Праваабарончы цэнтр «ВЯСНА»

Навіны за 23 лістапада 2011

23.11.2011 Да ўвагі журналістаў!

Тэрміновую супольную прэс-канферэнцыю з нагоды абвяшчэньня прысуду Віцэ-прэзідэнту Міжнароднай фэдэрацыі правоў чалавека (FIDH), старшыні Праваабарончага цэнтру “Вясна” Алесю Бяляцкаму правядуць прадстаўнікі міжнародных праваабарончых арганізацый 24 лістапада.

23.11.2011 У Крымінальны кодэкс можа быць уведзена паняцце «катаванне»

Генеральная пракуратура Рэспублікі Беларусь выступае за ўвядзенне ў Крымінальны Кодэкс Рэспублікі Беларусь вызначэння паняцця «катаванне». Інфармацыю пра гэта атрымала ў адказе на серыю сваіх зваротаў выпускніца «Адукацыйнага курсу па правах чалавека», праваабаронца Ксенія Дубіцкая.

23.11.2011 Затрымалі за тое, што размаўляў па-беларуску. А ў пастарунку правялі валікам для дактыласкаміі па твару і акунулі галавой ва ўнітаз

Жудасным здзекам з боку міліцыянтаў падвергся ў Магілёве бабруйскі актывіст “Моладзі БНФ” Андрэй Падаляк. Праваабаронца Барыс Бухель адзначае, што ўлада разбэшчвае свае структуры, а абсалютная ўлада разбэшчвае абсалютна.

23.11.2011 Настаўнікаў у Оршы абавязалі выбіваць пазыкі па ЖКГ

На днях настаўнікі аршанскіх школ атрымалі ўказанне наведаць кватэры вучняў, бацькі якіх маюць пазыкі за квартплату, і паспрабаваць пераканаць іх пагасіць доўг. Як высветлілася, аршанскія камунальнікі перадалі ў гарадскі аддзел адукацыі спісы даўжнікоў, а той разаслаў іх па школах.

23.11.2011 Судовы працэс па справе Алеся Бяляцкага: спрэчкі бакоў скончаныя, прысуд - 24 лістапада

Выступы ў спрэчках завершаныя: прысуд Алесю Бяляцкаму абвесцяць 24 лістапада аб 11 гадзіне.

23.11.2011 Арганізатарка Народнага сходу ў Бабруйску абскардзіла свой адміністрацыйны арышт

Галіна Смірнова просіць спыніць у дачыненні да яе адміністрацыйную справу ў сувязі з адсутнасцю складу правапарушэння, а таксама вынесці прыватнае азначэнне у адрас УУС Бабруйска і пракурора Ленінскага раёна за зрыў правядзення Народнага сходу і вынясення ў яе бок афіцыйнага папярэджання.

23.11.2011 Кампанію шальмавання Алеся Бяляцкага працягваюць “раёнкі” Гродзеншчыны

Зэльвенская раённая газета “Праца” і “Свіслацкая газета” далучылася да кампаніі шальмавання кіраўніка Праваабарончага цэнтра "Вясна" і віцэ-прэзідэнта FIDН. Суд над вядомым праваабаронцам яшчэ працягваецца, але, здаецца, у зэльвенскай і свіслацкай “раёнках” пра такое паняцце, як «прэзумпцыя невінаватасці» чуць не хочуць.

23.11.2011 28 лістапада ў Віцебскім абласным судзе зноў будуць вырашаць лёс пікетаў

Актывісты Хрыстафор Жаляпаў, Аляксей Гаўруцікаў і Ян Дзяржаўцаў падалі касацыйную скаргу на пастанову суду Чыгуначнага раёну, вынесеную 14 кастрычніка. Раённы суд пацвердзіў, што ў магчымасці правесці пікет актывістам адмовілі на законных падставах.

23.11.2011 «Крупскi веснiк»: абвяржэнне ненапісанага

Сайт газеты Крупскага райвыканкаму “Крупскi веснiк” паспяшаўся перадрукаваць абвяржэнне УУС Мінаблвыканкама з нагоды падзей у Крупках, але ні радка не прысвяціў міліцэйскай «зачыстцы».

23.11.2011 Мытнік Находка знайшоў "апазіцыйную" літаратуру ў праваабаронцы

Інспектар Ашмянскай мытні Аляксандр Находка пад час мытнага нагляду праваабаронцы Андрэя Палуды на памежным пераходзе Каменны Лог затрымаў праваабарончую літаратуру аб выніках незалежнага назіраньня за прэзідэнцкімі выбарамі 2010 года, якое ажыццяўлялі Праваабарончы цэнтр “Вясна” і Беларускі Хельсінскі камітэт. Дагляд праводзіўся глыбокай ноччу 23 лістапада.

23.11.2011 Стэфановічу прызначылі два суды на 2 сьнежня

23 лістапада Партызанскі суд Менску пачаў разгляд скаргі намесьніка старшыні праваабарончага цэнтру "Вясна" Валянціна Стэфановіча адносна штрафу, вынесенага яму падатковай інспэкцыяй Партызанскага раёну. Суд перанёс разгляд скаргі на 2 сьнежня.

23.11.2011 Маці Кавалёва просіць абараніць абвінавачаных у тэракце ад смяротнага пакарання

Любоў Кавалёва звяртаецца да сусветнай грамадскасці праз інтэрнэт. На адмысловым сайце размешчана яе адозва, пад якой можа падпісацца кожны, хто выступае супраць смяротнага пакарання Ўладзіслава Кавалёва і Дзмітрыя Канавалава, якіх вінавацяць у мінскім тэракце 11 красавіка.

23.11.2011 Кэтрын Эштан і Штэфан Фюле заклікалі неадкладна вызваліць Алеся Бяляцкага

Кэтрын Эштан і Штэфан Фюле выступілі сёння з наступнай заявай: «Мы сур’ёзна занепакоеныя затрыманнем і судовым пераследам міжнародна вядомага беларускага праваабаронцы Алеся Бяляцкага за меркаванае ўхіленне ад выплаты падаткаў.

23.11.2011 Адтэрміноўка адменена, прафсаюзны актывіст пойдзе ў войска

Старшыню магілёўскай гарадской арганізацыі незалежнага прафсаюза радыёэлектроннай прамысловасці Паўла Варашылава забіраюць у войска. 25 чысла ён мусіць прыйсці ў ваенкамат для вырашэння апошніх арганізацыйных момантаў, а 29 яго адправяць у войска.

23.11.2011 Журналістаў не пусцілі працаваць на мяжу

Позна ўвечары 22 лістапада на выездзе з Гародні супрацоўнікі міліцыі затрымалі здымачную група Белсату і карэспандэнтку Радыя Рыцыі. Журналісты мелі намер распавесці пра падзеі на пасежным пераходзе Брузгі. Як паведамляе ў ЖЖ poczobut, іх даставілі ў Кастрычніцкі РАУС. Падрабязнасьці высвятляюцца.