Праваабарончы цэнтр «ВЯСНА»

Навіны за 21 лістапада 2011

21.11.2011 Крупкі: прайшлі першыя суды над затрыманымі ў пятніцу і суботу

Каля сарака затрыманых знаходзіліся ў ізалятары часовага ўтрымання Крупскага РАУС. У панядзелак частка з іх былі дастаўлены ў раённы суд. Многія з затрыманых мелі відавочныя прыкметы збіцця: кровападцёкі на твары, а адзін з затрыманых паказаў у зале суда сінякі на спіне.

21.11.2011 Полацкія актывісты выказалі салідарнасць з Алесем Бяляцкім

На афішных тумбах і дошках аб'яў у Полацку з'явіліся плакаты з заклікам «Свабоду Алесю Бяляцкаму». Плакаты сталі адказам актывістаў на перадрук ў раённай і гарадской газеце «Полацкі веснік» сумна вядомага артыкула Д. Паліванава «Не в ладу с законом».

21.11.2011 За гендэрнае раўнапраўе

Менавіта так на днях выказаліся ўдзельнікі круглага стала па гендэрнаму раўнапраўю з Аршанскага рэгіёну, арганізатарам якога выступіла кампанія «Наш дом».

21.11.2011 Чыноўнікі аблвыканкаму зноў будуць весці адміністрацыйныя працэсы

Віцебскія абласныя газеты апублікавалі апошняе рашэнне аблвыканкаму “Пра надзяленне паўнамоцтвамі на вядзенне адміністрацыйнага працэсу” . У параўнанні з мінулым рашэннем, правы на складанне адміністрацыйных пратаколаў і падрыхтоўку адміністрацыйных справаў цяпер мае большая колькасьць дзяржаўных чыноўнікаў.

21.11.2011 Палітвязень Мікалай Аўтуховіч змешчаны ў штрафны ізалятар

Адміністрацыя Івацэвіцкай калоніі працягвае аказваць ціск на асуджанага ваўкавыскага прадпрымальніка Мікалая Аўтуховіча.16 лістапада нібыта за непадпарадкаванне ён быў змешчаны ў штрафны ізалятар. На знак пратэсту Мікалай Аўтуховіч абвясціў галадоўку.

21.11.2011 Ігар Случак абскарджвае рашэнне аб арышце ў Вярхоўным судзе

Жыхар Гомеля Ігар Случак звярнуўся са скаргай да старшыні Вярхоўнага суда Валянціна Сукалы. Грамадскі актывіст абскарджвае пастанову суда Савецкага раёна Гомеля аб прыцягненні яго да адміністрацыйнай адказнасці — арышту тэрмінам 3 сутак за нібыта здзейсненае дробнае хуліганства.

21.11.2011 Карэліцкая пракуратура парушае заканадаўства

Сябра слонімскай суполкі Партыі БНФ Іван Шэга так і не атрымаў у вызначаны законам месячны тэрмін адказу з пракуратуры Карэліцкага раёна на сваю скаргу, якую ён накіраваў туды 9 кастрычніка. Прычынай напісання скаргі стала затрыманне 8 кастрычніка на ўласным аўтамабілі, калі актывіст ехаў са Слоніма ў Мінск.

21.11.2011 Перашкоды ў працы адвакатаў - не толькі па палітычных справах

Салігорскія праваабаронцы сочаць за справай аб трагічнай смерці гадавалай дзяўчынкі. Па дапамогу да прадстаўнікоў БХК звярнулася маці 23-гадовага бацькі дзяўчынкі, абвінавачанага ў забойстве дачкі. Як паведаміла жанчына, сустрэцца са сваім адвакатам абвінавачанаму ўдалося толькі праз два месяцы пасля арышту.

21.11.2011 У Рэчыцы затрыманы сябра БХД Кастусь Змушко

У Рэчыцы затрыманы сябра партыі “Беларуская хрысціянская дэмакратыя”. Кастусь Змушко затрыманы ўвечары каля свайго дома разам са сваім сярэднім братам.

21.11.2011 Віктар Сырыца абскарджвае пакаранне за Народны сход

Баранавіцкі грамадскі актывіст Віктар Сырыца 19 лістапада накіраваў скаргу ў Брэсцкі абласны суд. Пастановай суда Баранавіцкага раёна і г.Баранавічы ён быў прызнаны вінаватым у парушэнні Закона РБ “Аб масавых мерапрыемствах” і на падставе ч.2 арт. 23.34 КаАП прыцягнуты да адміністрацыйнай адказнасці ў выглядзе штрафа.

21.11.2011 Былы падпалкоўнік салігорскай міліцыі злавіў сваіх калег на ілжэсведчанні

Падпалкоўнік фінансавай міліцыі ў адстаўцы салігорац Віктар Малочка працягвае барацьбу за аднаўленне сваіх правоў, парушаных адвольнымі затрыманнямі ў “маўклівыя серады”. Змаганне былога супрацоўніка Салігорскага РАУС са сваімі былымі саслужбоўцамі цягнецца ўжо некалькі месяцаў.

21.11.2011 КДБ не вяртае відэакамеру Зміцеру Салаўёву

Камп’ютар і флэшку супрацоўнікі КДБ вярнулі летам гэтага года, відэакамеру ж пакінулі з тлумачэннем, што яна быццам бы патрэбна ў якасці рэчавага доказа пры разглядзе крымінальных спраў аб падзеях 19 снежня 2010 года ў Мінску. Між тым разгляд апошняй крымінальнай справы аб падзеях на Плошчы даўно скончыўся.

21.11.2011 Другі Народны сход у Вілейцы адбыўся на офісе

19 лістапада ў Вялейцы адбыўся Народны сход. Каб пазбегнуць лішняй увагі праваахоўных ворганаў, яго вырашылі правесці ў іншым фармаце і на тыдзень пазней, чым планавалася першапачаткова. Напярэдадні мерапрыемства яго арганізатара Уладзіміра Малярчука ў чарговы раз выклікалі ў пракуратуру.

21.11.2011 Жыхар Брэста абскраджвае пакаранне за ўдзел у “маўклівай” акцыі ў Вярхоўным судзе

Тарас Беражной падаў скаргу ў Вярхоўны суд, каб дамагчыся адмены пастановы раённага суду, які пакараў яго нібыта за ўдзел у “маўклівай” акцыі пратэсту. Калі ж абскарджанне будзе беспаспяховымі, Тарас збіраецца з дапамогай брэсцкіх праваабаронцаў падрыхтаваць зварот у Камітэт ААН па правах чалавека.

21.11.2011 Пастаянны прадстаўнік ЗША пры АБСЕ пра Беларусь

Пад час нядаўняга выступу ў Пастаянным савеце АБСЕ пасол ЗША пры АБСЕ Іен Кэлі адзначыў, што Злучаныя Штаты хацелі б падзякаваць БДІПЧ за ўсёабдымны даклад, апублікаваны 9 лістапада, па ацэнцы судовых працэсаў, праведзеных у перыяд пасля прэзідэнцкіх выбараў у Беларусі 19 снежня 2010 года. У дакладзе падкрэсліваецца неабходнасць правядзення істотнай рэформы судовай сістэмы краіны.