Праваабарончы цэнтр «ВЯСНА»

Навіны за Студзень 2011

27.01.2011 Праваабаронцу Валянціна Стэфановіча 27 студзеня па тэлефоне запрасілі на гутарку ў КДБ

Телефанавалі апоўдні і, не прадставіўшыся, запрасілі на гутарку аб падзеях у Менску 19 сьнежня. Маўляў, у КДБ ёсць фотаматэрыялы, змест якіх ён бы мог патлумачыць.

27.01.2011 У Магілёве затрыманы Сяргей Нягацін

Адміністратыўная справа Сяргея Нягаціна будзе разглядацца 28 студзеня ў судзе Ленінскага раёна Магілёва. Грамадскага актывітса будуць судзіць за ўдзел у несанкцыянаванай акцыі.

27.01.2011 Журналіст Васьковіч застанецца ў турме яшчэ два месяцы

Тэрмін зьняволеньня бабруйскаму журналісту Яўгену Васьковічу працягнулі на два месяцы. Яго затрымалі 17 студзеня ў Магілёве. Маці паведамілі, што ён арыштаваны на дзесяць сутак за хуліганства, нібыта ўчыненае ім 16 сьнежня. Пазьней стала вядома, што супраць яго распачатая крымінальная справа.

27.01.2011 Сабіра Атакішыева, маці палітзняволенага Івана Гапонава: “Мой сын быў упэўнены, што акцыя будзе мірная”

"Я нікога не забіваў, нічога не краў, збройнага супраціву нікому не аказваў. Сумленне маё чыстае. І мне застаецца толькі глядзець гэты “мультфільм” пра сваё жыццё...". Так напісаў 22-гадовы Іван Гапонаў у адным са сваіх лістоў.

27.01.2011 Ваенная контрвыведка праводзіць допыт Арцёма Старыкава, на чарзе - Алег Балцэвіч

Ваенная контрвыведка ўсё больш актыўна ўцягваецца ў працэс допытаў грамадзян па справе масавых беспарадкаў 19-20 снежня 2010 года ў Менску. 28 студзеня чакаюць на допыт Алега Балцэвіча

27.01.2011 ПАВЕДАМЛЕННЕ ДЛЯ ПРЭСЫ

27 студзеня ў 12:00 у офісе Праваабарончага цэнтра “Вясна” (адрас: праспект Незалежнасці 78а, к. 48) адбудзецца прэс-канферэнцыя, прысвечаная месяцу працы Міжнароднай назіральнай місіі ў Беларусі.

27.01.2011 Сёння ўначы выпусцілі з СІЗА КДБ Уладзіміра Кобеца

Сёння ўначы выпусцілі з СІЗА КДБ Уладзіміра Кобеца, кіраўніка штаба экс-кандыдата ў прэзідэнты Андрэя Саннікава, перадае "Народная воля"

27.01.2011 Суд над Міхасём Лебедзем

У судзе Маскоўскага раёна Мінска судзяць 33-гадовага Міхася Лебедзя, якога 20 снежня затрымалі спецназаўцы па дарозе ў Чырвоны касцёл на службу. Мужчыну тады збілі з ног, нанеслі некалькі ўдараў дубінкай і нагамі і за ногі пацягнулі ў аўтазак.

27.01.2011 Рэчыцкі суд прызнаў улёткі перыядычным выданнем

Старшыня Гомельскай абласной арганізацыі рух «За свабоду», стваральнік інфармацыйнага сайту «Сильные новости» Пётр Кузняцоў атрымаў 20 студзеня пастанову Рэчыцкага раёнага суду. Спадар Кузняцоў аштрафаваны на 700 тысяч рублёў паводле часткі 2, артыкула 22.9 КаАП — парушэннне заканадаўства аб СМІ.

27.01.2011 Анатоль Лябедзька дагэтуль не атрымлівае лістоў ад жонкі і сына

26 студзеня родныя старшыні Аб’яднанай грамадзянскай партыі Анатоля Лябедзькі атрымалі другі ліст за-за кратаў. Як пазначана на канверце, ён быў адпраўлены ўчора, 25 студзеня.

27.01.2011 Выкладчыка БНТУ звольнілі за ўдзел у акцыі пратэсту 19 снежня

Дацэнта кафедры фізвыхавання, заслужанага трэнера Беларусі Андрэя Вількіна звольнілі з БНТУ за ўдзел у мірнай акцыі пратэсту 19 снежня ў Мінску.

27.01.2011 У КДБ дапыталі намесніка рэдактара "Товарища"

26 студзеня на допыце ў КДБ у якасці сведкі пабываў намеснік галоўнага рэдактара газеты "Товарищ" Зміцер Яненка.

26.01.2011 Студэнтку педунівэрсытэта адлічылі пасля Плошчы

Актывістцы моладзевага крыла АГП студэнтцы першага курсу гістарычнага факультэта Беларускага дзяржаўнага педагагічнага ўніверсітэта Таццяне Грыбоўскай паведамілі аб тым, што яна адлічаная з ВНУ за «непаспяховасць».

26.01.2011 Куляшоў распавёў, чаму да затрыманых не трапляюць адвакаты

Анатоль Куляшоў патлумачыў, чаму да кандыдатаў у прэзідэнты ды іх давераных асобаў не могуць трапіць адвакаты.

26.01.2011 Па справе аб масавых беспарадках абвінавачанні прад’яўлены Дзмітрыю Буланаву, Аляксандру Квяткевічу і Васілю Парфянкову

Абвінавачанні па справе аб масавых беспарадках прад’яўлены Дзмітрыю Буланаву, Аляксандру Квяткевічу і Васілю Парфянкову. Усяго праваабаронцам вядомы прозвішчы 36 асобаў, якія знаходзяцца ў статусе абвінавачаных па дадзенай справе (па звестках міністра ўнутраных спраў А. Куляшова, абвінавачанымі з’яўляюцца 37 чалавек).