штогадовае шэсце і мітынг, прымеркаваныя да 26-ай гадавіны аварыі на ЧАЭС. Паводле ранейшых заяваў арганізатараў, асноўныя патрабаванні мітынгоўцаў будуць датычыць адмены будаўніцтва Астравецкай АЭС і вызвалення палітвязняў.

26.04.2012 Затрыманага ў Менску Ігара Сімбірова асудзілі на 10 сутак арышту

Суддзя Наталля Пратасавіцкая асудзіла Ігара Сімбірова да 10 сутак арышту. Інтарэсы абвінавачанага прадстаўляў дзяжурны адвакат. Разгляд адміністратыўнай справы доўжыўся каля 10 хвілін.

26.04.2012 Паўла Вінаградава асудзілі на 5 сутак арышту

Былога палітвязня Паўла Вінаградава,затрыманага ўчора ў памяшканні крымінальна-выканаўчай інспекцыі Маскоўскага раёну Менска, суд Савецкага раёну Менска асудзіў а 5 сутак арышту па абвінавачанні ў дробным хуліганстве (арт. 17.1 КаАП РБ).

26.04.2012 Наста Шулейка выйдзе на волю 30 красавіка

Разгляд справы Насты Шулейкі адбыўся ў суботу 21 красавіка ў судзе Маскоўскага раёну Менску. Суддзя Тацяна Мотыль прысудзіла ёй 10 сутак арышту. Такім чынам, на волю актывістка выйдзе ў панядзелак 30 красавіка ў 17:30.

26.04.2012 Мітынг на 1 мая забаронены

Мінгарвыканкам адмовіў прадстаўнікам апазіцыі ў правядзенні мітынгу 1 мая. Пра гэта паведаміў адзін з заяўнікаў акцыі намеснік старшыні Беларускай партыі левых «Справядлівы свет» Валерый Ухналёў.

26.04.2012 Абследаванняў не праводзіцца: з Сяргеем Каваленкам сустрэліся сваякі

З віцебскім апазіцыянерам Сяргеем Каваленкам у Рэспубліканскім навукова-практычным цэнтры псіхічнага здароўя ў Навінках сустрэліся яго сваякі. Пра гэта БелаПАН паведаміла яго жонка Алена Каваленка.

26.04.2012 У Брэсце Марата Несцярэнку і Аляксандра Ахмача затрымалі амаль на тры гадзіны (абноўлена)

Мясцовыя грамадскія актывісты праводзілі ў горадзе інфармацыйную акцыю, падчас якой распаўсюджвалі ўлёткі з нагоды гадавіны аварыі на Чарнобыльскай АЭС і плануемага будаўніцтва ў Беларусі атамнай электрастанцыі. Улёткі накіруюць на экспертызу, пасля чаго будзе вырашана, ці ёсць у дзеяннях Ахмача і Несцярэнкі адміністратыўнае прававапарушэнне.

26.04.2012 Аршанскі суд не прызнае парушэнняў

Як ужо паведамляў ПЦ "Вясна", падчас працэсу над палітыкамі С.Калякіным, А. Лябедзькам, А. Атрошчанкавым, які праходзіў у канцы сакавіка ў Аршанскім гарадскім судзе, былі дапушчаныя шматлікія працэсуальныя парушэнні.

26.04.2012 Атрымаць копіі дакументаў з гарвыканкама ўдалося толькі праз суд

26 красавіка прадстаўніца гарвыканкаму ў суддзе пагадзілася прадаставіць копіі двух раней непрадастаўленых дакументаў, аднак адмовілася іх заверыць. Суддзя адмовілася вынесці прыватнае вызначэнне на адрас гарвыканкаму, сказаўшы, што гэта права, а не абавязак суда.

26.04.2012 “Вясна” адзначае 16-ю гадавіну дзейнасці

16 год таму, пасля брутальных затрыманняў падчас “Чарнобыльскага Шляху”, пачыналася праца групы людзей, якая занялася зборам і распаўсюдам інфармацыі пра затрыманых, а таксама спрабавала аказаць ім матэрыяльную дапамогу. Так узнікла праваабарончая арганізацыя “Вясна-96”, цэнтральным накірункам працы якой стала дапамога ахвярам палітычных рэпрэсій і інфармаванне грамадскасці пра гэтыя рэпрэсіі.

26.04.2012 Брэсцкі абласны суд ацэніць законнасць дзеянняў суддзі

Баранавіцкі прадпрымальнік Мікалай Чарнавус атрымаў судовую позву, у якой паведамляецца, што Брэсцкі абласны суд 15 мая разгледзіць яго скаргу на суддзю Баранавіцкага гарадскога суда Т.Ю.Жукаву, якая адмовілася разглядаць ягоную скаргу.