Праваабарончы цэнтр «ВЯСНА»

Навіны за 10 лістапада 2011

10.11.2011 Аляксандр Крутой знаходзіцца ў жодзінскай турме

З моманту затрымання 20 верасня Аляксандр Крутой, які прадстаўляў у судзе па справе аб тэракце ў мінскім метро інтарэсы сваёй пацярпелай дачкі Інэсы, не змог атрымаць ад сваякоў ніводнага ліста. Яны да яго не даходзяць, паведаміла Інэса Крутая.

10.11.2011 Жыхары Слоніма выказваюць гатоўнасць выплаціць штраф Івану Бедку

Слонімец-пенсінер Канстанцін Папко сказаў, што ён гатовы хоць сёння даць з пенсіі тысяч 30, каб “пагасіць” штраф, бо Іван Бедка “адстойваў не толькі свае інтарэсы, але і ўсіх нас, беларусаў” . Пенсіянер заклікаў далучыцца да яго прапановы іншым слонімцам.

10.11.2011 Гомельская зняволеная паскардзілася ў суд на ўмовы ўтрымання ў СІЗА

Суд Цэнтральнага раёна Гомеля 9 лістапада не задаволіў іск зняволенай жыхаркі Гомеля Галіны Працко, якая патрабавала спагнаць кампенсацыю за маральную і фізічную шкоду з гомельскага следчага ізалятара (СІЗА-3). У заяве ў суд яна сцвярджала, што падчас зняволення набыла некалькі хвароб.

10.11.2011 Суд па справе спагнаньня падаткаў з Валянціна Стэфановіча будзе перанесены

15 лістапада ў судзе Партызанскага раёна Менска павінен быў распачацца працэс па справе аб спагнаньні падаткаў з праваабаронцы Валянціна Стэфановіча. Аднак па сямейных абставінах Стэфановіч не зможа патрапіць на працэс. Заяву аб пераносе даты судовага разгляду праваабаронца накіраваў у Партызанскі суд, які вырашыць, на які дзень прызначыць разгляд зыску падатковай інспекцыі Партызанскага раёна.

10.11.2011 На суд па справе Бяляцкага доўга не змаглі патрапіць палітыкі і праваабаронцы

З-за прэцэндэнтных мер бяспекі на судзе па справе Алеся Бяляцкага праверка жадаючых патрапіць на суд, у тым ліку і на металадэтэктарах, зацягнулася. На працэс не змаглі патрапіць праваабаронцы і палітыкі, сярод якіх Вінцук Вячорка, Павел Левінаў з Віцебску, Зміцер Салаўёў, Валерый Кавалеўскі і іншыя.

10.11.2011 На Акрэсціна Юрыя Карэтнікава ламалі псіхалагічна

Лідар “Правага альянсу” Юры Карэтнікаў, які быў пакараны арыштам на 10 сутак нібыта да дробнае хуліганства, быў гатовы да падобнага развіцьця падзей. Вярнуўшыся дадому напрыканцы кастрычніка з вымушанай эміграцыі на Украіне, ён быў маральна гатовы да падобнай сітуацыі.

10.11.2011 З Мікалая Уласевіча патрабуюць спагнаць 30 мільёнаў

Працягваецца пераслед грамадскага актывіста з Варнянаў Мікалая Уласевіча, аднога з ініцыятараў грамадскай кампаніі “Астравецкая атамная – гэта злачынства”. У Ашмянах над ім пачаўся чарговы судовы працэс.