Праваабарончы цэнтр «ВЯСНА»

Навіны за 9 лістапада 2011

09.11.2011 Cуд па справе Алеся Бяляцкага працягнецца 16 лістапада... з новым абвінавачаньнем

Суддзя абвесьціў перапынак у паседжаньні да 10 гадзінаў 16 лістапада. Пракурор заявіў хадайніцтва аб перапынку ў судовым працэсе да 16 лістапада. Да таго часу Алесю Бяляцкаму будзе выстаўлена новае абвінавачаньне, якое, са слоў пракурора, "будзе істотна адрозьніваццца ад папярэдняга".

09.11.2011 "Працэс над Бяляцкім дэманструе немагчымасць працы праваабаронцаў у Беларусі"

Напярэдадні чарговага паседжання па справе Алеся Бяляцкага старшыня Рады Праваабарончага цэнтра "Мемарыял" Алег Арлоў, які прысутнічаў на судзе ў якасці назіральніка ад Абсерваторыі па абароне правоў праваабаронцаў (сумесная праграма FIDH і Сусветнай арганізацыі супраць катаванняў - OMCT), каментуе працэс і сітуацыю з праваабаронцамі ў Беларусі.

09.11.2011 Артак Кіракасян: У Беларусі заканадаўства само па сабе рэпрэсіўнае

Генеральны сакратар FIDH і Кіраўнік Праўлення "Інстытута грамадзянскай супольнасці" Арменіі Артак Кіракасян, які ўважліва сачыў за ходам судовых слуханняў, падзяліўся сваімі ўражаннямі і здагадкамі адносна судовага працэсу над беларускім праваабаронцам, віцэ-прэзідэнтам FIDH Алесем Бяляцкім.

09.11.2011 Гарадоцкі актывіст Леанід Гаравы адказвае “Дзянісу Паляванаву”

На думку гарадоцкага актывіста, масавая перадрукоўка артыкула пра Алеся Бяляцкага адбываецца “ў традыцыях камуністычных кампаній па пераследу іншадумцаў”. Спадар Гаравы піша, што “для ініцыятараў пасквіля не існуе прынцыпу прэзумпцыі невінаватасці".

09.11.2011 Бабруйск: Затрыманых на Дзяды бабруйчан зноў дапыталі

9 лістапада чатырох затрыманых за запаленыя на Дзяды свечкі зноў выклікалі ў аддзяленне міліцыі на размову. Алена Тоўсцік паведаміла, што яна з мужам адмовіліся ісці без позвы, а Арцём Мархасёў і Марына Іванова пайшлі на сустрэчу з капітанам міліцыі Аляксеем Ганчаровым.

09.11.2011 Судовыя рашэнні бабруйскім арганізатарам Народнага сходу будуць агучаны ў пятніцу

Сёння ў бабруйскім судзе разглядалася справа сябраў аргкамітэта Народнага сходу Галіны Смірновай і Канстанціна Локцева. Як і ў выпадку з Віктарам Бузінаевым, суддзёй на працэсе выступіла Наталля Шэгеда.

09.11.2011 Салігорскія праваабаронцы склалі рэйтынг цэнзуры мясцовых СМІ

Цягам апошніх некалькіх год інфармацыйнае поле Салігоршчыны змяняецца досыць нязначна. У офлайне дамінуюць афіцыйныя ды праўладныя СМІ, незалежныя медыі маюць большую вагу ў інтэрнэт-абшарах.

09.11.2011 Пяць сутак атрымаў Васіль Палякоў па паклёпу невядомых асоб

Як аказалася на судзе, адказны сакратар адміністрацыйнай камісіі адміністрацыі Чыгуначнага раёна Гомеля Людміла Мяшкова і студэнт універсітэта Аляксандр Мележ звярнуліся ў міліцыю са скаргай на Васіля Палякова.

09.11.2011 Віцебскі сябра “Маладой Беларусі” скардзіцца на жорсткае абыходжанне ў міліцыі

Тарас Сурган распавёў, што 4 лістапада па дарозе дадому на яго напалі невядомыя: пабілі, нанеслі некалькі нажавых раненняў. Ужо з хаты ён выклікаў хуткую дапамогу, медыкі завезлі яго ў шпіталь і наклалі швы на тры раны, параілі ляжаць.

09.11.2011 Акцыя салідарнасьці з Алесем Бяляцкім у Оршы

Актывісты грамадзянскай кампаніі «Гавары праўду» у Воршы правялі акцыю салідарнасці з вядомым беларускім праваабаронцам Алесем Бяляцкім, якія знаходзяцца цяпер за кратамі.

09.11.2011 Галоўнага рэдактара газэты "Народная воля" выклікаюць у Генэральную пракуратуру

Увагу супрацоўнікаў Генэральнай пракуратуры прыцягнуў артыкул "Народны сход як форма самаарганізацыі грамадзянаў".

09.11.2011 Міхалевіч атрымаў канадскую праваабарончую прэмію

Алесь Міхалевіч, дэмакратычны кандыдат на мінулагодніх прэзідэнцкіх выбарах, як першы еўрапеец стаў лаўрэатам прэміі імя Джона Хамфрэя, аўтара першага праекта Усеагульнай дэкларацыі правоў чалавека.

09.11.2011 Аляксандр Малчанаў ізноў на волі

Аляксандр Малчанаў увечары 8 лістапада быў вызвалены з ізалятара часовага ўтрымання ў Барысаве. Былога палітзнявязня арыштавалі спачатку на 10 сутак нібыта за непадпарадкаванне супрацоўнікам міліцыі, а затым яшчэ на трое па падазрэньні ў здзяйсненьні крымінальнага злачынства.

09.11.2011 Павел Севярынец: “Я заклікаю да салідарнасці з Алесем Бяляцкім”

"Судовае паседжанне па справе Бяляцкага пры сённяшнім рэжыме не можа скончыцца нічым іншым, як абвінавачваннем. Таму зараз, канешне, я заклікаю да салідарнасці з Алесем Бяляцкім. У выпадку з кожным зняволеным мы павінны быць усе за аднаго".

09.11.2011 Выйшаў новы фільм у падтрымку Алеся Бяляцкага (ВІДЭА)

Абсерваторыя па абароне правоў праваабаронцаў, прэзентуючы дакументальны фільм, канстатуе ўзмацненне рэпрэсій супраць праваабаронцаў ва Усходняй Еўропе і Цэнтральнай Азіі. На фоне дэманстрацый у падтрымку Алеся Бяляцкага яго калегі з розных краінаў распавядаюць пра найбольш распаўсюджаныя тыпы пераследу ў рэгіёне.